Forbes Billionaires List 2023: ಫೋರ್ಬ್ಸ್ ಪಟ್ಟಿಯಲ್ಲಿ ನಿತಿನ್‌-ನಿಖೀಲ್‌ ಕಾಮತ್‌

Team Udayavani, Apr 7, 2023, 6:47 AM IST

ಮುಂಬಯಿ: ಝೆರೋಧ ಕಂಪೆನಿ ಸಹ ಸಂಸ್ಥಾಪಕರಾದ ನಿತಿನ್‌ ಕಾಮತ್‌ ಮತ್ತು ನಿಖೀಲ್‌ ಕಾಮತ್‌ 2023ರ ಫೋಬ್ಸ್ì ವಿಶ್ವದ ಬಿಲಿಯೇನರ್‌ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಭಾರತದ ಅತೀದೊಡ್ಡ ಸ್ಟಾಕ್‌ ಬ್ರೋಕರೇಜ್‌ ಕಂಪೆನಿ “ಝೆರೋಧ’ ಸಿಇಒ ಆಗಿರುವ ನಿತಿನ್‌ ಕಾಮತ್‌ ಅವರು ಫೋಬ್ಸ್ì ಪಟ್ಟಿಯಲ್ಲಿ 1104ನೇ ಸ್ಥಾನ ಪಡೆದಿದ್ದಾರೆ. ಇವರು ಅಂದಾಜು 2.7 ಬಿಲಿಯನ್‌ ಡಾಲರ್‌ ಆಸ್ತಿ ಹೊಂದಿದ್ದಾರೆ. “ಝೆರೋಧ’ದ ಮುಖ್ಯ ಹಣಕಾಸು ಅಧಿಕಾರಿ ಹಾಗೂ ಹಣಕಾಸು ನಿರ್ವಹಣೆ ಕಂಪೆನಿ “ಟ್ರೂ ಬೇಕನ್‌’ ಮಾಲಕರಾಗಿರುವ ನಿಖೀಲ್‌ ಕಾಮತ್‌ ಅವರು ಫೋಬ್ಸ್ì ಪಟ್ಟಿಯಲ್ಲಿ 2,405ನೇ ಸ್ಥಾನ ಪಡೆದಿದ್ದಾರೆ. ಇವರು ಅಂದಾಜು 1.1 ಬಿಲಿಯನ್‌ ಡಾಲರ್‌ ಆಸ್ತಿ ಹೊಂದಿದ್ದಾರೆ. 2010ರಲ್ಲಿ ಈ ಇಬ್ಬರು ಸಹೋದರರು ಸ್ಟಾಕ್‌ಗಳ ಡೀಲಿಂಗ್‌ನಲ್ಲಿ ಕಡಿಮೆ ಬೆಲೆಯ ಬ್ರೋಕರೇಜ್‌ ಸೇವೆಗಳನ್ನು ನೀಡುವ “ಝೆರೋಧ’ ಕಂಪೆನಿ ಆರಂಭಿಸಿದರು.

ಫೋಬ್ಸ್ì ಪಟ್ಟಿಯಲ್ಲಿರುವ ಪ್ರಮುಖ ಭಾರತೀಯರು: ಮುಕೇಶ್‌ ಅಂಬಾನಿ, ಗೌತಮ್‌ ಅದಾನಿ, ಶಿವ್‌ ನಾಡಾರ್‌, ಸೈರಸ್‌ ಪೂನಾವಾಲ, ಲಕ್ಷ್ಮೀ ಮಿತ್ತಲ್‌, ಸಾವಿತ್ರಿ ಜಿಂದಾಲ್‌, ರೋಹಿಕಾ ಸೈರಸ್‌ ಮಿಸಿŒ, ರೇಖಾ ಜುಂಜುನ್‌ವಾಲಾ, ಪವನ್‌ ಜೈನ್‌ ಫೋಬ್ಸ್ì ಪಟ್ಟಿಯಲ್ಲಿರುವ ಪ್ರಮುಖ ಭಾರತೀಯರು.