ಅಮೆರಿಕ ಗ್ರೀನ್‌ಕಾರ್ಡ್‌ ಮಿತಿ ರದ್ದು

Team Udayavani, Jul 12, 2019, 5:00 AM IST

ನವದೆಹಲಿ: ಅಮೆರಿಕದಲ್ಲಿ ನೆಲೆಸಿರುವ ಭಾರತೀಯರಿಗೆ ಅನುಕೂಲವಾಗುವ ಮಹತ್ವದ ಮಸೂದೆಗೆ ಅಮೆರಿಕದ ಸಂಸತ್ತಿನಲ್ಲಿ ಅನುಮೋದನೆ ಸಿಕ್ಕಿದೆ. ಒಂದು ವರ್ಷ ಕೇವಲ ಶೇ.7ಕ್ಕಿಂತ ಹೆಚ್ಚು ಗ್ರೀನ್‌ ಕಾರ್ಡ್‌ ಅನ್ನು ಒಂದೇ ದೇಶದ ನಾಗರಿಕರಿಗೆ ನೀಡಲು ಇದ್ದ ಮಿತಿಯನ್ನು ಸಂಸತ್ತು ಭಾರಿ ಬಹುಮತದಿಂದ ತೆಗೆದುಹಾಕಿದೆ. ಇದರಿಂದಾಗಿ ಭಾರತದಂತಹ ದೇಶಗಳಿಂದ ಪ್ರತಿಭಾವಂತರು ಹೆಚ್ಚಿನ ಸಂಖ್ಯೆಯಲ್ಲಿ ಅಮೆರಿಕದಲ್ಲಿ ಶಾಶ್ವತ ಪೌರತ್ವ ಪಡೆಯಬಹುದಾಗಿದೆ.

ಈ ಮಸೂದೆ ಕಾನೂನಾಗಿ ಜಾರಿಗೆ ಬಂದ ನಂತರದಲ್ಲಿ ಒಂದೇ ದೇಶದ ಶೇ.15ವರೆಗೆ ಗ್ರೀನ್‌ಕಾರ್ಡ್‌ ನೀಡಬಹುದು. ಭಾರತದ ಲಕ್ಷಾಂತರ ಜನರು ಎಚ್1ಬಿ ವೀಸಾ ಪಡೆದು ಅಮೆರಿಕಕ್ಕೆ ತೆರಳಿ ದಶಕಗಳಿಂದಲೂ ಶಾಶ್ವತ ಪೌರತ್ವಕ್ಕೆ ಕಾಯುತ್ತಿದ್ದಾರೆ. ಹೊಸ ನೀತಿ ಅಡಿಯಲ್ಲಿ ಕೌಶಲ ಆಧರಿಸಿ ಪೌರತ್ವ ನೀಡಲಾಗುತ್ತಿದೆ.