ಪಂಜಾಬ್‌, ರಾಜಸ್ಥಾನ, ಉತ್ತರಾಖಂಡ ರೈಲು ನಿಲ್ದಾಣ ಸ್ಫೋಟಿಸುವುದಾಗಿ ಜೈಶ್‌ ಬೆದರಿಕೆ

Team Udayavani, Apr 19, 2019, 4:02 PM IST

ಹೊಸದಿಲ್ಲಿ : ಪಾಕಿಸ್ಥಾನದ ಜೈಶ್‌ ಎ ಮೊಹಮ್ಮದ ಉಗ್ರ ಸಂಘಟನೆ ತಾನು ಪಂಜಾಬ್‌, ರಾಜಸ್ಥಾನ ಮತ್ತು ಉತ್ತರಾಖಂಡದಲ್ಲಿನ ರೈಲು ನಿಲ್ದಾಣಗಳನ್ನು ಬ್ಲಾಸ್ಟ್‌ ಮಾಡುವ ಬೆದರಿಕೆ ಹಾಕಿದೆ.

ಜೈಶ್‌ ಎ ಮೊಹಮ್ಮದ್‌ ನ ಏರಿಯಾ ಕಮಾಂಡ ರ್‌ ಮನ್ಸೂರ್‌ ಅಹ್ಮದ್‌ ಹಾಕಿರುವ ಬೆದರಿಕೆಯನ್ನು ಒಳಗೊಂಡ, ಹಿಂದಿಯಲ್ಲಿ ಬರೆಯಲಾಗಿರುವ, ಪತ್ರವನ್ನು ಹಿರಿಯ ರೈಲ್ವೇ ಅಧಿಕಾರಿಗಳಿಗೆ ಕಳುಹಿಸಲಾಗಿದೆ.

ಈ ರೀತಿಯ ಒಂದು ಪತ್ರವನ್ನು ಉತ್ತರ ರೈಲ್ವೆಯ ಫಿರೋಜ್‌ಪುರ ವಿಭಾಗೀಯ ರೈಲ್ವೇ ಮ್ಯಾನೇಜರ್‌ ವಿವೇಕ್‌ ಕುಮಾರ್‌ ಅವರಿಗೆ ಬರೆಯಲಾಗಿದೆ. ಜಿಹಾದಿಗಳ ಹತ್ಯೆಗೆ ಪ್ರತೀಕಾರ ತೀರಿಸುವ ಸಲುವಾಗಿ ತಾನು ಮೇ 13ರಂದು ಫಿರೋಜ್‌ಪುರ, ಜಾಲಂಧರ, ಫ‌ರೀದ್‌ಕೋಟ್‌, ಅಮೃತಸರ ಮತ್ತು ಬರ್ನಾಲಾ ರೈಲ್ವೇ ನಿಲ್ದಾಣಗಳನ್ನು ಸ್ಫೋಟಿಸುವುದಾಗಿ ಈ ಪತ್ರದಲ್ಲಿ ಬೆದರಿಕೆ ಒಡ್ಡಲಾಗಿದೆ ಎಂದು ವರದಿಗಳು ತಿಳಿಸಿವೆ.