UNESCO ವಿಶ್ವ ಪಾರಂಪರಿಕ ತಾಣ ಪಟ್ಟಿಗೆ ‘ದಿಬ್ಬ ಸಮಾಧಿಗಳು’: ಏನಿದು ಮೊಯಿಡಮ್ಸ್‌?

Team Udayavani, Jul 27, 2024, 6:48 AM IST

ಹೊಸದಿಲ್ಲಿ: ಅಸ್ಸಾಂನ ಅಹೋಮ್‌ ರಾಜಮನೆತನದ ದಿಬ್ಬ -ಸಮಾಧಿ ವ್ಯವಸ್ಥೆ “ಮೊಯಿಡಮ್ಸ್‌’ ಯುನೆಸ್ಕೋ ವಿಶ್ವ ಪರಂಪರೆಯ ಪಟ್ಟಿಗೆ ಸೇರ್ಪಡೆ ಯಾಗಿದೆ. ಈ ಮೂಲಕ ಈಶಾನ್ಯ ಭಾರ ತದ ಸಾಂಸ್ಕೃತಿಕ ಸ್ವತ್ತೂಂದು ಮೊದಲ ಬಾರಿಗೆ ಈ ಪಟ್ಟಿ ಸೇರಿದಂತಾಗಿದೆ.

ಭಾರತದಲ್ಲಿ ನಡೆಯುತ್ತಿರುವ ವಿಶ್ವ ಪರಂಪರೆ ಸಮಿತಿ(ಡಬ್ಲ್ಯುಎಚ್‌ಸಿ)ಯ 46ನೇ ಸಭೆಯಲ್ಲಿ ಈ ನಿರ್ಣಯ ಕೈಗೊ ಳ್ಳಲಾಗಿದೆ. 2023-24ನೇ ಸಾಲಿನ ಯುನೆಸ್ಕೋ ವಿಶ್ವ ಪರಂಪರೆ ಪಟ್ಟಿ ಸೇರ್ಪಡೆಗೆ ಮೊಯಿಡಮ್ಸ್‌ ನಾಮ ನಿರ್ದೇಶನ ಮಾಡಲಾಗಿತ್ತು. ಪ್ರಧಾನಿ ಮೋದಿಯೂ ಈ ಬಗ್ಗೆ ಸಂತಸ ವ್ಯಕ್ತಪಡಿ ಸಿದ್ದಾರೆ. ಒಟ್ಟಾರೆ ಭಾರತದ 43 ತಾಣಗಳು ಈಗ ಈ ಪಟ್ಟಿಗೆ ಸೇರಿದಂತಾಗಿದೆ.

ಏನಿದು ಮೊಯಿಡಮ್ಸ್‌?: ಅಸ್ಸಾಂನಲ್ಲಿ ರುವ ವಿಶಿಷ್ಟ ದಿಬ್ಬ-ಸಮಾಧಿಗಳನ್ನು ಮೊಯಿಡಮ್ಸ್‌ ಎನ್ನಲಾಗುತ್ತದೆ. ಅಸ್ಸಾಂ ಅನ್ನು ಸುಮಾರು 600 ವರ್ಷ ಆಳಿದ ತೈ-ಅಹೋಮ್‌ರಾಜಮನೆತನಕ್ಕೆ ಸೇರಿದ ಸಮಾಧಿಗಳಿವು. ಇವು 2 ಅಂತಸ್ತಿನ ಕೋಣೆಗಳಾಗಿದ್ದು, ಕಮಾನಿನ ಪ್ರವೇಶ ದ್ವಾರ ಹೊಂದಿವೆ. ಸಮಾಧಿಯ ಅರ್ಧ ಗೋಳದ ಮಣ್ಣಿನ ದಿಬ್ಬಗಳ ಮೇಲೆ, ಇಟ್ಟಿಗೆ ಮತ್ತು ಮಣ್ಣಿನ ಪದರಗಳಿರುತ್ತವೆ. ಇವುಗಳನ್ನು “ಅಸ್ಸಾಂನ ಪಿರಮಿಡ್‌ಗಳು’ ಎಂದೂ ಕರೆಯಲಾಗುತ್ತದೆ.