ಮನೆಯಲ್ಲಿದ್ದ ಒಂಟಿ ಮಹಿಳೆಯನ್ನು ಕೊಂದ ಕಳ್ಳರ ಗ್ಯಾಂಗ್‌, 3 ಲಕ್ಷ ರೂ ಚಿನ್ನಾಭರಣ ಲೂಟಿ

Team Udayavani, Jul 5, 2019, 11:07 AM IST

ಪಾಲ್‌ಘರ್‌ : ಜಿಲ್ಲೆಯ ವಿರಾರ್‌ ನಲ್ಲಿ 50ರ ಹರೆಯದ ಮಹಿಳೆಯೊಬ್ಬರನ್ನು ಆಕೆಯ ಮನೆಯಲ್ಲೇ ಹೊಡೆದು ಕೊಂದ ಕಳ್ಳರ ಗ್ಯಾಂಗ್‌, ಮೂರು ಲಕ್ಷ ರೂ ಮೌಲ್ಯದ ಚಿನ್ನಾಭರಣಗಳನ್ನು ಲೂಟಿ ಮಾಡಿದ ಘಟನೆ ವರದಿಯಾಗಿದೆ.

ವಿರಾರ್‌ನ ಚಂದನ್‌ಸಾರ್‌ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಮನೆಯಲ್ಲಿ ಒಂಟಿಯಾಗಿದ್ದ ಮಹಿಳೆಯನ್ನು ಕಳ್ಳರು ಮರದ ಕೋಲಿನಿಂದ ತಲೆಗೆ ಹೊಡೆದು ಕೊಂದು 3.30 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಲೂಟಿ ಮಾಡಿದರೆಂದು ಪೊಲೀಸರು ತಿಳಿಸಿದ್ದಾರೆ.

ಮಹಿಳೆಯ ಪತಿ ಸಂಜೆ ತಡವಾಗಿ ಕೆಲಸ ಮುಗಿಸಿ ಮನೆಗೆ ಮರಳಿದಾಗಲೇ ಪತ್ನಿಯ ಹತ್ಯೆ ನಡೆದಿರುವುದು ಬೆಳಕಿಗೆ ಬಂತು. ಆಕೆ ರಕ್ತದ ಮಡುವಿನಲ್ಲಿ ಸತ್ತು ಬಿದ್ದಿರುವುದು ಕಂಡು ಬಂತು.

ಪೊಲೀಸರು ಪ್ರಕರಣದ ತನಿಖೆ ಆರಂಭಿಸಿದ್ದು ಕೊಲೆ, ದರೋಡೆ ನಡೆಸಿದ ತಂಡದ ಶೋಧದಲ್ಲಿ ತೊಡಗಿದ್ದಾರೆ.