ಕೋವಿಡ್-19: ಭೀತಿಯಿಂದ ಪುಣೆ ಎಪಿಎಂಸಿ ಮಾರುಕಟ್ಟೆಗೆ ಬೀಗ

Team Udayavani, Apr 13, 2020, 12:32 PM IST

ಪುಣೆ: ಜನ ಸಂದಣಿ ಆರೋಗ್ಯಕ್ಕೆ ಅಪಾಯವನ್ನುಂಟು ಮಾಡುತ್ತದೆ ಎಂದು ಅರಿತ ಪುಣೆ ಕೃಷಿ ಉತ್ಪಾದನಾ ಮಾರುಕಟ್ಟೆ ಸಮಿತಿ (ಎಪಿಎಂಸಿ) ಮಾರುಕಟ್ಟೆ ಯಾರ್ಡ್‌ ನಲ್ಲಿ ತನ್ನ ಕಾರ್ಯಾಚರಣೆಯನ್ನು ನಿಲ್ಲಿಸಲು ನಿರ್ಧರಿಸಿದೆ.

ಪಿಂಪ್ರಿ ಮತ್ತು ಮಂಜ್ರಿ ಪ್ರದೇಶಗಳಲ್ಲಿನ ತನ್ನ ಸಬ್‌ಮಾರ್ಕೆಟ್‌ನಲ್ಲಿ ಕೃಷಿ ಉತ್ಪನ್ನಗಳ ಪೂರೈಕೆ ಮುಂದುವರಿಯಲಿದೆ ಎಂದು ಪುಣೆ ಎಪಿಎಂಸಿ ಆಡಳಿತಾಧಿಕಾರಿ ಬಿ.ಜೆ. ದೇಶಮುಖ್ ಗುರುವಾರ ಹೊರಡಿಸಿದ ಸುತ್ತೋಲೆಯಲ್ಲಿ ತಿಳಿಸಿದ್ದಾರೆ. ಮುಂಬಯಿ ಮತ್ತು ಪುಣೆಯ ನಗರ ಪ್ರದೇಶಗಳಲ್ಲಿ ತರಕಾರಿ ಮಾರುಕಟ್ಟೆಗಳನ್ನು ಮುಚ್ಚಲು ರಾಜ್ಯ ಸರ್ಕಾರ ಯೋಜಿಸುತ್ತಿದೆ. ಎಚ್ಚರಿಕೆಗಳನ್ನು ನೀಡಿದ್ದರೂ ಜನರು ಈ ಪ್ರದೇಶಗಳಿಗೆ ತಂಡೊಪತಂಡವಾಗಿ ಆಗಮಿಸುತ್ತಾರೆ. ಕೊರೊನಾ ವೈರಸ್‌ ಹರಡುವುದನ್ನು ತಡೆಗಟ್ಟಲು ನಗರ ಪ್ರದೇಶಗಳಲ್ಲಿನ ತರಕಾರಿ ಮಾರುಕಟ್ಟೆಗಳನ್ನು ಮುಚ್ಚುವುದು ಅನಿವಾರ್ಯವಾಗಿದೆ ಎಂದು ಕಂದಾಯ ಸಚಿವ ಬಾಲಸಭೇಬ್‌ ಥೋರತ್‌ ಹೇಳಿದ್ದಾರೆ.

