ರಾಷ್ಟ್ರಪತಿಗಳ ಆದೇಶದಲ್ಲಿ ಏನಿದೆ?

Team Udayavani, Aug 6, 2019, 5:05 AM IST

ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ರಾಜ್ಯಸಭೆಯಲ್ಲಿ ಓದಿದ ಸಂವಿಧಾನದ 370ನೇ ವಿಧಿ ರದ್ದು ಮಾಡುವ ಆದೇಶದ ಸಾರ ಈ ರೀತಿ ಇದೆ: “ಜಮ್ಮು ಮತ್ತು ಕಾಶ್ಮೀರ ಸರಕಾರದ ಸಹಮತದೊಂದಿಗೆ ಅದಕ್ಕಾಗಿ ರಚಿತವಾಗಿರುವ ಸಂವಿಧಾನ (ಜಮ್ಮು ಮತ್ತು ಕಾಶ್ಮೀರ) ಆದೇಶ 2019ರ ಅನುಸಾರ, ಆ ರಾಜ್ಯಕ್ಕೆ ಇನ್ನು ಭಾರತದ ಸಂವಿಧಾನದ ನಿಯಮಗಳು ಅನ್ವಯವಾಗುತ್ತವೆ.

ಈ ಆದೇಶ 1954ರಿಂದ ಜಾರಿಯಲ್ಲಿರುವ ಸಂವಿಧಾನದ (ಜಮ್ಮು ಮತ್ತು ಕಾಶ್ಮೀರ) ಆದೇಶದ ಸ್ಥಾನದಲ್ಲಿ ಜಾರಿಯಾಗಲಿದೆ. ಸಂವಿಧಾನದ 367ನೇ ವಿಧಿಯ 4ನೇ ಉಪ ನಿಯಮದಲ್ಲಿ ನಾಲ್ಕು ಬದಲಾವಣೆಗಳನ್ನು ಸೂಚಿಸುತ್ತದೆ. ಈ ಸಂವಿಧಾನದಲ್ಲಿ ಸೂಚಿತವಾದಂತೆ ಜಮ್ಮು ಮತ್ತು ಕಾಶ್ಮೀರದ ವಿಧಾನಸಭೆಯಾಗಿರುವ ಸದರ್‌-ಐ-ರಿಯಾಸತ್‌, ಅಲ್ಲಿನ ಸಚಿವ ಸಂಪುಟದ ಸಲಹೆಯಂತೆ ರಾಜ್ಯಪಾಲರ ನಿಬಂಧನಗೆ ಒಳಪಟ್ಟಿರುತ್ತದೆ. ಈ ಸಂವಿಧಾನದಲ್ಲಿ ಸೂಚಿತವಾದಂತೆ ಜಮ್ಮು ಮತ್ತು ಕಾಶ್ಮೀರದ ವಿಧಾನಸಭೆಯಾಗಿರುವ ಸದರ್‌-ಐ-ರಿಯಾಸತ್‌, ಅಲ್ಲಿನ ಸಚಿವ ಸಂಪುಟದ ಸಲಹೆಯಂತೆ ರಾಜ್ಯಪಾಲರ ನಿಬಂಧನಗೆ ಒಳಪಟ್ಟಿರುತ್ತದೆ. ಸಂವಿಧಾನದ 370ನೇ ವಿಧಿಯ ನಿಯಮ 3ರ ಅನ್ವಯ, ಕಾನ್‌ಸ್ಟಿಟ್ಯುವೆಂಟ್‌ ಅಸೆಂಬ್ಲಿಯನ್ನು ನಿಯಮ 2ರ ಅನ್ವಯ ರಾಜ್ಯದ ವಿಧಾನಸಭೆ ಎಂದು ಅಂಗೀಕರಿಸಲಾಗಿದೆ.