ಟಿವಿ, ಫ್ರಿಡ್ಜ್, ವಾಷಿಂಗ್‌ ಮೆಷಿನ್‌ ಬೆಲೆ ಏರಿಕೆ

Team Udayavani, Jan 9, 2022, 10:30 PM IST

ನವದೆಹಲಿ: ಜನಜೀವನದ ಮೇಲೆ ಒಂದತ್ತ ಕೊರೊನಾ ಬರೆ ಇಡುತ್ತಿದ್ದರೆ, ಇನ್ನೊಂದತ್ತ ಬೆಲೆ ಏರಿಕೆ ಬರೆ ಇಡಲಾರಂಭಿಸಿದೆ.

ಆರ್ಥಿಕ ವರ್ಷದ ಇದೇ ತ್ತೈಮಾಸಿಕದಲ್ಲಿ ಟಿವಿ, ಫ್ರಿಡ್ಜ್ ಸೇರಿ ಎಲ್ಲ ರೀತಿಯ ಗೃಹೋಪಯೋಗಿ ಉತ್ಪನ್ನಗಳ ಬೆಲೆ ಶೇ. 5-10ರವರೆಗೆ ಏರಿಕೆಯಾಗಲಿದೆ.

ಕಚ್ಚಾ ಉತ್ಪನ್ನಗಳ ಕೊರತೆ ಉಂಟಾಗುತ್ತಿರುವ ಹಿನ್ನೆಲೆಯಲ್ಲಿ ಬೆಲೆ ಏರಿಕೆಯಾಗುತ್ತಿರುವುದಾಗಿ ಗ್ರಾಹಕ ಎಲೆಕ್ಟ್ರಾನಿಕ್ಸ್‌ ಮತ್ತು ಉಪಕರಣಗಳ ತಯಾರಕರ ಸಂಘ(ಸಿಇಎಎಂಎ) ತಿಳಿಸಿದೆ.

ಕಳೆದ ಡಿಸೆಂಬರ್‌ನಿಂದಲೇ ಬೆಲೆ ಏರಿಕೆ ಆರಂಭವಾಗಿದ್ದು, ಈ ಏಪ್ರಿಲ್‌ವರೆಗೂ ಹಂತ ಹಂತವಾಗಿ ಏರಿಕೆಯಾಗಲಿದೆ ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ:ಹುಬ್ಬಳ್ಳಿ :ಪತಿ ನಡೆಸುತ್ತಿದ್ದ ಲಾಡ್ಜ್ ನಲ್ಲೇ ಡೆತ್ ನೋಟ್ ಬರೆದಿಟ್ಟು ನೇಣಿಗೆ ಶರಣಾದ ಪತ್ನಿ

ಹೈಯರ್‌ ಅಪ್ಲೈ ಯೆನ್ಸೆಸ್‌ ಸಂಸ್ಥೆ ಶೇ.3-5 ಬೆಲೆ ಏರಿಸುವುದಾಗಿ ತಿಳಿಸಿದೆ. ಪ್ಯಾನಾಸೋನಿಕ್‌ ಸಂಸ್ಥೆ ಎಸಿಗಳ ಬೆಲೆಯನ್ನು ಈಗಾಗಲೇ ಶೇ. 8 ಏರಿಕೆ ಮಾಡಿದ್ದು, ಇನ್ನೂ ಏರಿಸುವ ಚಿಂತನೆ ನಡೆಸುತ್ತಿರುವುದಾಗಿ ಹೇಳಿದೆ. ಹಾಗೆಯೇ ಎಲ್‌ಜಿ, ಸೋನಿ, ಹಿಟಾಚಿ, ಗೋದ್ರೆಜ್‌ ಸಂಸ್ಥೆಗಳು ಬೆಲೆ ಏರಿಸುವುದಾಗಿ ತಿಳಿಸಿವೆ.