ಬಂಟ್ಸ್‌ ಪುಣೆ ಬಾಕ್ಸ್‌  ಕ್ರಿಕೆಟ್‌:ದೇಹುರೋಡ್‌ ಎ ತಂಡಕ್ಕೆ ಪ್ರಶಸ್ತಿ

Team Udayavani, Dec 20, 2018, 4:55 PM IST

ಪುಣೆ: ಬಂಟ್ಸ್‌  ಅಸೋಸಿಯೇಶನ್‌ ಪುಣೆ ಸಮಾಜ ಬಾಂಧವರಿಗಾಗಿ ಆಯೋಜಿಸಿದ ಬಾಕ್ಸ್‌ ಕ್ರಿಕೆಟ್‌ ಪಂದ್ಯಾವಳಿಯು ಡಿ. 15ರಂದು  ನಗರದ  ಕರ್ವೆರೋಡ್‌, ಗರ್ವಾರೆ ಕಾಲೇಜು ಹತ್ತಿರದ ಸೆಂಟ್ರಲ್‌ ಮಾಲ್‌ನ 5ನೇ ಮಹಡಿಯ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಿತು.

ಸಂಘದ ಅಧ್ಯಕ್ಷ ಆನಂದ್‌ ಶೆಟ್ಟಿ  ಮಿಯ್ನಾರು ಅವರು ಪಂದ್ಯಾಟವನ್ನು ಉದ್ಘಾಟಿಸಿದರು. ಪಂದ್ಯಾವಳಿಯಲ್ಲಿ ದೇಹುರೋಡ್‌ ಎ. ತಂಡ   ಹಾಗೂ ಸಾಯಿ ಬಿ. ತಂಡ  ಫೈನಲ್‌ ಪ್ರವೇಶಿಸಿ ಅಂತಿಮವಾಗಿ ದೇಹುರೋಡ್‌ ಎ. ತಂಡ  ವಿನ್ನರ್ಸ್‌ ಟ್ರೋಫಿಯನ್ನು  ಪಡೆದುಕೊಂಡರೆ ಸಾಯಿ ಬಿ. ತಂಡ  ರನ್ನರ್ಸ್‌ ಪ್ರಶಸ್ತಿ ಗಳಿಸಿತು.

ಪಂದ್ಯಾಟದಲ್ಲಿ ದೇಹುರೋಡ್‌ ಬಿ, ರೈಸಿಂಗ್‌ ಸ್ಟೈಕರ್ಸ್‌, ಬಂಟ್ಸ್‌ ಅಸೋಸಿಯೇಶನ್‌ ಪುಣೆ, ಪಿಚ್‌ ಸ್ಮಾಶರ್ಸ್‌, ಹಮ್‌ ಸಾಥ್‌ ಸಾಥ್‌ ಹೈ, ಅನ್ನೋನ್‌  ಸೆವೆನ್‌, ಬ್ಯಾಟ್‌ ಸ್ವಿನjಸ್‌ ಪಿಂಪ್ರಿ, ಸಾಯಿ ಬಿ, ದೇಹುರೋಡ್‌  ಎ, ಸಾಯಿ ಎ, ಸಿದ್ಧಿವಿನಾಯಕ್‌ ಹಾಗೂ ಬಂಟ್ಸ್‌  ಅಸೋಸಿಯೇಶನ್‌ ಯೂತ್‌ ವಿಂಗ್‌  ಸೇರಿದಂತೆ 12 ತಂಡ ಭಾಗವಹಿಸಿದ್ದವು.

ಸಂಘದ ಅಧ್ಯಕ್ಷ  ಆನಂದ್‌ ಶೆಟ್ಟಿ ಮಿಯ್ನಾರು, ಮಾಜಿ ಅಧ್ಯಕ್ಷರಾದ ಸುಭಾಶ್ಚಂದ್ರ ಹೆಗ್ಡೆ ಕಟ್ಟಿಂಗೇರಿ, ನಾರಾಯಣ ಕೆ.  ಶೆಟ್ಟಿ, ಜಯ ಶೆಟ್ಟಿ ಮಿಯ್ನಾರು, ಪುಣೆ ತುಳುಕೂಟದ ಗೌರವಾಧ್ಯಕ್ಷ ತಾರಾನಾಥ ಕೆ. ರೈ ಮೇಗಿನಗುತ್ತು, ಸಂಘದ ಕ್ರೀಡಾ ಕಾರ್ಯಾಧ್ಯಕ್ಷ ಸತೀಶ್‌ ಶೆಟ್ಟಿ ಎರವಾಡ, ಪದಾಧಿಕಾರಿಗಳಾದ ಕೆಮೂ¤ರು ಸುಧಾಕರ ಶೆಟ್ಟಿ, ರವೀಂದ್ರ ಶೆಟ್ಟಿ, ಭಾಸ್ಕರ್‌ ಶೆಟ್ಟಿ, ಸುಶ್ಮಿತ್‌ ಶೆಟ್ಟಿ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ದೀಪಾ ಎ. ರೈ, ಮಾಜಿ ಕಾರ್ಯಾಧ್ಯಕ್ಷೆ ಮಲ್ಲಿಕಾ ಆನಂದ್‌ ಶೆಟ್ಟಿ, ಸುಧಾ ಎನ್‌. ಶೆಟ್ಟಿ, ಕಾರ್ಯದರ್ಶಿ ಉಷಾ ಯು. ಶೆಟ್ಟಿ, ಉಪ ಕಾರ್ಯಾಧ್ಯಕ್ಷೆ ಉಷಾ ಎಸ್‌. ಶೆಟ್ಟಿ, ಕೋಶಾಧಿಕಾರಿ ಲತಾ ಎಸ್‌. ಶೆಟ್ಟಿ, ಸಾಂಸ್ಕೃತಿಕ ವಿಭಾಗದ ಸ್ಮಿತಾ ಎಸ್‌. ಶೆಟ್ಟಿ, ಯುವ ವಿಭಾಗದ ಕಾರ್ಯಾಧ್ಯಕ್ಷೆ  ನಮ್ರತಾ ಜೆ. ಶೆಟ್ಟಿ, ದಿನೇಶ್‌ ಶೆಟ್ಟಿ ಬಜಗೋಳಿ,  ಮಹಿಳಾ ವಿಭಾಗದ ಸದಸ್ಯೆಯರು, ಯುವ ವಿಭಾಗದ ಸದಸ್ಯರು ಹಾಗೂ ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೀಡಾಭಿಮಾನಿಗಳು ಉಪಸ್ಥಿತರಿದ್ದು  ಆಟಗಾರರನ್ನು  ಪ್ರೋತ್ಸಾಹಿಸಿದರು. 

ಚಿತ್ರ-ವರದಿ : ಕಿರಣ್‌ ಬಿ. ರೈ ಕರ್ನೂರು