ದೇವಸ್ಥಾನ ಕಾಯ್ದೆ ಪ್ರಶ್ನಿಸಿದ್ದ ಸ್ವಾಮಿ ಅರ್ಜಿ ವಜಾ

Team Udayavani, Jul 22, 2020, 6:20 AM IST

ಡೆಹ್ರಾಡೂನ್‌: ಬದರಿನಾಥ್‌, ಕೇದಾರನಾಥ್‌ ಸೇರಿದಂತೆ 51 ದೇಗುಲಗಳ ನಿರ್ವಹಣೆ ಸಂಬಂಧ ಉತ್ತರಾಖಂಡ ಸರಕಾರ ರೂಪಿಸಿದ್ದ ದೇವಸ್ಥಾನ ಕಾಯ್ದೆ ಪ್ರಶ್ನಿಸಿ ಬಿಜೆಪಿ ಹಿರಿಯ ಮುಖಂಡ ಸುಬ್ರಹ್ಮಣ್ಯನ್‌ ಸ್ವಾಮಿ ಸಲ್ಲಿಸಿದ್ದ ಅರ್ಜಿ ಹೈಕೋರ್ಟ್‌ ನಲ್ಲಿ ವಜಾಗೊಂಡಿದೆ.

ದೇಗುಲ ಆಡಳಿತವನ್ನು ವೃತ್ತಿಪರಗೊಳಿಸುವ ಉದ್ದೇಶದಿಂದ ತ್ರಿವೇಂದ್ರ ಸಿಂಗ್‌ ರಾವತ್‌ ಸರಕಾರ ಈ ಕಾಯ್ದೆ ಜಾರಿ ಮಾಡಿತ್ತು.

ಸ್ವಾಮಿ ತಮ್ಮ ಅರ್ಜಿಯಲ್ಲಿ, ಧಾರ್ಮಿಕ ವ್ಯವಹಾರಗಳಲ್ಲಿ ಹಸ್ತಕ್ಷೇಪ ಮಾಡಲು ಸರಕಾರಕ್ಕೆ ಯಾವುದೇ ಹಕ್ಕಿಲ್ಲ.
ಈ ಕಾಯ್ದೆ ಅಸಾಂವಿಧಾನಿಕ, ಮೂಲಭೂತ ಹಕ್ಕುಗಳ ಸ್ಪಷ್ಟ ಉಲ್ಲಂಘನೆ ಎಂದು ಆಕ್ಷೇಪಿಸಿದ್ದರು.

ಹೈಕೋರ್ಟ್‌ ಅರ್ಜಿ ವಜಾಗೊಳಿಸುತ್ತಿದ್ದಂತೆ ಸ್ವಾಮಿ ಸರಣಿ ಟ್ವೀಟ್‌ ಮಾಡಿದ್ದಾರೆ. ‘ಹೈಕೋರ್ಟ್‌ ನಲ್ಲಿ ಸೋತ ಅನಂತರ ನನ್ನ ಹಿಂದಿನ ವಿಜಯಗಳಂತೆ ನಾನು ಸುಪ್ರೀಂ ಮೆಟ್ಟಿಲನ್ನು ಏರಿ ಗೆದ್ದುಬರುವೆ’ ಎಂದು ಸವಾಲು ಹಾಕಿದ್ದಾರೆ.