Madras High Court ಸನಾತನ ಧರ್ಮ ಬಗ್ಗೆ ನಿಮ್ಮ ತಿಳುವಳಿಕೆಯ ಆಧಾರವೇನು ?

Team Udayavani, Nov 8, 2023, 9:59 PM IST

ಚೆನ್ನೈ: ಸನಾತನ ಧರ್ಮ ನಾಶದ ಬಗ್ಗೆ ವಿವಾದಾತ್ಮಕ ಹೇಳಿಕೆ ನೀಡಿದ್ದ ತಮಿಳುನಾಡು ಕ್ರೀಡಾ ಸಚಿವ ಉದಯನಿಧಿ ಸ್ಟಾಲಿನ್‌ಗೆ ಅದರ ಬಗ್ಗೆ ತಿಳಿವಳಿಕೆಯ ಆಧಾರವೇನು ಎಂದು ಪ್ರಶ್ನಿಸಿದೆ. ಜತೆಗೆ ಈ ನಿಟ್ಟಿನಲ್ಲಿ ಅವರು ನಡೆಸಿದ ಸಂಶೋಧನೆಗಳೇನು ಎಂದು ಮದ್ರಾಸ್‌ ಹೈಕೋರ್ಟ್‌ ಕೇಳಿದೆ.

ಉದಯನಿಧಿ ಸ್ಟಾಲಿನ್‌ ಹೇಳಿಕೆ ಪ್ರಶ್ನಿಸಿ ಸಂಘಟನೆಯೊಂದು ಪ್ರಶ್ನಿಸಿ ಸಲ್ಲಿಸಿದ್ದ 3 ರಿಟ್‌ ಅರ್ಜಿಗಳನ್ನು ನ್ಯಾ.ಅನಿತಾ ಸುಮಂತ್‌ ನೇತೃತ್ವದ ನ್ಯಾಯಪೀಠ ವಿಚಾರಣೆ ನಡೆಸಿತು. ಈ ವೇಳೆ ಸನಾತನ ಧರ್ಮದ ಕುರಿತಾದ ತಮ್ಮ ಭಾಷಣದಲ್ಲಿ ಉದಯಾನಿಧಿ ಅವರು ಏನೆಲ್ಲಾ ಮಾತನಾಡಿದ್ದರೋ ಅದರ ಟೈಪ್‌ ಮಾಡಿದ ಪ್ರತಿಯನ್ನು ಸಲ್ಲಿಸುವಂತೆ ಸೂಚಿಸಿತು.

ಧರ್ಮವನ್ನು – ಸನಾತನ ಧರ್ಮದೊಂದಿಗೆ ಸಮೀಕರಿಸುವ ಹೇಳಿಕೆಗಳು ಬಂದದ್ದು ಹೇಗೆ, ಯಾವ ಅಧ್ಯಯನದ ಆಧಾರದ ಮೇಲೆ ಸನಾತನ ಧರ್ಮವನ್ನು ಸ್ಟಾಲಿನ್‌ ಅರ್ಥೈಸಿಕೊಂಡಿದ್ದಾರೆ ಎಂಬುದನ್ನೂ ತಿಳಿಸಬೇಕು ಎಂದು ನ್ಯಾಯಪೀಠ ಉದಯನಿಧಿಗೆ ತಾಕೀತು ಮಾಡಿದೆ.

ಸೆ.2ರಂದು ಉದಯಾನಿಧಿ ಡೆಂಗ್ಯೂ , ಸೊಳ್ಳೆ, ಮಲೇರಿಯಾ ಅಥವಾ ಕೊರೊನಾ ವೈರಸ್‌ ನಿರ್ಮೂಲನೆ ಮಾಡುವಂತೆಯೇ ನಾವು ಸನಾತನ ಧರ್ಮವನ್ನೂ ನಿರ್ಮೂಲನೆ ಮಾಡಬೇಕಿದೆ ಹೇಳಿ ವಿವಾದ ಸೃಷ್ಟಿಸಿದ್ದರು.