ಪುಣೆ ಎಪಿಎಂಸಿ ಪ್ರಕಾರ, ಪಿಎಂಸಿ ಗುಲ್ಟೆಕಿ, ಕಸೇವಾಡಿ, ನಾನಾ ಪೇಟೆ, ಭವಾನಿ ಪೇಟೆ, ರಾಸ್ತಾ ಪೇಟೆ, ಮಹಾತ್ಮ ಫ‌ುಲೆ ಮಂಡೈ, ಸೋಮವಾರ್‌ ಪೇಟೆ, ಮಂಗಳವಾರ್‌ ಪೇಟೆ, ಬುಧ್ವಾರ್‌ ಪೇಟೆ, ಗುರುವಾರ್‌ ಪೇಟೆ, ಶನಿವಾರ್‌ ಪೇಟೆ, ರವಿವಾರ್‌ ಪೇಟ್‌ ಮತ್ತು ಕೊಂಡ್ವಾ ಪ್ರದೇಶಗಳನ್ನು ಮೊಹರು ಮಾಡಲಾಗಿದೆ. ಮಾರ್ಕೆಟ್‌ ಯಾರ್ಡ್‌ಗೆ ಭೇಟಿ ನೀಡುವ ಗರಿಷ್ಠ ಜನರು, ಮುಖ್ಯವಾಗಿ ಚಾಲಕರು, ಕುಂಬಾರರು, ಚಿಲ್ಲರೆ ವ್ಯಾಪಾರಿಗಳು ಮತ್ತು ಮಧ್ಯವರ್ತಿಗಳು ಈ ಪ್ರದೇಶಗಳ ನಿವಾಸಿಗಳಾಗಿರುವುದರಿಂದ ಆರೋಗ್ಯದ ಅಪಾಯಗಳಿಂದಾಗಿ ಕಾರ್ಯಾಚರಣೆಯನ್ನು ಮುಂದುವರಿಸಲು ವ್ಯಾಪಾರಿಗಳು ಮತ್ತು ಸಿಬಂದಿ ಸಿದ್ಧರಿಲ್ಲ ಎನ್ನಲಾಗಿದೆ.

ಪೊಲೀಸರು ಈ ಪ್ರದೇಶವನ್ನು ಮಾರಾಟಕ್ಕೆ ಬಿಡಲು ಅವಕಾಶ ನೀಡದ ಕಾರಣ ಮಾರ್ಕೆಟ್‌ ಯಾರ್ಡ್‌ ಬಳಿ ವಾಸಿಸುವ ಜನರು ಅನನುಕೂಲತೆಯನ್ನು ಎದುರಿಸುತ್ತಿದ್ದಾರೆ ಎಂದು ದೇಶಮುಖ್‌ ಹೇಳಿದರು.  ಛತ್ರಪತಿ ಶಿವಾಜಿ ಮಾರ್ಕೆಟ್‌ ಯಾರ್ಡ್‌ ವ್ಯಾಪಾರಿಗಳು ಮತ್ತು ಏಜೆಂಟರ ಸಂಘದ ಅಧ್ಯಕ್ಷ ವಿಲಾಸ್‌ ಭುಜಬಲ್‌ ಅವರು ಮಾತನಾಡಿ ಗುಲ್ಟೆಕಿ ಪ್ರದೇಶ ದಿಂದ ಕೆಲವು ಸಕಾರಾತ್ಮಕ ಪ್ರಕರಣ ಗಳು ವರದಿಯಾಗಿರುವುದರಿಂದ ಕಾರ್ಯಾಚರಣೆ ಯನ್ನು ಮುಚ್ಚಲು ಎಪಿಎಂಸಿ ನಿರ್ಧರಿಸಿದೆ. ಹೆಚ್ಚಿನ ಸೂಚನೆಗಳವರೆಗೆ ಹೊರವಲಯದಿಂದ ಮತ್ತು ರೈತರಿಂದ ತರಕಾರಿ ಸರಬರಾಜನ್ನು ನಿಷೇಧಿಸಲಾಗಿದೆ ಎಂದು ನಾವು ವ್ಯಾಪಾರಿ ಗಳಿಗೆ ಮನವಿ ಮಾಡಿದ್ದೇವೆ ಎಂದು ತಿಳಿಸಿದ್ದಾರೆ.

ಮಾರುಕಟ್ಟೆ ಅಂಗಳವನ್ನು ಮುಚ್ಚ ಲಾಗುವುದು ಎಂಬ ಸುದ್ದಿ ಬಂದಾಗಿನಿಂದ ತರಕಾರಿಗಳನ್ನು ಖರೀದಿಸಲು ಬರುವ ಗ್ರಾಹಕರ ಸಂಖ್ಯೆ ವಿಪರೀತವಾಗಿದೆ. ತರಕಾರಿಗಳ ಪೂರೈಕೆ ಕಡಿಮೆ ಇರುವುದರಿಂದ ಬೆಲೆಗಳು ಹೆಚ್ಚಾಗಿದೆ ಎಂದು ಜಿಜಾಮತಾ ಭಾಜಿ ಮಂಡೈನ ಚಿಲ್ಲರೆ ತರಕಾರಿ ಮಾರಾಟಗಾರ ಮಯೂರ್‌ ಕಲಾಟೆ ಹೇಳಿದ್ದಾರೆ.

