Yemen; ಕೇರಳದ ನರ್ಸ್‌ಗೆ ಗಲ್ಲು: ಯೆಮೆನ್‌ ಅಧ್ಯಕ್ಷ ಸಮ್ಮತಿ

Team Udayavani, Jan 1, 2025, 6:27 AM IST

ಹೊಸದಿಲ್ಲಿ: ಯೆಮೆನ್‌ ಪ್ರಜೆಯನ್ನು ಹತ್ಯೆ ಮಾಡಿದ ಆರೋಪಕ್ಕೆ ಗುರಿಯಾಗಿರುವ ಕೇರಳದ ನರ್ಸ್‌ ನಿಮಿಷಾ ಪ್ರಿಯಾ ಅವರಿಗೆ ಗಲ್ಲು ಶಿಕ್ಷೆ ನೀಡಲು ಅಲ್ಲಿನ ಅಧ್ಯಕ್ಷ ರಷದ್‌- ಅಲ್‌-ಅಮಿನಿ ಅನುಮೋದನೆ ನೀಡಿದ್ದಾರೆ. ಮೂಲಗಳ ಪ್ರಕಾರ ಇನ್ನು ಒಂದು ತಿಂಗಳಲ್ಲಿ ಶಿಕ್ಷೆ ಜಾರಿಯಾಗಲಿದೆ.

ಯೆಮೆನ್‌ ಅಧ್ಯಕ್ಷರ ತೀರ್ಮಾನದ ಬಗ್ಗೆ ಅವರ ತಾಯಿ ಪ್ರೇಮಾ ಕುಮಾರಿ ಆಕ್ಷೇಪ ವ್ಯಕ್ತಪಡಿದ್ದಾರೆ. ಜತೆಗೆ ಕೇಂದ್ರ ಸರಕಾರ‌ ಸೂಕ್ತ ನೆರವು ನೀಡಬೇಕು ಎಂದು ಒತ್ತಾಯಿಸಿದ್ದಾರೆ.

ಏನಿದು ಪ್ರಕರಣ?: ಕೇರಳದ ಪಾಲಕ್ಕಾಡ್‌ ಮೂಲದ ನಿಮಿಷ ಪ್ರಿಯಾ 2014ರಲ್ಲಿ ಯೆಮೆನ್‌ನಲ್ಲಿ ತಮ್ಮದೇ ಆಗಿರುವ ಕ್ಲಿನಿಕ್‌ ತೆರೆಯಲು ಮುಂದಾ­ಗಿದ್ದರು. ಅದಕ್ಕಾಗಿ ಅಲ್ಲಿನ ನಿಯಮ­ದಂತೆ ಸ್ಥಳೀಯ ತಲಾಲ್‌ ಅಬೊ ಮಹದಿ ಜತೆಗೆ ಪಾಲುದಾರಿಕೆ ಮಾಡಿ­ಕೊಂಡಿದ್ದರು. ಒಂದು ಹಂತದಲ್ಲಿ ಆತನ ಜತೆಗೆ ಭಿನ್ನಾಭಿಪ್ರಾಯ ಉಂಟಾ­ಗಿತ್ತು. ಈ ನಡುವೆ ನರ್ಸ್‌ ದೇಶ ತೊರೆಯದಂತೆ ಆತ ಪಾಸ್‌ಪೋರ್ಟ್‌ ವಶಪಡಿಸಿಕೊಂಡಿದ್ದ. ಅದನ್ನು ವಶಪ­ಡಿಸಿ­ಕೊಳ್ಳುವ ನಿಟ್ಟಿನಲ್ಲಿ ಅವರು ಆತನಿಗೆ  ಮತ್ತು ಬರುವ ಇಂಜೆಕ್ಷನ್‌ ನೀಡಿದ್ದರು. ಅದರ ಓವರ್‌ ಡೋಸ್‌ ಆದ ಪರಿಣಾಮ ಆತ ಮೃತಪಟ್ಟಿದ್ದ.