ತಾಯಿಯ ಮೇಲಿನ ದ್ವೇಷಕ್ಕೆ ಹಸುಗೂಸು ಬಲಿ: ಮೂರು ತಿಂಗಳ ಕಂದನಿಗೆ ಬೆಂಕಿ ಇಟ್ಟ ಚಿಕ್ಕಮ್ಮ   

Team Udayavani, Apr 18, 2021, 4:33 PM IST

ಪಂಜಾಬ್ : ಪಾಪಿ ಚಿಕ್ಕಮ್ಮಳೋರ್ವಳು ಮೂರು ತಿಂಗಳ ಹೆಣ್ಣು ಮಗುವನ್ನು ಜೀವಂತವಾಗಿ ಸುಟ್ಟು ಕೊಲೆ ಮಾಡಿರುವ ಘಟನೆ ಪಂಜಾಬ್ ನ ಫಝಿಲ್ಕಾ ಜಿಲ್ಲೆಯಲ್ಲಿ ನಡೆದಿದೆ. ಸುಖ್‍ಪ್ರೀತ್  ಕೌರ್ ಎಂಬಾಕೆಯೇ ಕೊಲೆ ಮಾಡಿದ ಕಿರಾತಕಿ.

ಮಗುವಿನ ತಾಯಿಯ ಮೇಲೆ ರಿವೇಂಜ್ ತಿರಿಸಿಕೊಳ್ಳಲು ಈ ಕೃತ್ಯ ಎಸಗಿರುವುದಾಗಿ ಕೊಲೆಗಾತಿ ಸುಖ್‍ಪ್ರೀತ್ ಪೊಲೀಸ್ ವಿಚಾರಣೆ ವೇಳೆ ತಪ್ಪೊಪ್ಪಿಕೊಂಡಿದ್ದಾಳೆ.

ಘಟನೆ ಹಿನ್ನೆಲೆ : ಮೂರು ತಿಂಗಳ ಹೆಣ್ಣು ಮಗವನ್ನು ಮನೆಯಲ್ಲಿ ಬಿಟ್ಟು ಆಕೆಯ ತಾಯಿ ಬ್ಯಾಂಕ್‍ಗೆ ತೆರಳಿದ್ದಳು. ವಾಪಸ್ ಮನೆಗೆ ಬಂದಾಗ ಮಗು ನಾಪತ್ತೆಯಾಗಿತ್ತು. ಮನೆಯ ಸದಸದ್ಯರೆಲ್ಲ ಹುಡುಕಾಡಿದರೂ ಯಾವುದೇ ಪ್ರಯೋಜನವಾಗಿರಲಿಲ್ಲ. ಮರು ದಿನ ಮಗುವಿನ ಕಾಲುಗಳನ್ನು ಸೆಪ್ಟಿಕ್ ಟ್ಯಾಂಕ್‍ ನಲ್ಲಿ ನೋಡಿರುವುದಾಗಿ ಸುಖ್‍ಪ್ರೀತ್ ಹೇಳಿದ್ದಳು. ಅದರಂತೆ ಸ್ಥಳಕ್ಕೇ ಹೋಗಿ ನೋಡಿದಾಗ ಅರೆಬೆಂದ ಶಿಶುವಿನ ದೇಹ ಪತ್ತೆಯಾಗಿತ್ತು.

ಚಿಕ್ಕಮ್ಮನೆ ಕೊಲೆಗಾತಿ :

ಮಗು ದೇಹ ನೋಡಿರುವುದಾಗಿ ಹೇಳಿದ್ದ ಸುಖ್‍ಪ್ರೀತ್ ಕೌರ್, ಆ ಸ್ಥಳಕ್ಕೆ ಬಂದಿರಲಿಲ್ಲ. ಹಾಗೂ ಆಕೆಯ ಹಾವ-ಭಾವದ ಮೇಲೆ ಸ್ವಲ್ಪ ಬದಲಾವಣೆ ಕೂಡ ಆಗಿತ್ತು. ಇದನ್ನು ಗಮನಿಸಿದ ಮೃತ ಮಗುವಿನ ಪೋಷಕರು ಸುಖ್‍ಪ್ರೀತ್ ಕೌರ್ ಮೇಲೆ ಅನುಮಾನಗೊಂಡು ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ದೂರಿನ ಮೇರೆಗೆ ಆಕೆಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ನಿಜಾಂಶ ಬೆಳಕಿಗೆ ಬಂದಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ತಾಯಿ ಮೇಲಿನ ದ್ವೇಷಕ್ಕೆ ಮಗು ಬಲಿ :

ಸುಖ್‍ಪ್ರೀತ್ ಕೌರ್ ಹಾಗೂ ಮೃತ ಮಗುವಿನ ತಾಯಿ ಒಂದೇ ಮನೆಯ ಸೊಸೆಯಂದಿರು. ಇವರ ನಡುವೆ ಸಣ್ಣ-ಪುಟ್ಟ ಮನಸ್ತಾಪಗಳಿದ್ದವು. ಇದನ್ನೇ ಗಂಭೀರವಾಗಿ ತೆಗೆದುಕೊಂಡಿದ್ದ ಸುಖ್‍ಪ್ರೀತ್, ಮಗುವನ್ನು ಕೊಂದು ಅದರ ತಾಯಿಯ ಮೇಲೆ ಸೇಡು ತಿರಿಸಿಕೊಳ್ಳಲು ನಿಶ್ಚಯಿಸಿದ್ದಳು.