ಎರಡು ಚಿನ್ನ ಮುಡಿಗೇರಿಸಿಕೊಂಡ  ಸುಚರಿತಾ ಶೆಟ್ಟಿ

Team Udayavani, Dec 6, 2017, 4:34 PM IST

ಮುಂಬಯಿ: ಬೋಂಬೆ ಯಂಗ್‌ಮೆನ್ಸ್‌ ಕ್ರಿಶ್ಚಿಯನ್‌ ಅಸೋಸಿ ಯೇಷನ್‌ (ವೈಎಂಸಿಎ) ವತಿಯಿಂದ ನ. 14ರಿಂದ ನ. 17ರವರೆಗೆ ನಗರದ ಮರೀನ್‌ ಲೈನ್ಸ್‌ ಯುನಿವರ್ಸಿಟಿ ನ್ಪೋಟ್ಸ್‌ ಮೈದಾನದಲ್ಲಿ ನಡೆದ ರಾಜ್ಯ ಮಟ್ಟದ 42ನೇ ಆ್ಯತ್ಲೆಟಿಕ್‌ ಮೀಟ್‌ -2017ರಲ್ಲಿತುಳು-ಕನ್ನಡತಿ ಸುಚರಿತಾ ಶೆಟ್ಟಿ ಕರೇಲಿಯಾ ಅವರು ದಾಖಲೆಯೊಂದಿಗೆ ಎರಡು ಚಿನ್ನದ ಪದಕಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಮೂವತ್ತೆ$çದು  ವರ್ಷ ಮೇಲ್ಪಟ್ಟವರ ಮಹಿಳಾ ವಿಭಾಗದಲ್ಲಿ ನೂತನ ದಾಖಲೆ ಯೊಂದಿಗೆ 100 ಮೀ. ಓಟವನ್ನು 14.06 ಸೆಕೆಂಡಿನಲ್ಲಿ ಪೂರೈಸಿ ಚಿನ್ನದ ಪದಕ ಪಡೆದರೆ, ಶಾಟ್‌ಪುಟ್‌ನಲ್ಲಿ ನೂತನ ದಾಖಲೆಯೊಂದಿಗೆ ಚಿನ್ನವನ್ನು ಗೆದ್ದ ಸಾಧನೆ ಮಾಡಿದ್ದಾರೆ. ಅದೇ ರೀತಿ ನ. 19ರಂದು ನಗರದ ಮರೀನ್‌ ಲೈನ್ಸ್‌ ಯುನಿವರ್ಸಿಟಿ ನ್ಪೋಟ್ಸ್‌ ಮೈದಾನದಲ್ಲಿ ನಡೆದ ಮಾಸ್ಟರ್ಸ್‌ ಸ್ಟೇಟ್‌ ಅಥ್ಲೆಟಿಕ್ಸ್‌ ಚಾಂಪಿಯಶಿಪ್‌ 2017ರಲ್ಲಿ ಮೂರು ಚಿನ್ನದ ಪದಕಗಳನ್ನು ಗೆದ್ದಿದ್ದಾರೆ. 100  ಮೀ. ಓಟ, ಡಿಸ್ಕಸ್‌ ಥ್ರೋ ಮತ್ತು ಶಾಟ್‌ಪುಟ್‌ನಲ್ಲಿ ಈ ಸಾಧನೆ ಮಾಡಿದ್ದಾರೆ.

