ದೇವಾಡಿಗ ಅಕ್ಷಯ ಕಿರಣ ವಾಟ್ಸಪ್‌ ಬಳಗ: ನೆರವು 

Team Udayavani, Jan 2, 2019, 11:48 AM IST

ಮುಂಬಯಿ: ಜನ ಸೇವೆಯೇ ದೇವರ ಸೇವೆ  ಎನ್ನುವ ಮೂಲ ಉದ್ದೇಶದಿಂದ ಹುಟ್ಟಿಕೊಂಡಿರುವ ಸಾಮಾಜಿಕ ಜಾಲ ತಾಣ ಬಳಗ  ದೇವಾಡಿಗ ಅಕ್ಷಯ ಕಿರಣದ ವತಿಯಿಂದ ಆರ್ಥಿಕವಾಗಿ ಸಂಕಷ್ಟದಲ್ಲಿರುವ ಸಮಾಜ ಬಾಂಧವರಿಗೆ ಆರ್ಥಿಕ ನೆರವು ನೀಡಲಾಯಿತು.

ಡಿ. 2ರಂದು ಕಿಡ್ನಿ ಸಮಸ್ಯೆಯಿಂದ ಬಳಲುತ್ತಿರುವ ವೆಂಕಟೇಶ ದೇವಾಡಿಗ ಅವರ ಮನೆಗೆ ಭೇಟಿನೀಡಿ 25,000 ರೂ. ವೈದ್ಯಕೀಯ ನೇರವು ನೀಡಲಾಯಿತು. ಡಿ. 23 ರಂದು ಕೈಗೆ ಪೆಟ್ಟು ಬಿದ್ದು  ಏಕಾಂಗಿಯಾಗಿ ಬದುಕುತ್ತಿರುವ 70 ರ ವಯೋವೃದ್ದರಾದ ನಾಗೂರಿನ  ಚಂದೂ ದೇವಾಡಿಗರ ಮನೆಗೆ ಭೇಟಿ ನೀಡಿ 5000 ರೂ.  ಹಾಗೂ ಹೈ ವೋಲ್ಟೆàಜ್‌  ವಿದ್ಯುತ್‌ ಅಪಘಾತ ದಿಂದ ಅನಾರೋಗ್ಯಪೀಡಿತರಾದ ಕಂಬದಕೋಣೆ ನಿವಾಸಿ ಸದಾನಂದ ದೇವಾಡಿಗರಿಗೆ 20,000 ರೂ. ವೈದ್ಯಕೀಯ ನೇರವು ನೀಡಲಾಯಿತು. ಡಿ. 24 ರಂದು ಮೂಲ್ಕಿ ಬಳಿಯ ಪಕ್ಷಿಕೆರೆ ಪಂಜ ನಿವಾಸಿ ಅನಾರೋಗ್ಯ ಪೀಡಿತರಾದ ಭೋಜ ದೇವಾಡಿಗರ ಮನೆಗೆ ಭೇಟಿ ನೀಡಿ 11,000 ರೂ. ವೈದ್ಯಕೀಯ ನೇರವು ಮತ್ತು ವಾಕರ್‌ನ್ನು  ಹಸ್ತಾಂತರಿಸುವ ಮಾನವೀಯತೆ ಮೆರೆಯಲಾಯಿತು.

ಈ ಸಂದರ್ಭದಲ್ಲಿ ದೇವಾಡಿಗ ಅಕ್ಷಯ ಕಿರಣ ವಾಟ್ಸಾಪ್‌ ಗ್ರೂಪ್‌ನ ಮುಂಬಯಿ ಸದಸ್ಯರು ಸೇರಿದಂತೆ ಬೈಂದೂರು, ಬಿಜೂರು, ಉಪ್ಪುಂದ, ಗಂಗೊಳ್ಳಿ, ಕುಂದಾಪುರ, 

ಶಂಕರನಾರಾಯಣ,  ತಲ್ಲಂಜೆ,  ಕೋಟ, ಸಾಲಿಗ್ರಾಮ, ಕೋಟೇಶ್ವರ, ಅಂಕದ ಕಟ್ಟೆ, ಬಾಕೂìರು,  ಕೆ. ಜಿ.ರೋಡ್‌,  ಎರ್ಮಾಳ್‌, ಇಸ್ಲಾಂಪುರ ಇನ್ನಿತರ ಊರುಗಳ ಸದಸ್ಯರು ಉಪಸ್ಥಿತರಿದ್ದರು.