ಹೊಟೇಲ್‌ ಗಾರ್ಡ್‌ಗಳಿಂದ ಪ್ರೆಸ್ ಫೋಟೋಗ್ರಾಫ‌ರ್‌ಗಳ ಮೇಲೆ ಹಲ್ಲೆ

Team Udayavani, Sep 8, 2017, 4:16 PM IST

ಮುಂಬಯಿ : ನಗರ ಹೊರವಲಯದ ಬಾಂದ್ರಾದ ಹೊಟೇಲೊಂದರ ಹೊರಗೆ ಇಬ್ಬರು ಛಾಯಾಚಿತ್ರ ಪತ್ರಕರ್ತರನ್ನು ಹಿಗ್ಗಾಮುಗ್ಗಾ ಹೊಡೆದು ಹಲ್ಲೆಗೈದ ಖಾಸಗಿ ಭದ್ರತಾ ಸಂಸ್ಥೆಯ, ಹೊಟೇಲಿನ ಇಬ್ಬರು ಗಾರ್ಡ್‌ಗಳನ್ನು ಪೊಲೀಸರು ಬಂಧಿಸಿದ್ದಾರೆ. 

ಈ ಘಟನೆ ನಿನ್ನೆ ಗುರುವಾರ ರಾತ್ರಿ ನಡೆದಿದೆ. ನಟಿ ಶಿಲ್ಪಾ ಶೆಟ್ಟಿ ಮತ್ತು ಆಕೆಯ ಪತಿ ರಾಜ್‌ ಕುಂದ್ರಾ ಅವರು ಹೊಟೇಲಿನಿಂದ ಹೊರಬಂದು ತಮ್ಮ ಕಾರನ್ನು ಏರುವ ಸಂದರ್ಭದಲ್ಲಿ ಈ ಛಾಯಾಚಿತ್ರ ಪತ್ರಕರ್ತರು ಅವರ ಫೋಟೋಗಳನ್ನು ಕ್ಲಿಕ್ಕಿಸುತ್ತಿದ್ದರು. 

ಆಗ ಅಲ್ಲಿಗೆ ಬಂದ ಹೊಟೇಲಿನ ಇಬ್ಬರು ಸೆಕ್ಯುರಿಟಿ ಗಾರ್ಡ್‌ಗಳು ಏಕಾಏಕಿ ಪ್ರಸ್‌ ಫೋಟೋಗ್ರಾಫ‌ರ್‌ಗಳ ಮೇಲೆರಗಿ ಅವರನ್ನು ಹಿಗ್ಗಾಮುಗ್ಗಾ ಹೊಡೆದು ಅವರ ಮುಖ, ಬಾಯಿ, ಕೈ ಊದಿಕೊಳ್ಳುವಂತೆ ಮಾಡಿದರು. 

ಹಲ್ಲೆಗೆ ಒಳಗಾದ ಪತ್ರಕರ್ತ ಸೋನು ಮತ್ತು ಹಿಮಾಂಶು ಶಿಂಧೆ ಪೊಲೀಸರಿಗೆ ದೂರು ನೀಡಿದ ಪ್ರಕಾರ ಇವತ್ತು ಆರೋಪಿ ಗಾರ್ಡ್‌ಗಳಿಬ್ಬರನ್ನು ಬಂಧಿಸಿದರು. ಆರೋಪಿ ಗಾರ್ಡ್‌ಗಳನ್ನು ಕಂಚಿ ಪುರ್ವೆ ಮತ್ತು ಕದಾರ್‌ ಎಂದು ಗುರುತಿಸಲಾಗಿದೆ. 

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.