29ಕ್ಕೆ  ಸರ್ಜಿಕಲ್‌ ಸ್ಟ್ರೈಕ್‌ ಡೇ;ಆಚರಣೆ ನಿರಾಕರಿಸಿದ ಮಮತಾ ಸರ್ಕಾರ

Team Udayavani, Sep 21, 2018, 12:47 PM IST

ಕೋಲ್ಕತಾ: ಸೆಪ್ಟೆಂಬರ್‌ 29 ರಂದು ಸರ್ಜಿಕಲ್‌ ಸ್ಟ್ರೈಕ್‌ ದಿನಾಚರಣೆ ಆಚರಿಸಲು ವಿಶ್ವವಿದ್ಯಾಲಯಗಳಿಗೆ ಯುಜಿಸಿ ನಿರ್ದೇಶನ ನೀಡಿದೆ. ಆದರೆ ಪಶ್ಚಿಮ ಬಂಗಾಳ ಸರ್ಕಾರ ಈ ದಿನಾಚರಣೆಯನ್ನು ರಾಜ್ಯದಲ್ಲಿ ಆಚರಿಸಲು ನಿರಾಕರಿಸಿದೆ.

ರಾಜ್ಯದಲ್ಲಿ ಸರ್ಜಿಕಲ್‌ ಸ್ಟ್ರೈಕ್‌ ದಿನಾಚರಣೆಯನ್ನು ಆಚರಿಸುವುದಿಲ್ಲ ಎಂದು ಸಚಿವ ಪಾರ್ಥ ಚಟರ್ಜಿ ಹೇಳಿಕೆ ನೀಡಿದ್ದಾರೆ.

ಕೇಂದ್ರ ಬಿಜೆಪಿ ನೇತೃತ್ವದ ಸರ್ಕಾರ ಸೈನ್ಯವನ್ನು ದುರ್ಬಳಕೆ ಮಾಡಿಕೊಳ್ಳುವ ಮೂಲಕ ರಾಜಕೀಯ ಮಾಡುತ್ತಿದೆ.ಚುನಾವಣೆಗೂ ಮುನ್ನ ದುರುದ್ದೇಶದಿಂದ  ಈ ಕೆಲಸ ಮಾಡುತ್ತಿದೆ ಎಂದು ಕಿಡಿ ಕಾರಿದರು. 

ಇದರಲ್ಲಿ ರಾಜಕೀಯ ಇಲ್ಲ, ದೇಶ ಭಕ್ತಿಯೇ ವಿಷಯ ಎಂದು ಕೇಂದ್ರ ಎಚ್‌ಆರ್‌ಡಿ ಸಚಿವ ಪ್ರಕಾಶ್‌ ಜಾವ್‌ಡೇಕರ್‌ ಹೇಳಿಕೆ ನೀಡಿದ್ದಾರೆ. 

2016 ರ ಸೆಪ್ಟೆಂಬರ್‌ 29 ರಂದು ಭಾರತೀಯ ವೀರ ಯೋಧರು ಗಡಿ ದಾಟಿ ಹಲವು ಉಗ್ರರನ್ನು ಸಂಹರಿಸಿ ವಾಪಾಸಾಗಿದ್ದರು.