ಮಾಸ್ಟರ್ ಗೇಮ್ಸ್‌ನಲ್ಲಿ  1 ಚಿನ್ನ, 2ಬೆಳ್ಳಿ ಪದಕ 

ಮೂಲತಃ ಪೊಸ್ರಾಲ್‌ ಕೊಟ್ರಪಾಡಿ ದಿ| ಶಂಕರ ಶೆಟ್ಟಿ ಮತ್ತು ತಾಳಿಪಾಡಿ ಪಾದೆಮನೆ ಕುಶಾಲ ಶೆಟ್ಟಿ ದಂಪತಿಯ ಪುತ್ರಿಯಾಗಿರುವ ಸುಚರಿತಾ ಶೆಟ್ಟಿ ಅವರು ಆಸ್ಟ್ರೇಲಿಯದಲ್ಲಿ ನಡೆದ ಆಸ್ಟ್ರೇಲಿಯನ್‌ ಮಾಸ್ಟರ್ ಗೇಮ್ಸ್‌-2015ರಲ್ಲಿ ಭಾರತವನ್ನು ಪ್ರತಿನಿಧಿಸಿ ಒಂದು ಚಿನ್ನ, 2 ಬೆಳ್ಳಿಯೊಂದಿಗೆ ಭಾರತದ ಕೀರ್ತಿಪತಾಕೆಯನ್ನು ಹಾರಿಸಿದ್ದರು. 

2013-2014ನೇ ಸಾಲಿನಲ್ಲಿ ಜರಗಿದ ಮಾಸ್ಟರ್ಸ್‌ ನ್ಯಾಷನಲ್‌ ಅಥ್ಲೆಟಿಕ್‌ ಮೀಟ್‌ನಲ್ಲಿ 6 ಚಿನ್ನ, 2015 ರಲ್ಲಿ ಜರಗಿದ ಸ್ಟೇಟ್‌ ಮರ್ಕಂಟೈಲ್‌ ಆ್ಯತ್ಲೆಟಿಕ್‌ ಮೀಟ್‌ನಲ್ಲಿ 4 ಚಿನ್ನದ ಪದಕ, 2013 ರಲ್ಲಿ ನಡೆದ  ರನ್‌ ಇಂಡಿಯಾರನ್‌ 10 ಕಿ. ಮೀ. ಮ್ಯಾರಥಾನ್‌ನಲ್ಲಿ ಐದನೇ ಸ್ಥಾನವನ್ನು ಪಡೆದಿದ್ದಾರೆ.

ಮಂಗಳೂರು ವಿಶ್ವ ವಿದ್ಯಾಲಯದ ಅಥ್ಲೆಟಿಕ್‌ ಚಾಂಪಿಯನ್‌ಶಿಪ್‌ನಲ್ಲಿ ಸತತ ಮೂರು ವರ್ಷ ಚಾಂಪಿಯನ್‌ ಆಗಿ ಮೂಡಿ ಬಂದಿರುವ ಇವರು ಬಂಟರ ಸಂಘ ಮುಂಬಯಿ ಇದರ ಜೋಗೇಶ್ವರಿ- ದಹಿಸರ್‌ ಪ್ರಾದೇಶಿಕ ಸಮಿತಿಯ ವೈದ್ಯಕೀಯ ವಿಭಾಗದ ಮುಖ್ಯಸ್ಥೆಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. 

ಕ್ರೀಡಾಳುಗಳಿಗೆ ತರಬೇತಿ 
ಕ್ಯಾಥೆದ್ರಲ್‌ ಮತ್ತು ಜಾನ್‌ ಕೊನೊನ್‌ ಸ್ಕೂಲ್‌´‚ೊàರ್ಟ್‌ ಮುಂಬಯಿ ಇಲ್ಲಿ 13 ವರ್ಷಗಳ ಕಾಲ ಕ್ರೀಡಾ ಮಾರ್ಗದರ್ಶಕಿಯಾಗಿ ಸೇವೆ ಸಲ್ಲಿಸಿ ಪ್ರಸ್ತುತ ಯುನಿಕ್ಯೂ ನ್ಪೋಟ್ಸ್‌ ಅಕಾಡಮಿ ಎಂಬ ನ್ಪೋಟ್ಸ್‌ ಅಕಾಡಮಿಯನ್ನು ಸ್ಥಾಪಿಸಿ ಅದರ ಮುಖಾಂತರ ಯುವ ಕ್ರೀಡಾಳುಗಳಿಗೆ  ಕ್ರೀಡಾ ಮಾರ್ಗ ದರ್ಶನದೊಂದಿಗೆ ತರಬೇತಿಯನ್ನು ನೀಡುತ್ತಿದ್ದಾರೆ.