ಮತ್ತೊಂದು ಶಾಕ್! ಎಐಎಡಿಎಂಕೆಯಿಂದ ಕೊನೆಗೂ ಶಶಿಕಲಾಗೆ ಗೇಟ್ ಪಾಸ್

Team Udayavani, Sep 12, 2017, 11:58 AM IST

ಚೆನ್ನೈ:ತಮಿಳುನಾಡು ರಾಜಕಾರಣದಲ್ಲಿ ಮಹತ್ವದ ಬೆಳವಣಿಗೆ ಎಂಬಂತೆ ಎಐಎಡಿಎಂಕೆ ಪಕ್ಷದ ಪ್ರಧಾನ ಕಾರ್ಯದರ್ಶಿ ಹುದ್ದೆಯಿಂದ ವಿಕೆ ಶಶಿಕಲಾ ಹಾಗೂ ಉಪಕಾರ್ಯದರ್ಶಿ ಟಿಟಿವಿ ದಿನಕರ್ ಅವರನ್ನು ಪಕ್ಷದಿಂದ ಉಚ್ಛಾಟಿಸಲಾಗಿದೆ.

ಮಂಗಳವಾರ ಚೆನ್ನೈನಲ್ಲಿ ನಡೆದ ಎಐಎಡಿಎಂಕೆ ಪಕ್ಷದ ಜನರಲ್ ಕೌನ್ಸಿಲ್ ಸಭೆಯಲ್ಲಿ ಈ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಮಾಧ್ಯಮದ ವರದಿ ತಿಳಿಸಿದೆ. ಜಯಲಲಿತಾ ಅವರ ನಿಧನರಾಗುವ ಮುನ್ನ ಯಾರನ್ನು ಯಾವ ಹುದ್ದೆಯಲ್ಲಿ ಇರಿಸಿದ್ದಾರೋ ಅವರೆಲ್ಲಾ ಅದೇ ಹುದ್ದೆಯಲ್ಲಿ ಮುಂದುವರಿಯುವಂತೆ ಸಭೆಯಲ್ಲಿ ನಿರ್ಣಯ ಕೈಗೊಂಡಿರುವುದಾಗಿ ವರದಿ ವಿವರಿಸಿದೆ.

ಒಂದು ವೇಳೆ ತನ್ನನ್ನು ಪಕ್ಷದಿಂದ ಉಚ್ಚಾಟಿಸಿದರೆ ಸರ್ಕಾರವನ್ನು ಕೆಳಗುರುಳಿಸುವುದಾಗಿ ಟಿಟಿವಿ ದಿನಕರನ್ ಬೆದರಿಕೆ ಹಾಕಿದ್ದರು. ಸದ್ಯ ಅಕ್ರಮ ಆಸ್ತಿ ಗಳಿಕೆಯಲ್ಲಿ ಬೆಂಗಳೂರಿನ ಪರಪ್ಪನ ಅಗ್ರಹಾರದಲ್ಲಿ ಶಶಿಕಲಾ ಜೈಲುಕಂಬಿ ಎಣಿಸುತ್ತಿದ್ದು, ಇದೀಗ ಮತ್ತೊಂದು ಹೊಡೆತ ಎಂಬಂತೆ ಶಶಿಕಲಾ ರಾಜಕೀಯ ಜೀವನವೂ ಮುಗಿದಂತಾಗಿದೆ.