ಡಿಜಿಟಲ್‌ಗೆ ಉತ್ತೇಜನ

Team Udayavani, Feb 2, 2017, 3:50 AM IST

ನಗದು ರಹಿತ ವಹಿವಾಟು ಉತ್ತೇಜಿಸುವುದು ಕೇಂದ್ರ ಸರಕಾರದ ಕಾರ್ಯತಂತ್ರಗಳಲ್ಲಿ ಒಂದು. ಆರ್ಥಿಕತೆಯಲ್ಲಿ ಪ್ರಸ್ತುತ ಜಾರಿಯಲ್ಲಿರುವ  ನಗದು ರಹಿತ ವ್ಯವಹಾರವನ್ನು ಗರಿಷ್ಠ ಮಟ್ಟದಲ್ಲಿ ಜಾರಿಗೆ ತರುವುದೇ ಇದರ ಮುಖ್ಯ ಉದ್ದೇಶ. 

ಗ್ರಾಮೀಣ ಮತ್ತು ಪಟ್ಟಣ ಪ್ರದೇಶಗಳಲ್ಲಿ ಯೋಜನೆಗೆ ಪೂರಕವಾಗಿ ಮೂಲಸೌಕರ್ಯ ಒದಗಿಸಲು ನಿರ್ಧರಿಸಲಾಗಿದೆ. ಇದನ್ನು ದೂರು ನಿರ್ವಹಣಾ ವ್ಯವಸ್ಥೆಯೊಂದಿಗೆ ಅಭಿವೃದ್ಧಿ ಗೊಳಿಸಲಾಗುತ್ತಿದೆ.  ಅಂಚೆ ಕಚೇರಿಗಳು, ನ್ಯಾಯಬೆಲೆ ಅಂಗಡಿಗಳು , ಬ್ಯಾಂಕಿಂಗ್‌ ಪ್ರತಿನಿಧಿಗಳನ್ನು ಯೋಜನೆಯ ಉತ್ತೇಜಕರನ್ನಾಗಿ ನಿಯೋಜಿ ಸಲಾಗುತ್ತಿದೆ. ಪೆಟ್ರೋಲ್‌ ಪಂಪ್‌ಗ್ಳು, ಸರಕಾರಿ ಕಚೇರಿಗಳು, ಆಸ್ಪತ್ರೆಗಳು, ಶಿಕ್ಷಣ ಸಂಸ್ಥೆಗಳಲ್ಲಿ ಭೀಮ್‌ ಆ್ಯಪ್‌ ಸಹಿತ ಡಿಜಿಟಲ್‌ ಪಾವತಿ ವಿಧಾನಗಳನ್ನು ಕಡ್ಡಾಯ ಗೊಳಿಸುವ ಯೋಚನೆಯನ್ನೂ ಸರಕಾರ ಹೊಂದಿದೆ. 

ರಾಜ್ಯ ಸರಕಾರಗಳು ನಿಗದಿತ ಮೊತ್ತಕ್ಕಿಂತ ಹೆಚ್ಚಿನ ವ್ಯವಹಾರ ವನ್ನು ಡಿಜಿಟಲ್‌ ಮೂಲಕವೇ  ಮಾಡಬೇಕೆಂಬ ನಿಯಮ ರೂಪಿ
ಸುವ ಪ್ರಸ್ತಾವನೆಯನ್ನು ಮುಖ್ಯ ಮಂತ್ರಿಗಳ ಮಂಡಳಿ ಎದುರು ಇಡಲಾಗಿದೆ. ಈ ವರದಿಯಲ್ಲಿನ ಶಿಫಾರಸುಗಳ ಅನ್ವಯ 2007ರ ಪಾವತಿಗಳು, ಸೆಟಲ್‌ಮೆಂಟ್‌ ಕಾಯ್ದೆಗೆ ತಿದ್ದುಪಡಿ ತರಲಾಗುತ್ತದೆ. 

ಡಿಜಿಟಲ್‌ ಪೇಮೆಂಟ್‌ ಸಾಧನಗಳಿಗೆ ರಿಯಾಯಿತಿ
ನಗದು ರಹಿತ ವ್ಯವಹಾರಕ್ಕೆ ಅತ್ಯಗತ್ಯವಾಗಿರುವ ಕಾರ್ಡ್‌ ರೀಡರ್‌, ಮೈಕ್ರೋ ಎಟಿಎಂ ಸ್ಟಾಂಡರ್ಡ್‌ಗಳು, ಬೆರಳಚ್ಚು ಸ್ಕ್ಯಾನರ್‌ಗಳು, ರೀಡರ್‌ಗಳು ಹಾಗೂ ಕಣ್ಣಿನ ಸ್ಕ್ಯಾನರ್‌ಗಳ ಮೇಲಿನ ಬಿಸಿಡಿ, ಅಬಕಾರಿ, ಸಿವಿ ಸುಂಕ ಹಾಗೂ ಎಸ್‌ಎಡಿ ತೆರಿಗೆಯಿಂದ ವಿನಾಯಿತಿ ನೀಡಲಾಗುವುದು. ಈ ಯಂತ್ರಗಳ ಭಾಗ ತಯಾರಕರಿಗೂ ವಿನಾಯಿತಿ ಸಿಗಲಿದೆ.