ಅಂತೂ ವಾಟ್ಸಪ್‌ಗೆ ಡಾರ್ಕ್‌ ಮೋಡ್‌ ಬಂತು

Team Udayavani, Mar 4, 2020, 6:31 PM IST

ದಿಲ್ಲಿ: ವಾಟ್ಸ್‌ಪ್‌ ತನ್ನ ಬಹುನಿರೀಕ್ಷಿತ ಹೊಸ ಫೀಚರ್‌ ಅನ್ನು ಬಿಡುಗಡೆಗೊಳಿಸಿದೆ. ಕಳೆದ ಒಂದು ವರ್ಷದಿಂದ ಡಾರ್ಕ್‌ ಮೋಡ್‌ ಕುರಿತು ಹಲವು ಚರ್ಚೆಗಳು ಕುತೂಹಲಗಳು ನಡೆಯುತ್ತಿದ್ದವು. ಆದರೆ ಎಲ್ಲ ಬಳಕೆದಾರರಿಗೆ ಈ ವೈಶಿಷ್ಟ ಸಿಗಲು ಸ್ವಲ್ಪ ಕಾಲಾವಕಾಶ ಬೇಕಾಗಲಿದೆ. ಕೆಲವು ಫೋನ್‌ಗಳಲ್ಲಿ ಲಭ್ಯ ಇವೆ.

ಡಾರ್ಕ್‌ ಮೋಡ್‌ ಅನ್ನು ಹೇಗೆ ಬಳಸಬಹುದು ಎಂಬುದರ ಕುರಿತು ಮಾಹಿತಿ ಇಲ್ಲಿದೆ. ಸೆಟ್ಟಿಂಗ್ಸ್‌ ಅನ್ನು ಕ್ಲಿಕ್‌ ಮಾಡಿ. ಅಲ್ಲಿ ಚಾಟ್ಸ್‌ ಎಂಬ ಆಯ್ಕೆ ಕಾಣಸಿಗುತ್ತದೆ. ಬಳಿಕ ಹೊಸದಾಗಿ ಬಳಕೆಗೆ ಬಂದ ಥೀಮ್‌ ಅನ್ನು ಕ್ಲಿಕ್‌ ಮಾಡಿ, ಈ ಥೀಮ್‌ನಲ್ಲಿ ಸಿಸ್ಟಮ್‌ ಡೀಫಾಲ್ಟ್, ಲೈಟ್‌ ಮತ್ತು ಡಾರ್ಕ್‌ ಎಂಬ ಆಯ್ಕೆಗಳು ಕಾಣಿಸುತ್ತದೆ. ಡಾರ್ಕ್‌ ಗೆ ಕ್ಲಿಕ್‌ ಮಾಡಿದ ತಕ್ಷಣ ವಾಟ್ಸಾಪ್‌ ಡಾರ್ಕ್‌ ಮೋಡ್‌ ಬಳಕೆಗೆ ಸಿಗಲಿದೆ. ಮಾತ್ರವಲ್ಲದೆ ಸಿಸ್ಟಮ್‌ ಡೀಫಾಲ್ಟ್ ಆಯ್ಕೆಯನ್ನು ಕ್ಲಿಕ್ಕಿಸಿದರೆ ಬೆಳಕಿಗೆ ಅನುಗುಣವಾಗಿ ಡಾರ್ಕ್‌ ಮೋಡ್‌ ಮತ್ತು ಲೈಟ್‌ ಮೋಡ್‌ ಗಳಾಗಿ ಬದಲಾಗಲಿದೆ.

ತನ್ನ ಈ ನೂತನ ವೈಶಿಷ್ಟ್ಯ ಬಳಕೆದಾರರಿಗೆ ಉತ್ತಮ ಅನುಭವ ನೀಡಲಿದೆ. ಡಾರ್ಕ್‌ ಮೋಡ್‌ ಜತೆಗೆ ಬಳಕೆದಾರರಿಗೆ ಗ್ರೇ ಹಾಗೂ ಆಫ್ ವೈಟ್‌ ಬಣ್ಣಗಳ ವಿಕಲ್ಪಗಳನ್ನೂ ಪರಿಚಯಿಸಲಾಗಿದೆ. ಈ ಎರಡೂ ಬಣ್ಣಗಳೂ ಕೂಡ ಸ್ಕ್ರೀನ್‌ ನ ಬ್ರೈಟ್‌ ನೆಸ್‌ ಪ್ರಭಾವವನ್ನು ಕಡಿಮೆಗೊಳಿಸುತ್ತವೆ.