ಸೀರೆಯಲ್ಲಿ ಕಬಡ್ಡಿ ಆಡಿದ ಮಹಿಳಾ ಮಣಿಗಳು-ವಿಡಿಯೋ ವೈರಲ್

Team Udayavani, Oct 9, 2022, 7:23 PM IST

ಟ್ರ್ಯಾಕ್‌ ಪ್ಯಾಂಟ್‌ ಅಥವಾ ಶಾರ್ಟ್ಸ್ ಧರಿಸಿ ಮೈದಾನದಲ್ಲಿ ಕಬಡ್ಡಿ ಆಡುವ ಕಲಿಗಳನ್ನು ನೀವೆಲ್ಲ ನೋಡಿರುತ್ತಿರಿ. ಆದರೆ ಛತ್ತೀಸ್‌ಗಡದ ಗ್ರಾಮವೊಂದರಲ್ಲಿ ಹಳ್ಳಿಯ ಮಹಿಳಾ ಮಣಿಗಳು ಸೀರೆ ಧರಿಸಿ ಗ್ರಾಮೀಣ ಕ್ರೀಡೆ ಕಬಡ್ಡಿ ಆಡಿ ಎಲ್ಲರ ಗಮನ ಸೆಳೆದಿದ್ದಾರೆ.

ಗ್ರಾಮದಲ್ಲೇ ತಾತ್ಕಾಲಿಕ ಕಬಡ್ಡಿ ಮೈದಾನ ನಿರ್ಮಿಸಿಕೊಂಡು ಎರಡು ತಂಡಗಳ ಮಹಿಳೆಯರು ಉತ್ಸಾಹ ಮತ್ತು ಸ್ಫೂರ್ತಿಯಿಂದ ಕಬಡ್ಡಿ ಆಡುವುದನ್ನು ನೂರಾರು ಜನರು ಬೆರಗುಗಣ್ಣಿನಿಂದ ವೀಕ್ಷಿಸುವ ವಿಡಿಯೋ ಅನ್ನು ಐಎಎಸ್‌ ಅಧಿಕಾರಿ ಅವನೀಶ್‌ ಶರಣ್‌ ಟ್ವಿಟರ್‌ನಲ್ಲಿ ಶೇರ್‌ ಮಾಡಿದ್ದಾರೆ.

हम किसी से कम हैं क्या !!!

छत्तीसगढ़िया ओलंपिक में महिला कबड्डी. pic.twitter.com/06QyhY4ojp

— Awanish Sharan (@AwanishSharan) October 7, 2022

ಈ ವಿಡಿಯೋ ಅನ್ನು ಈಗಾಗಲೇ ಮೂರು ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. 12,500ಕ್ಕೂ ಹೆಚ್ಚು ಮಂದಿ ಲೈಕ್‌ ಮಾಡಿದ್ದಾರೆ. ಅನೇಕರು ಗ್ರಾಮೀಣ ಮಹಿಳೆಯರ ಉತ್ಸಾಹವನ್ನು ಪ್ರಶಂಸಿಸಿ ಕಾಮೆಂಟ್‌ ಮಾಡಿದ್ದಾರೆ.