ವೈಷ್ಣೋದೇವಿ: ಮಾರ್ಗಸೂಚಿ ಕಡ್ಡಾಯ

Team Udayavani, Jun 4, 2020, 8:33 AM IST

ಸಾಂದರ್ಭಿಕ ಚಿತ್ರ

ಜಮ್ಮು: ಸುಪ್ರಸಿದ್ಧ ಯಾತ್ರಾಸ್ಥಳ ವೈಷ್ಣೋದೇವಿ ದರ್ಶನ ಜೂ.8ರಿಂದ ಆರಂಭಗೊಳ್ಳಲಿದೆ. ತ್ರಿಕೂಟ ಪರ್ವತವಾಸಿನಿಯ ದರ್ಶನಕ್ಕೆ ಭಕ್ತರಿಗೆ ಅಗತ್ಯ ಮಾರ್ಗಸೂಚಿ ಕಡ್ಡಾಯಗೊಳಿಸಲು ದೇಗುಲ ಆಡಳಿತ ಮಂಡಳಿ ಸಜ್ಜಾಗಿದೆ.

ಸಿದ್ಧತೆಗಳು ಏನೇನು?: ತ್ರಿಕೂಟ ಪರ್ವತದ 13 ಕಿ.ಮೀ. ಕಿರುದಾರಿಯ ಉದ್ದಕ್ಕೂ ಸಾಮಾಜಿಕ ಅಂತರಕ್ಕಾಗಿ ಪೇಂಟ್‌ನಿಂದ ಗುರುತು ಹಾಕಲಾಗಿದೆ. ಯಾತ್ರಿಕರನ್ನು ಹೊತ್ತೂಯ್ಯುವ ಕುದುರೆ ಮತ್ತು ಅದರ ಮಾಲಕರಿಗೆ ಆರೋಗ್ಯಪರೀಕ್ಷೆಗಳು ನಡೆಯುತ್ತಿವೆ ಎಂದು ಮಂಡಳಿ ಹೇಳಿದೆ.

ಜಿಪಿಎಸ್‌ ಟ್ರ್ಯಾಕಿಂಗ್‌: ಭಕ್ತಾದಿಗಳಿಗೆ ಆನ್‌ಲೈನ್‌ ಮೂಲಕ ಟಿಕೆಟ್‌ ಪಡೆಯಲು ಸೂಚಿಸಲಾಗಿದ್ದು, ಆದ್ಯತೆಯ ಮೇರೆಗೆ ಅವಕಾಶ ಲಭ್ಯವಾಗಲಿದೆ. ಬೆಟ್ಟ ಏರುವಾಗ ನಿಗದಿತ ಸಮಯ ಪಾಲನೆಗೆ ಪ್ರತಿ ಭಕ್ತರೂ ಜಿಪಿಎಸ್‌ ಟ್ರ್ಯಾಕಿಂಗ್‌ಗೆ ಒಳಪಡುತ್ತಾರೆ.

30ರ ವರೆಗೆ ಯಾತ್ರೆ ಬೇಡ: ಕೋವಿಡ್ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಜೂ.30ರವರೆಗೆ ಬದರಿನಾಥ ಯಾತ್ರೆ ಸ್ಥಗಿತಗೊಳಿಸುವಂತೆ ದೇಗಲದ ಪ್ರಧಾನ ಅರ್ಚಕ ರಾವಲ್‌ ಈಶ್ವರಿ ಪ್ರಸಾದ್‌ ನಂಬೂದಿರಿ ಉತ್ತರಾಖಂಡ ಸರಕಾರಕ್ಕೆ ಮನವಿ ಮಾಡಿದ್ದಾರೆ.