ಬಿಲ್ಲವರ ಅಸೋಸಿಯೇಶನ್‌  ಲೋನವಾಲ: ಗುರುಪೂರ್ಣಿಮೆ

Team Udayavani, Aug 7, 2018, 3:06 PM IST

ಲೋನವಾಲ: ಬಿಲ್ಲವರ ಅಸೋಸಿಯೇಶನ್‌ ಮುಂಬಯಿ ಇದರ ಲೋನವಾಲ ಸ್ಥಳೀಯ ಸಮಿತಿಯ ವತಿಯಿಂದ ಗುರುಪೂರ್ಣಿಮೆ ಆಚರಣೆಯು ಜು. 26 ರಂದು ಸಮಿತಿಯ ಕಚೇರಿಯಲ್ಲಿ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಜರಗಿತು.

ಸಂಜೆ 5 ರಿಂದ ಅರ್ಚಕರಾಗಿ ಸ್ಥಳೀಯ ಕಚೇರಿಯ ಮಾಜಿ ಕಾರ್ಯಾಧ್ಯಕ್ಷ ಸುರೇಶ್‌ ಡಿ. ಪೂಜಾರಿ ಅವರು ವಿವಿಧ ಪೂಜಾ ವಿಧಿ-ವಿಧಾನಗಳನ್ನು ನಡೆಸಿಕೊಟ್ಟರು. ಸಮಿತಿಯ ಸದಸ್ಯರು ಮತ್ತು ಮಹಿಳಾ ವಿಭಾಗದ ಸದಸ್ಯರಿಂದ ಭಜನ ಕಾರ್ಯಕ್ರಮ ಜರಗಿತು. ಲೋನವಾಲ ಸ್ಥಳೀಯ ಕಚೇರಿಯ ಗೌರವಾಧ್ಯಕ್ಷ ಶ್ರೀಧರ ಪೂಜಾರಿ, ಕಾರ್ಯಾಧ್ಯಕ್ಷ ರವಿ ಪೂಜಾರಿ, ಉಪಾಧ್ಯಕ್ಷ ಆನಂದ್‌ ಪೂಜಾರಿ, ಕಾರ್ಯದರ್ಶಿ ಸುಜಾತಾ ಪೂಜಾರಿ, ಜತೆ ಕಾರ್ಯದರ್ಶಿ ಗಣೇಶ್‌ ಪೂಜಾರಿ, ಕೋಶಾಧಿಕಾರಿ ಸಂದೀಪ್‌ ಸಾಲ್ಯಾನ್‌ ಅವರು ಉಪಸ್ಥಿತರಿದ್ದರು.

ಸದಸ್ಯರುಗಳಾದ ಸುರೇಶ್‌ ಪೂಜಾರಿ, ಶೇಖರ ಪೂಜಾರಿ, ಅಶೋಕ್‌ ಪೂಜಾರಿ, ರಾಜೇಶ್‌ ಪೂಜಾರಿ, ಲತಾ ಪೂಜಾರಿ, ಉಷಾ ಪೂಜಾರಿ, ಲೋಹಿತ್‌ ಪೂಜಾರಿ, ರಾಕೇಶ್‌ ಪೂಜಾರಿ, ಸಾಹಿಲ್‌ ಪೂಜಾರಿ, ಮಹಿಳಾ ವಿಭಾಗದ ಸದಸ್ಯೆಯರುಗಳಾದ ಮೀನಾಕ್ಷೀ ಪೂಜಾರಿ, ಸುಕನ್ಯಾ ಪೂಜಾರಿ, ಆರತಿ ಪೂಜಾರಿ, ಆಶಾ ಪೂಜಾರಿ, ಜಯಂತಿ ಪೂಜಾರಿ ಉಪಸ್ಥಿತರಿದ್ದರು.