ಕೇಂದ್ರ ಪರಿಸರ ಖಾತೆ ಸಚಿವ ದವೆ ನಿಧನ; ಪ್ರಧಾನಿ ಮೋದಿಗೆ “ಶಾಕ್’

Team Udayavani, May 18, 2017, 10:21 AM IST

ನವದೆಹಲಿ: ಕೇಂದ್ರ ಪರಿಸರ ಖಾತೆ ರಾಜ್ಯ ಸಚಿವ ಅನಿಲ್ ಮಹದೇವ ದವೆ(61ವರ್ಷ) ಅವರು ಗುರುವಾರ ಹೃದಯ ಸ್ತಂಭನದಿಂದ ಸಾವನ್ನಪ್ಪಿದ್ದಾರೆ. ದವೆ ಅವರ ಆಕಸ್ಮಿಕ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರು ಆಘಾತವ್ಯಕ್ತಪಡಿಸಿದ್ದಾರೆ ಎಂದು ಮಾಧ್ಯಮದ ವರದಿ ತಿಳಿಸಿದೆ.

ನನ್ನ ಗೆಳೆಯ, ತುಂಬಾ ಗೌರವಾನ್ವಿತ ಸಹೋದ್ಯೋಗಿ ಪರಿಸರ ಖಾತೆ ಸಚಿವ ದವೆಜೀ ಅವರು ದಿಢೀರನೆ ಸಾವನ್ನಪ್ಪಿರುವುದು ನನಗೆ ನಿಜಕ್ಕೂ ಆಘಾತ ಹಾಗೂ ವೈಯಕ್ತಿಕವಾಗಿ ತುಂಬಲಾರದ ನಷ್ಟ ತಂದಿದೆ ಎಂದು ಟ್ವೀಟ್ ಮಾಡುವ ಮೂಲಕ ಪ್ರಧಾನಿ ಅವರು ಸಂತಾಪ ವ್ಯಕ್ತಪಡಿಸಿದ್ದಾರೆ.

ಮಧ್ಯಪ್ರದೇಶ ಉಜ್ಜೈನ್ ನ ಬಂದ್ ನಗರದಲ್ಲಿ 1956ರ ಜುಲೈ6ರಂದು ಜನಿಸಿರುವ ದವೆ ಬಿಜೆಪಿ ರಾಜ್ಯಸಭಾ ಸದಸ್ಯರಾಗಿದ್ದರು. ಅವರು ಎಂಕಾಂ ಪದವೀಧರರಾಗಿದ್ದರು.2016ರಲ್ಲಿ ಕೇಂದ್ರ ಸಚಿವ ಸಂಪುಟ ಸೇರಿದ್ದರು.