ಉ.ಪ್ರ. ಸೋಲಿಗೆ ಆತ್ಮಾವಲೋಕನ, ಹೊಸ ರಣತಂತ್ರ: ಬಿಜೆಪಿ

Team Udayavani, Mar 14, 2018, 5:03 PM IST

ಲಕ್ನೋ : ಉತ್ತರ ಪ್ರದೇಶದ ಎರಡು ನಿರ್ಣಾಯಕ ಲೋಕಸಭಾ ಉಪಚುನಾವಣೆಗಳಲ್ಲಿ ಅನಿರೀಕ್ಷಿತವಾಗಿ ಸೋಲುಂಡಿರುವ ಬಿಜೆಪಿ, ತಾನು ಈ ಸೋಲಿನ ಬಗ್ಗೆ ಆತ್ಮಾವಲೋಕನ ಮಾಡುವುದಲ್ಲದೆ, ರಾಜ್ಯದಲ್ಲಿ ಎಸ್‌ಪಿ ಮತ್ತು ಬಿಎಸ್‌ಪಿ ನಿಕಟವಾಗಿರುವ ಹಿನ್ನೆಲೆಯಲ್ಲಿ  ಮುಂದಿನ ವರ್ಷ ನಡೆಯುವ ಲೋಕಸಭಾ ಚುನಾವಣೆಗೆ ತಾನು ಹೊಸ ರಣತಂತ್ರ ರೂಪಿಸುವುದಾಗಿ ಹೇಳಿದೆ. 

“ಎಸ್‌ಪಿ ಮತ್ತು ಬಿಎಸ್‌ಪಿ ಜತೆಗೂಡುವುದನ್ನು ನಾವು ಮುಂಗಾಣಲಿಲ್ಲ. ಆದರೆ ಈಗ ನಮಗೆ ಅದು ಸ್ಪಷ್ಟವಾಗಿರುವುದರಿಂದ ಮತ್ತು ಮಹಾ ಚುನಾವಣೆಗೆ ಇನ್ನೂ ಸಾಕಷ್ಟು ಸಮಯ ಇರುವುದರಿಂದ ನಾವು ನಮ್ಮ ರಣತಂತ್ರವನ್ನು ಸೂಕ್ತವಾಗಿ ಮಾರ್ಪಡಿಸುವೆವು’ ಎಂದು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌  ಸರಕಾರದಲ್ಲಿ ಹಿರಿಯ ಸಚಿವರಾಗಿರುವ ಸಿದ್ಧಾರ್ಥ ನಾಥ್‌ ಸಿಂಗ್‌ ಹೇಳಿದರು.

ಅಭಿವೃದ್ದಿಯನ್ನು ಬಯಸುವವರೆಲ್ಲರೂ ಈಗಲೂ ಬಿಜೆಪಿಗೆ ಮತ ಹಾಕುತ್ತಾರೆ ಎಂದವರು ಹೇಳಿದರು.