ಉ.ಪ್ರ. ಉಪಚುನಾವಣೆಗೆ ಮತದಾನ ಮುಕ್ತಾಯ

Team Udayavani, Mar 12, 2018, 9:55 AM IST

ಲಕ್ನೋ/ಪಟ್ನಾ: ಉತ್ತರ ಪ್ರದೇಶದ ಗೋರಖ್‌ಪುರ ಮತ್ತು ಫ‌ೂಲ್ಪುರ ಲೋಕಸಭಾ ಕ್ಷೇತ್ರಗಳಿಗೆ ರವಿವಾರ ನಡೆದ ಮತದಾನದಲ್ಲಿ ಕ್ರಮವಾಗಿ ಶೇ.43 ಮತ್ತು ಶೇ.37.39ರಷ್ಟು ಹಕ್ಕು ಚಲಾವಣೆಯಾಗಿದೆ. ಇದೇ ವೇಳೆ ಬಿಹಾರದ ಅರಾರಿಯಾ ಕ್ಷೇತ್ರಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಶೇ.57ರಷ್ಟು ಮತದಾನ ದಾಖಲಾಗಿದೆ. ಉ.ಪ್ರ.ಸಿಎಂ ಯೋಗಿ ಆದಿತ್ಯನಾಥ್‌ ರಾಜೀನಾಮೆಯಿಂದ ಗೋರಖ್‌ಪುರ ತೆರವಾಗಿದ್ದರೆ, ಫ‌ೂಲ್ಪುರ ಕ್ಷೇತ್ರದ ಸಂಸದರಾಗಿದ್ದ ಕೇಶವ ಪ್ರಸಾದ್‌ ಮೌರ್ಯ ಉಪ ಮುಖ್ಯಮಂತ್ರಿಯಾದ್ದರಿಂದ ಈ ಕ್ಷೇತ್ರ ತೆರವಾಗಿತ್ತು. ಇನ್ನು ಬಿಹಾರದ ಅರಾರಿಯಾವನ್ನು ಪ್ರತಿನಿಧಿಸುತ್ತಿದ್ದ ಆರ್‌ಜೆಡಿ ಸಂಸದ ಮೊಹಮ್ಮದ್‌ ತಸ್ಲಿಮುದ್ದೀನ್‌ ನಿಧನ ಹೊಂದಿದ್ದರಿಂದ ಇಲ್ಲಿ ಚುನಾವಣೆ ನಡೆದಿದೆ. 14ರಂದು ಫ‌ಲಿತಾಂಶ ಪ್ರಕಟವಾಗಲಿದೆ.