ಹೆಚ್ಚಿನ ಮತದಾನ ; ಪ್ರಧಾನಿ ಮೋದಿ ಟ್ವೀಟ್‌ ಮನವಿಗೆ ರಮ್ಯಾ ತಿರುಗೇಟು!

Team Udayavani, Mar 13, 2019, 12:49 PM IST

ಹೊಸದಿಲ್ಲಿ: ಹೆಚ್ಚಿನ ಮತದಾನ ನಡೆಸಲು ಮನವಿ ಮಾಡಿ ಕೆಲ ವಿಪಕ್ಷಗಳ ನಾಯಕರನ್ನು ಟ್ಯಾಗ್‌ ಮಾಡಿ ಪ್ರಧಾನಿ ನರೇಂದ್ರ ಮೋದಿ ಅವರು ಮಾಡಿದ ಟ್ವೀಟ್‌ಗೆ ಎಐಸಿಸಿ ಸಾಮಾಜಿಕ ತಾಣಗಳ ಮುಖ್ಯಸ್ಥೆ, ನಟಿ ರಮ್ಯಾ ತಿರುಗೇಟು ನೀಡಿದ್ದಾರೆ. 

ಹೆಚ್ಚು ಮತದಾನ ವಾದಲ್ಲಿ ನಮ್ಮ ಪ್ರಜಾಸತ್ತೆಯ ಉನ್ನತಿಗೆ ಒಳಿತು, ಎಂದು ಪ್ರಧಾನಿ ಅವರು ಮನವಿ ಮಾಡಿ ರಾಹುಲ್‌ಗಾಂಧಿ, ಮಮತಾ ಬ್ಯಾನರ್ಜಿ, ಶರದ್‌ ಪವಾರ್‌,ಮಾಯಾವತಿ, ಅಖೀಲೇಶ್‌ ಯಾದವ್‌, ತೇಜಸ್ವಿ ಯಾದವ್‌ ಮತ್ತು ಎಂ.ಕೆ.ಸ್ಟಾಲಿನ್‌ ಅವರನ್ನು ಟ್ಯಾಗ್‌ ಮಾಡಿದ್ದರು. 

We’ve done it already Modi ji,infact we did it the day the election dates were announced #RegisterToVote. Please take a look. It’s not too late for you to appeal though. Also, Rahul Gandhi ji’s interaction with the Stella Maris students was a huge success. #VanakkamRahulGandhi https://t.co/0KhCBL4bfR

— Divya Spandana/Ramya (@divyaspandana) March 13, 2019

ಈ ಟ್ವೀಟ್‌ಗೆ ತಿರುಗೇಟು ನೀಡಿ ಟ್ವೀಟ್‌ ಮಾಡಿರುವ ರಮ್ಯಾ, ನಾವು ಈಗಾಗಲೇ ಅದನ್ನು ಮಾಡಿದ್ದೇವೆ ಮೋದಿ ಜಿ, ನಾವದನ್ನು ಚುನಾವಣಾ ದಿನಾಂಕ ಘೋಷಣೆಯಾದ ದಿನವೇ ಮಾಡಿದ್ದೇವೆ. ದಯವಿಟ್ಟು ಒಮ್ಮೆ ನೋಡಿ, ನಿಮಗೆ ಮನವಿ ಮಾಡಲೂ ಇದೇನು ಅತೀ ವಿಳಂಬ ಕಾಲವಲ್ಲ. ರಾಹುಲ್‌ ಗಾಂಧಿ ಅವರ ಸ್ಟೆಲ್ಲಾ ಮಾರೀಸ್‌ ವಿದ್ಯಾರ್ಥಿಗಳೊಂದಿಗಿನ ಸಂವಾದ ದೊಡ್ಡ  ಮಟ್ಟದಲ್ಲಿ  ಯಶಸ್ವಿಯಾಗಿದೆ, ಎಂದು ಬರೆದಿದ್ದಾರೆ.