ಸ್ಟೇಶನರಿ ಅಂಗಡಿ-ಮನೆಯಲ್ಲಿ ಬೆಂಕಿ: ತಾಯಿ, ಮಗಳ ಸಾವು

Team Udayavani, Feb 15, 2018, 11:52 AM IST

ಥಾಣೆ : ನವೀ ಮುಂಬಯಿಯ ಐರೋಳಿ ಪ್ರದೇಶದಲ್ಲಿನ ಸ್ಟೇಶನರಿ ಅಂಗಡಿ-ಮನೆಯಲ್ಲಿ  ಇಂದು ನಸುಕಿನ ವೇಳೆ ಬೆಂಕಿ ಅವಘಡ ಉಂಟಾಗಿ ಮಹಿಳೆ ಮತ್ತು ಆಕೆಯ ಐದು ವರ್ಷದ ಮಗಳು ಸಜೀವ ದಹನಗೊಂಡು ಮೃತಪಟ್ಟರೆಂದು ಅಗ್ನಿ ಶಾಮಕ ದಳದ ಅಧಿಕಾರಿ ತಿಳಿಸಿದ್ದಾರೆ. 

ಸ್ಟೇಶನರಿ ಶಾಪ್‌ನಲ್ಲಿ  ನಸುಕಿನ 4 ಗಂಟೆಯ ವೇಳೆಗೆ ಬೆಂಕಿ ಅವಘಡ ಸಂಭವಿಸಿತು.ಅಂಗಡಿ ಮತ್ತು ಮನೆ ಒಟ್ಟಿಗೇ ಇದ್ದುರಿಂದ ತಾಯಿ, ಮಗಳು ಸುಟ್ಟು ಕರಕಲಾದರು ಎಂದು ಐರೋಳಿ ಫೈರ್‌ ಸ್ಟೇಶನ್‌ ಪ್ರಭಾರಾಧಿಕಾರಿ ಏಕನಾಥ್‌  ಪವಾರ್‌ ತಿಳಿಸಿದ್ದಾರೆ. 

ಅಂಗಡಿಗೆ ಒಳಗಿನಿಂದ ಲಾಕ್‌ ಮಾಡಲಾಗಿತ್ತು; ಹಾಗಾಗಿ ಅಗ್ನಿ ಶಾಮಕ ದಳದವರು ಬೆಂಕಿ ನಂದಿಸಲು ಅಂಗಡಿ  ಬಾಗಿಲನ್ನು ಒಡೆದು ಒಳ ಪ್ರವೇಶಿಸಬೇಕಾಯಿತು.

ತಾಯಿ ಮಂಜು ಚೌಧರಿ 28 ಮತ್ತು ಮಗಳು ಗಾಯತ್ರಿ ಚೌಧರಿ 5 ಮೃತಪಟ್ಟವರು. ಅಂಗಡಿ ಮಾಲಕ, ಆತನ ಸಹೋದರ ಮತ್ತು ಇಬ್ಬರು ಪುಟ್ಟ ಮಕ್ಕಳನ್ನು ಬೆಂಕಿ ಅವಘಡದಿಂದ ಪಾರುಗೊಳಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.