ಕೊಳಚೆ ಗುಂಡಿಗೆ ಬಿದ್ದು ಒಂದೇ ಕುಟುಂಬದ 4 ಜನ ಸೇರಿ 5 ಮಂದಿ ಸಾವು!

Team Udayavani, Mar 17, 2021, 2:22 PM IST

ಫತೇಹಬಾದ್ (ಉತ್ತರ ಪ್ರದೇಶ) : ನಿರ್ಮಾಣ ಹಂತದಲ್ಲಿದ್ದ ಸೆಪ್ಟಿಕ್ ಟ್ಯಾಂಕ್(ಕೊಳಚೆ ಗುಂಡಿ) ಒಳಗೆ ಬಿದ್ದು 5 ಮಂದಿ ಸಾವನ್ನಪ್ಪಿರುವ ಘಟನೆ ಆಗ್ರಾದ ಫತೇಹಬಾದ್ ಪ್ರದೇಶದಲ್ಲಿ ನಡೆದಿದೆ.

ಮತ್ತೊಂದು ಮನ ಕಲಕುವ ಸಂಗತಿ ಏನೆಂದರೆ ಸಾವಿಗೀಡಾಗಿರುವ ಈ ಐದು ಮಂದಿಯಲ್ಲಿ ನಾಲ್ಕು ಜನ ಒಂದೇ ಕುಟುಂಬದವರು.

ಪ್ರತಾಪುರ ಎಂಬಲ್ಲಿ ಘಟನೆ ನಡೆದಿದ್ದು, ಅನುರಾಗ್(10) ಎಂಬ ಬಾಲ ಆಟವಾಡುವಾಗ ಸೆಪ್ಟಿಕ್ ಟ್ಯಾಂಕ್ ನಲ್ಲಿ ಬಿದ್ದಿದ್ದಾನೆ. ಸ್ಥಳೆದಲ್ಲೇ ಇದ್ದ ಸೋನು(32), ರಾಮ್ ಕಿಲಾಡಿ(16), ಅವಿನಾಶ್ (12) ಹರಿ ಮೋಹನ್(17) ಗುಂಡಿಯಲ್ಲಿ ಬಿದ್ದ ಬಾಲಕನನ್ನು ರಕ್ಷಣೆ ಮಾಡಲು ಮುಂದಾಗಿದ್ದಾರೆ. ಆದ್ರೆ ಕೆಳಗೆ ಇಳಿದ ಯಾರೂ ಕೂಡ ವಾಪಸ್ಸು ಬಾರದೆ ಸಾವಿಗೀಡಾಗಿದ್ದಾರೆ.

ಸ್ಥಳೀಯರು ಹೇಳುವ ಪ್ರಕಾರ ಈ ಗುಂಡಿಯನ್ನು ಕಳೆದ ಮೂರು ದಿನದ ಹಿಂದೆ ತೆಗೆಯಲಾಗಿತ್ತು. ಇದು 12 ಅಡಿ ಆಳವಿದ್ದು, ಅದನ್ನು ಮುಚ್ಚಿರಲಿಲ್ಲ ಎಂದಿದ್ದಾರೆ.

ಈ ಸಾವಿನ ಬಗ್ಗೆ ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ ಸಂತಾಪ ಸೂಚಿಸಿದ್ದು, ಪ್ರತೀ ಕುಟುಂಬಕ್ಕೂ 2 ಲಕ್ಷ ಪರಿಹಾರ ಹಣ ನೀಡಿದ್ದಾರೆ.