ಮಹಾ,ಹರಿಯಾಣ ಚುನಾವಣೆ : 32 ಲಕ್ಷ ದಾಖಲೆ ಟ್ವೀಟ್‌

Team Udayavani, Oct 25, 2019, 4:59 PM IST

ನವದೆಹಲಿ: ಹರಿಯಾಣ ಮತ್ತು ಮಹಾರಾಷ್ಟ್ರ ರಾಜ್ಯದ ವಿಧಾನಸಭೆ ಚುನಾವಣೆ ವೇಳೆ ಟ್ವಿಟರ್‌ ಅತಿ ಹೆಚ್ಚು ಬಳಕೆಯಾಗಿದ್ದು, ಒಟ್ಟು 32 ಲಕ್ಷ ಟ್ವೀಟ್‌ ಮಾಡಲಾಗಿದೆ.

ಪ್ರಚಾರದ ಸಂದರ್ಭದಲ್ಲಿ ರಾಜಕಾರಣಿಗಳು ಮತ್ತು ರಾಜಕೀಯ ಪಕ್ಷಗಳು ಹರಿಯಾಣ ಮತ್ತು ಮಹಾರಾಷ್ಟ್ರದ ಮತದಾರರೊಂದಿಗೆ ಸಂವಹನ ನಡೆಸಲು ತಮ್ಮ ಟ್ವಿಟರ್‌ ಖಾತೆಗಳನ್ನು ಹೆಚ್ಚಾಗಿ ಬಳಸಿದ್ದು, ಪ್ರಜೆಗಳು ತಮ್ಮ ನಾಯಕರ ಅಭಿವೃದ್ಧಿ ಕಾರ್ಯಸೂಚಿಯನ್ನು ಚರ್ಚಿಸಲು ಹಾಗೂ ಸ್ಪರ್ಧಾತ್ಮಕ ನಾಯಕರೊಂದಿಗೆ ನೇರವಾಗಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳಲು, ಪ್ರತಿಕ್ರಿಯಿಸಲು ಟ್ವೀಟ್‌ ಸುರಿಮಳೆ ಸುರಿಸಿದ್ದಾರೆ.

ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫ‌ಡ್ನವೀಸ್‌, ಹರಿಯಾಣ ಮುಖ್ಯ ಮಂತ್ರಿ ಮನೋಹರ್‌ ಲಾಲ್‌ ಖಟ್ಟರ್‌, ಶಿವಸೇನೆ ಮುಖಂಡ ಆದಿತ್ಯ ಠಾಕ್ರೆ ಹಾಗೂ ರಾಷ್ಟ್ರೀಯತಾವಾದಿ ಕಾಂಗ್ರೆಸ್‌ ಪಕ್ಷದ ಅಧ್ಯಕ್ಷ ಶರದ್‌ ಪವಾರ್‌ ಮತ್ತು ಮುಖಂಡ ಸುಭಾಷ್‌ ಬರಾಲಾ ಕುರಿತು ಅತೀ ಹೆಚ್ಚು ಟ್ವೀಟ್‌ಗಳನ್ನು ಮಾಡಲಾಗಿದೆ.

ಯಾರ ಬಗ್ಗೆ ಹೆಚ್ಚು ಟ್ವೀಟ್‌?
ಮಹಾರಾಷ್ಟ್ರ
-ಬಿಜೆಪಿ – 38%
-ಶಿವಸೇನೆ ಒಕ್ಕೂಟ – 38%
ಕಾಂಗ್ರೆಸ್‌-ಎನ್‌ಸಿಪಿ ಮೈತ್ರಿ 33%

ಹರಿಯಾಣ
– ಬಿಜೆಪಿ – 54%
– ಕಾಂಗ್ರೆಸ್‌ 40% ರಷ್ಟಿದೆ.