ಮೊದಲ ಪತ್ನಿಯ ಸ್ನೇಹಿತೆಯೇ ಎರಡನೇ ಪತ್ನಿ.! ಗರ್ಭಿಣಿ ಪತ್ನಿಯರ ಜೊತೆ ಸಿಹಿ ಸುದ್ದಿ ಹಂಚಿಕೊಂಡ ಯೂಟ್ಯೂಬರ್

Team Udayavani, Dec 11, 2022, 11:14 AM IST

ಹೈದರಾಬಾದ್:‌ ಹೈದರಾಬಾದ್‌ ಮೂಲದ ಖ್ಯಾತ ಯೂಟ್ಯೂಬರ್‌ ಅರ್ಮಾನ್ ಮಲಿಕ್ ಕುಟುಂಬದ ಸಂತಸದ ವಿಷಯವನ್ನು ತನ್ನ ಫಾಲೋವರ್ಸ್‌ ಗಳೊಂದಿಗೆ ಹಂಚಿಕೊಂಡಿರುವ ವಿಚಾರ ವೈರಲ್‌ ಆಗಿದೆ.

ಫ್ಯಾಮಿಲಿ ಫಿಟ್ನೆಸ್‌ ಎಂಬ ಯೂಟ್ಯೂಬ್‌ ಚಾನೆಲ್‌ ಮೂಲಕ ಲಕ್ಷಂತಾರ ಸಬ್‌ ಸ್ಕ್ರೈಬರ್ಸ್‌ ಗಳನ್ನು ಹೊಂದಿರುವ ಅರ್ಮಾನ್ ಮಲಿಕ್ ಎರಡು ಪತ್ನಿಯರನ್ನು ಹೊಂದಿದ್ದಾರೆ. ಇಬ್ಬರೊಂದಿಗೂ ಅನೋನ್ಯವಾಗಿಯೇ ಜೀವನವನ್ನು ನಡೆಸಿಕೊಂಡು ಬಂದಿದ್ದಾರೆ. ಈಗ ಅವರು ಹಾಕಿರುವ ಪೋಸ್ಟ್‌ ವೊಂದು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

2011 ರಲ್ಲಿ ಅರ್ಮಾನ್‌ ಪಾಯಲ್ ಎನ್ನುವವರನ್ನು ಮದುವೆಯಾಗಿದ್ದಾರೆ. ಈ ದಂಪತಿಗೆ ಒಂದು ಮಗುವೂ ಇದೆ. ಇದಾದ ಬಳಿಕ 2018 ರಲ್ಲಿ ಅರ್ಮಾನ್‌ ತನ್ನ ಮೊದಲ ಪತ್ನಿಯ ಸ್ನೇಹಿತೆ ಕೃತಿಕಾ ಎನ್ನುವವರನ್ನು ವಿವಾಹವಾಗುತ್ತಾರೆ. ಮೊದಲ ಪತ್ನಿಯ ಸಮ್ಮುಖದಲ್ಲೇ ಅರ್ಮಾನ್‌ ಖುಷಿಯಿಂದಲೇ ಕೃತಿಕಾ ಅವರನ್ನು ವಿವಾಹವಾಗುತ್ತಾರೆ. ಅಂದಿನಿಂದ ಇಂದಿನವರೆಗೂ ಪಾಯಲ್‌ ಹಾಗೂ ಕೃತಿಕಾ ಇಬ್ಬರೂ ತನ್ನ ಪತಿ ಅರ್ಮಾನ್‌ ರೊಂದಿಗೆ ಸಂತಸದಿಂದಲೇ ಬಾಳುತ್ತಿದ್ದಾರೆ.

ಇತ್ತೀಚೆಗೆ ಅರ್ಮಾನ್‌ ತನ್ನ ಪತ್ನಿಯರಾದ ಪಾಯಲ್‌ ಹಾಗೂ ಕೃತಿಕಾ ಇಬ್ಬರು ತಾಯಿಯಾಗುತ್ತಿದ್ದಾರೆ ಎನ್ನುವ ಫೋಟೋವನ್ನು ಹಂಚಿಕೊಂಡು ʼಮೈ ಫ್ಯಾಮಿಲಿʼ ಎಂದು ಬರೆದುಕೊಂಡು ಬೇಬಿ ಬಂಪ್ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಇಬ್ಬರು ಪತ್ನಿಯರ ಜೊತೆ ಹಂಚಿಕೊಂಡಿರುವ ಫೋಟೋಗೆ 146,000 ಕ್ಕೂ ಅಧಿಕ ಲೈಕ್ಸ್‌ ಗಳು ಬಂದಿದ್ದು, ಕೆಲವರು ಯೂಟ್ಯೂಬರ್‌ ಕುಟುಂಬವನ್ನಿಟ್ಟುಕೊಂಡು ಟ್ರೋಲ್‌ ಮಾಡುತ್ತಿದ್ದಾರೆ. ಬಳಕೆದಾರರೊಬ್ಬರು ಕೇವಲ ಈ ವ್ಯಕ್ತಿ ಮಾತ್ರ ಇಂಥ ಸಾಧನೆಯನ್ನು ಮಾಡಬಲ್ಲ ಎಂದಿದ್ದಾರೆ. ಮತ್ತೊಬ್ಬ ಇಬ್ಬರು ಒಂದೇ ಸಮಯದಲ್ಲಿ ಗರ್ಭಿಣಿಯಾಗಲು ಹೇಗೆ ಸಾಧ್ಯವೆಂದಿದ್ದಾರೆ.

ಕೆಲವರು ಅರ್ಮಾನ್‌ ಕುಟುಂಬದ ಸಂತಸದ ಕ್ಷಣದಲ್ಲಿ ಅವರನ್ನು ಶುಭಾಶಯವನ್ನು ಕೋರಿದ್ದಾರೆ. ಯೂಟ್ಯೂಬರ್‌ ಹಾಗೂ ವ್ಲಾಗರ್ ಆಗಿರುವ ಅರ್ಮಾನ್‌ 2 ಮಿಲಿಯನ್‌ ಗೂ ಅಧಿಕ ಸಬ್‌ ಸ್ಕ್ರೈಬರ್ಸ್‌ನ್ನು ಹೊಂದಿದ್ದಾರೆ.