ಪುಣೆ ಎಪಿಎಂಸಿ ಶುಕ್ರವಾರದಿಂದ ಕಾರ್ಯಾ ಚರಣೆಯನ್ನು ಮುಚ್ಚಲು ನಿರ್ಧರಿಸಿದಂತೆ, ವ್ಯಾಪಾರಿಗಳು ಮತ್ತು ಮಹಾರಾಷ್ಟ್ರ ರಾಜ್ಯ ಕೃಷಿ ಮಾರುಕಟ್ಟೆ ಮಂಡಳಿ (ಎಂಎಸ್‌ಎಎಂಬಿ) ಅಧಿಕಾರಿಗಳು ಇದು ನಿವಾಸಿಗಳ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಹೇಳಿದ್ದಾರೆ. ಈ ನಿರ್ಧಾರವು ತರಕಾರಿಗಳು ಮತ್ತು ಹಣ್ಣುಗಳ ಬೆಲೆಯನ್ನು ಹೆಚ್ಚಿಸುತ್ತದೆ ಎಂದು ನಿವಾಸಿಗಳು ಮತ್ತು ಚಿಲ್ಲರೆ ವ್ಯಾಪಾರಿಗಳು ಹೇಳುತ್ತಾರೆ.

ಎಂಎಸ್‌ಎಎಂಬಿ ಅಧಿಕಾರಿಯೊಬ್ಬರು ಮಾತನಾಡಿ ನಿವಾಸಿಗಳು ಮಾರುಕಟ್ಟೆಯಲ್ಲಿ ಅಧಿಕ ಸಂಖ್ಯೆಯಲ್ಲಿ ಜಮಾವಣೆಗೊಳ್ಳುತ್ತಿದ್ದರು. ತರಕಾರಿಗಳು ಮತ್ತು ಹಣ್ಣುಗಳನ್ನು ಸಂಗ್ರಹಿಸಲು ಬಯಸುತ್ತಿದ್ದರು. ಆದ್ದರಿಂದ, ಕನಿಷ್ಠ ಒಂದು ವಾರದವರೆಗೆ ಮಾರುಕಟ್ಟೆಗಳನ್ನು ಮುಚ್ಚುವುದು ಆವಶ್ಯಕ. ಸಿರಿಧಾನ್ಯಗಳು ಮತ್ತು ಇತರ ಖಾದ್ಯಗಳನ್ನು ಮಾರಾಟ ಮಾಡುವ ದಿನಸಿ ಅಂಗಡಿಗಳು ತೆರೆದಿರುತ್ತವೆ ಮತ್ತು ರೈತರಿಂದ ನೇರ ಪೂರೈಕೆಯನ್ನು ಸಹ ನಿಲ್ಲಿಸಲಾಗುವುದಿಲ್ಲ ಎಂದು ತಿಳಿಸಿದ್ದಾರೆ.

ಬೆಲೆ ಹೆಚ್ಚಳ
ನಾನು ತರಕಾರಿಗಳನ್ನು ಖರೀದಿಸಲು ಮತ್ತು ಚಿಲ್ಲರೆ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಪರ್ಯಾಯ ದಿನ ಗಳಲ್ಲಿ ಮಾರ್ಕೆಟ್‌ ಯಾರ್ಡ್‌ಗೆ ಹೋಗುತ್ತಿ ದ್ದೇನೆ. ಕಡಿಮೆ ಪೂರೈಕೆಯಿಂದಾಗಿ ಬೆಲೆಗಳು ಈಗಾಗಲೇ ಹೆಚ್ಚಾಗಿದೆ. ಸಗಟು ಮಾರು ಕಟ್ಟೆಯನ್ನು ಅನಿರ್ದಿಷ್ಟ ಅವಧಿಗೆ ಮುಚ್ಚುವು ದರಿಂದ ಮತ್ತಷ್ಟು ಬೆಲೆ ಏರಿಕೆಯಾಗಲಿದೆ ಎಂದು ಪುಣೆ-ಸತಾರಾ ರಸ್ತೆಯ ತರಕಾರಿ ಮಾರಾಟ ಗಾರ ಸಾರಿಕಾ ದೇಶಮುಖ್ ಹೇಳಿದ್ದಾರೆ.