ಹೊಸ ವರ್ಷಕ್ಕೆ ಶಾಕ್ ನೀಡಿದ ರೈಲ್ವೇ: ಪ್ರಯಾಣಿಕರಿಗೆ ಏರಿಕೆ ಬಿಸಿ

Team Udayavani, Jan 1, 2020, 9:27 AM IST

ಹೊಸದಿಲ್ಲಿ: ದೇಶದಲ್ಲಿ ಹೊಸ ವರ್ಷದ ಸಂಭ್ರಮ ಮನೆಮಾಡಿದೆ. ಆದರೆ ಇದೇ ಸಮಯದಲ್ಲಿ ರೈಲ್ವೇ ಇಲಾಖೆ ಶಾಕ್ ನೀಡಿದೆ. ಈಗಾಗಲೇ ರೈಲು ದರ ಹೆಚ್ಚಳವಾಗಿದ್ದು, ಪರಿಷ್ಕೃತ ದರ ಇಂದಿನಿಂದ ಜಾರಿಗೆ ಗರಲಿದೆ.

ಸಾಮಾನ್ಯ ನಾನ್ ಎಸಿ, ಶತಾಬ್ದಿ, ರಾಜಧಾನಿ, ತುರಂತ್ ರೈಲುಗಳಿಗೆ ಈ ದರ ಹೆಚ್ಚಳ ಅನ್ವಯವಾಗಲಿದೆ. ಆದರೆ ಉಪನಗರ ರೈಲು ಪ್ರಯಾಣ ದರದಲ್ಲಿ ಬದಲಾವಣೆ ಮಾಡಲಾಗಿಲ್ಲ. ಹಾಗೆಯೇ ಈಗಾಗಲೇ ಕಾಯ್ದಿರಿಸಿರುವ ಟಿಕೆಟ್ ಗಳಿಗೆ ದರ ಹೆಚ್ಚಳವಾಗುವುದಿಲ್ಲ.

ಸಾಮಾನ್ಯ ಅರೆ ಹವಾನಿಂತ್ರಿತ ರೈಲು ಪ್ರಯಾಣದ ದರ ಪ್ರತೀ ಕಿ.ಮೀಗೆ ಒಂದು ಪೈಸೆ , ಮೇಲ್/ ಎಕ್ಸ್ ಪ್ರೆಸ್ ನಾನ್ ಎಸಿ ರೈಲು ಪ್ರಯಾಣದ ದರ ಪ್ರತಿ ಕಿ.ಮೀ ಗೆ 2 ಪೈಸೆ ಮತ್ತು ಎಸಿ ರೈಲುಗಳ ಪ್ರಯಾಣ ದರ ಕಿ.ಮೀಗೆ 4 ಪೈಸೆಗಳಷ್ಟು ಜಾಸ್ತಿ ಮಾಡಲಾಗಿದೆ.

2014ರಲ್ಲಿ ರೈಲು ಪ್ರಯಾಣ ದರವನ್ನು ಹೆಚ್ಚಿಸಲಾಗಿತ್ತು. ಪ್ರಯಾಣ ದರಗಳನ್ನು ಶೇ14.2 ಮತ್ತು ಸರಕು ಸಾಗಾಣಿಕೆ ದರಗಳನ್ನು ಶೇ6.5ರಷ್ಟು ಹೆಚ್ಚು ಮಾಡಲಾಗಿತ್ತು. ಇದೀಗ ಐದು ವರ್ಷದ ನಂತರ ಬಳಿಕ ದರ ಹೆಚ್ಚಳ ಮಾಡಲಾಗಿದೆ.