ಶ್ರೀನಿ ವೆಡ್ಸ್‌ ಮಹಿ ಹೆಸರಲ್ಲಿ ನಡೆಯಿತು ಐಟಿ ದಾಳಿ!

Team Udayavani, Nov 11, 2017, 7:05 AM IST

ಚೆನ್ನೈ: ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜಯಲಲಿತಾ, ಅವರ ಆಪೆ¤ ಶಶಿಕಲಾ, ಸಂಬಂಧಿ ಟಿಟಿವಿ ದಿನಕರನ್‌ ಅವರಿಗೆ ಸಂಬಂಧಪಟ್ಟ ಆಸ್ತಿಪಾಸ್ತಿಗಳಿರುವ 187 ಕಡೆ ಗುರುವಾರ ಮುಂಜಾನೆ 5:30ರ ಸುಮಾರಿಗೆ ನಡೆದ ಐಟಿ ದಾಳಿಗೆ ಸಹಾಯ ಮಾಡಿದ್ದು ಯಾರು ಗೊತ್ತೇ? ಶ್ರೀನಿ ಎಂಬ ವರ, ಮಹಿ ಎಂಬ ವಧು! ಹೌದು. ಹಸೆಮಣೆ ಕೂರಬೇಕಿದ್ದ ಇದೇ ವಧುವರರೇ ಈ ಐಟಿ ದಾಳಿಗೆ ಭಾರೀ ಬೆಂಬಲ ಕೊಟ್ಟಿದ್ದು. 

ಇವರ್ಯಾರು ಎಂಬ ಪ್ರಶ್ನೆಗೆ ಉತ್ತರ… ಇವರಿಬ್ಬರೂ ಬೋಗಸ್‌ ಗಂಡು-ಹೆಣ್ಣು ! ಹೌದು. ತಮ್ಮ ಗುಪ್ತ ಕಾರ್ಯಾಚರಣೆಯು ಯಾರ ಗಮನಕ್ಕೂ ಬಾರದಿರುವಂತೆ ಐಟಿ ಅಧಿಕಾರಿಗಳು ಹೂಡಿದ್ದ ತಂತ್ರಗಾರಿಕೆ ಇದು. ಹತ್ತಾರು ಐಷಾರಾಮಿ ಕಾರುಗಳನ್ನು ಬಾಡಿಗೆ ಪಡೆದು ಮದುವೆ ದಿಬ್ಬಣದಂತೆ ಸಿಂಗರಿಸಿದ್ದ  ಅಧಿಕಾರಿಗಳು ಈ ಎಲ್ಲಾ ಕಾರುಗಳ ಮುಂದಿನ ವಿಂಡ್‌ ಶೀಲ್ಡ್‌ ಮೇಲೆ “ಶ್ರೀನಿ ವೆಡ್ಸ್‌ ಮಹಿ’ ಎಂಬ ಬರಹವನ್ನು ಅಂಟಿಸಿದ್ದರು. ಇದೇ ಬರಹವೇ 187 ಕಡೆ ಸಾಗುವಾಗ ಪೊಲೀಸರ ಚೆಕ್‌ಪೋಸ್ಟ್‌, ಬ್ಯಾರಿಕೇಡ್‌ಗಳನ್ನು ಸುಲಭವಾಗಿ ದಾಟಿ ಹೋಗಲು ಸಹಕಾರ ನೀಡಿತು.