ಮೀರಾರೋಡ್‌ ರಾಧಾಕೃಷ್ಣ ವೃದ್ಧಾಶ್ರಮದಲ್ಲಿ ಆಶ್ರಯ ದೀಪ

Team Udayavani, Aug 4, 2019, 1:51 PM IST

ಮುಂಬಯಿ, ಆ. 3: ಮೀರಾ ರೋಡ್‌ ಪೂರ್ವದ ಜಿಸಿಸಿ ಕ್ಲಬ್‌ನ ಸಮೀಪದ ರಾಧಾಕೃಷ್ಣ ವೃದ್ಧಾಶ್ರಮದಲ್ಲಿ ಇತ್ತೀಚೆಗೆ ಸೇವಾಲಯ ಸೇವಾ ಸಮಿತಿಯ ಟ್ರಸ್ಟ್‌ ಬೆಂಗಳೂರು ಮುಂಬಯಿ ಸಮಿತಿಯು ಸೇವಾಲಯ ಆಶ್ರಯ ದೀಪ ಎಂಬ ವಿಶೇಷ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ವಲ್ಡ್ರ್ ಹ್ಯೂಮನ್‌ ರೈಟ್ಸ್‌ ಮಹಾರಾಷ್ಟ್ರ ಘಟಕದ ಉಪಾಧ್ಯಕ್ಷೆ ಕಿರುತೆರೆ ನಟಿ ಆಶಾ ಶೆಟ್ಟಿ ಮಾತನಾಡಿ ಸೇವಾಲಯ ಸೇವಾ ಸಮಿತಿಯು ಯಾವುದೇ ರೀತಿಯ ಪ್ರಚಾರವಿಲ್ಲದೆ ಸಮಾಜದ ದಲ್ಲಿ ಹಲವಾರು ಜನಪರ ಕೆಲಸವು ಸದಾನಂದ ಪೂಜಾರಿ ಅವರ ಮುಂದಾಳತ್ವದಲ್ಲಿ ನಡೆಯುವುದು ವಿಶೇಷತೆಯಾಗಿದೆ. ಯಾವುದೇ ಕ್ಷೇತ್ರದಲ್ಲಿ ವಿವಿಧ ರೀತಿಯಲ್ಲಿ ಉತ್ತಮ ಸಮಾಜ ಸೇವೆ ಮಾಡುವವರನ್ನು ಗುರುತಿಸಿ ಅವರಿಗೆ ಸೇವಾಲಯ ಪ್ರಶಸ್ತಿ ಮತ್ತು ಬಿರುದು ನೀಡುವುದು ಸೇವಾಲಯ ಎಂಬ ಕಾರ್ಯಕ್ರಮದ ವಿಶೇಷವಾಗಿದೆ. ಇಂದು ಇಂತಹ ಮಕ್ಕಳ ಅನಾಥ ಆಶ್ರಮ ಮತ್ತು ವೃದ್ಧಾಶ್ರಮವನ್ನು ಗುರುತಿಸಿ ಅವರಿಗೆ ಬೇಕಾಗುವ ದಿನ ಬಳಕೆ ವಸ್ತುಗಳೊಂದಿಗೆ ಸೇವಾಲಯ ಆಶ್ರಯ ದೀಪ ಎಂಬ ಸಹಾಯಧನ ನೀಡಿ ಬಡಜನತೆಯ ಕಣ್ಣೀರೊರೆಸುವ ಕೆಲಸ ಮಾಡುತ್ತಿರುವುದು ಶ್ಲಾಘನೀಯ ಎಂದರು.

ಈ ಸಂದರ್ಭದಲ್ಲಿ ಸಮಿತಿಯ ಅಧ್ಯಕ್ಷ ಕಾರ್ಕಳ ಸದಾನಂದ್‌ ಪೂಜಾರಿ, ಶ್ರೀ ಶನೀಶ್ವರ ಸೇವಾ ಸಮಿತಿ ಮೀರಾರೋಡ್‌ನ‌ ಸದಸ್ಯೆ ಮೋಹಿತ್‌ ಸಿ. ಅಮೀನ್‌, ತುಳು ಕನ್ನಡ ವೆಲ್ಫೇರ್‌ ಅಸೋಸಿಯೇಶನ್‌ನ ಮಹಿಳಾ ವಿಭಾಗದ ಅಧ್ಯಕ್ಷೆ ಕೆ. ಸುಕನ್ಯಾ ಮತ್ತು ಬಾಲಾಜಿ ಭಜನಾ ಮಂಡಳಿಯ ಜಯಶ್ರೀ ಹಾಗೂ ಮುಂಬಯಿ ಸಮಿತಿಯ ಸದಸ್ಯರು ಮತ್ತು ಇನ್ನಿತರು ಉಪಸ್ಥಿತರಿದ್ದರು.