ಸಂಗಾತಿಗಾಗಿ ಭಾರೀ ಗಾತ್ರದ ಹಾವುಗಳ ನಡುವೆ ಕಾದಾಟ: ಮೈನವಿರೇಳಿಸುವ ವಿಡಿಯೋ ವೈರಲ್

Team Udayavani, Jul 31, 2020, 11:58 AM IST

ನವದೆಹಲಿ: ಭಾರೀ ಗಾತ್ರದ ಎರಡು ಹಾವುಗಳು ಕಾದಾಡುವ ವಿಡಿಯೋವೊಂದು ಸದ್ಯ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದ್ದು ಭಾರೀ ಕೂತೂಹಲ ಕೆರಳಿಸಿದೆ. ಅರಣ್ಯಾಧಿಕಾರಿ ಸುಶಾಂತ ನಂದ ಎನ್ನುವವರು ಈ ವಿಡಿಯೋವನ್ನು ಪೋಸ್ಟ್ ಮಾಡಿದ್ದು ರ್ಯಾಟ್ ಸ್ನೇಕ್ ಎಂದು ಗುರುತಿಸಲಾಗಿದೆ,

ಮೈ ನವಿರೇಳಿಸುವ ಹಾವುಗಳ ಈ ಕಾಳಗವು  ಒಂದು ಸಣ್ಣ ನೀರಿನ ತೊರೆಯಲ್ಲಿ ಆರಂಭವಾಗಿ ಪರಸ್ಪರ ಸುತ್ತಿಕೊಂಡು ದಂಡೆಯ ಮೇಲ್ಬಾಗಕ್ಕೆ ಬಂದಿದೆ. ಪ್ರಾಬಲ್ಯ ಸಾಧಿಸಲಿಕ್ಕಾಗಿಯೇ ಹಾವುಗಳು ಕಾದಾಟ ನಡೆಸಿವೆ ಎಂದೇ ಬಣ್ಣಿಸಲಾಗಿದೆ.
ಅದಾಗ್ಯೂ ಈ ಹಾವುಗಳು ಮಿಲನದಲ್ಲಿ ತೊಡಗಿಸಿಕೊಳ್ಳುತ್ತಿವೆ ಎಂದು ನೀವು ಆಲೋಚಿಸುತ್ತಿದ್ದರೆ ನಿಮ್ಮ ಊಹೆ ತಪ್ಪು. ಇವು ಗಂಡು ಹಾವುಗಳಾಗಿದ್ದು ತಮ್ಮ ಸಂಗಾತಿಯನ್ನು ರಕ್ಷಿಸಿಕೊಳ್ಳಲು ಮತ್ತು ಪ್ರದೇಶದ ಉಳಿವಿಗಾಗಿ ಹೋರಾಡುತ್ತಿವೆ ಎಂದು ಸುಶಾಂತ್ ನಂದ ತಿಳಿಸಿದ್ದಾರೆ.

Rat snakes combat for dominance.
Two male fighting to define their territory & defend their mate. pic.twitter.com/FVn2FIXHte

— Susanta Nanda IFS (@susantananda3) July 31, 2020

ನ್ಯಾಷನಲ್ ಜಿಯಾಗ್ರಾಫಿಕ್ ಪ್ರಕಾರ, ಎರಡು ಹಾವುಗಳು ಈ ರೀತಿ ಪರಸ್ಪರ ಸುತ್ತಿಕೊಂಡು ಕಾಳಗ ನಡೆಸುವುದನ್ನು plaiting combat  ಎಂದು ಕರೆಯುತ್ತಾರೆ. ಈ ಹೋರಾಟ ಒಂದು ಹಾವು ಆಯಾಸಗೊಂಡು ಕೆಳಗೆ ಬೀಳುವರೆಗೂ ನಿರಂತರವಾಗಿ ನಡೆಯುತ್ತದೆ ಎಂದು ಉಲ್ಲೇಖಿಸಲಾಗಿದೆ.

That’s a wrong perception?

— Susanta Nanda IFS (@susantananda3) July 31, 2020

ಜುಲೈ 31, 2020 ರಂದು ಈ ವಿಡಿಯೋವನ್ನು ಪೋಸ್ಟ್ ಮಾಡಲಾಗಿದ್ದು ವ್ಯಾಪಕ ವೈರಲ್ ಆಗಿದೆ.