ದೇವಾಡಿಗ ಸಂಘ ಮೀರಾರೋಡ್‌-ವಿರಾರ್‌ ಸ್ಥಳೀಯ ಸಮಿತಿಯಿಂದ ಅರಸಿನ ಕುಂಕುಮ

Team Udayavani, Mar 9, 2017, 4:41 PM IST

ಮುಂಬಯಿ: ಮಾಂಗಲ್ಯದ ಪವಿತ್ರ ಸಂಕೇತವಾದ ಅರಸಿನ ಕುಂಕುಮ ಕಾರ್ಯಕ್ರಮವು ಮಹಿಳೆಯರ ನವಚೈತನ್ಯವನ್ನು ಹೆಚ್ಚಿಸುತ್ತದೆ. ಇದು ಸನಾತನ ಧರ್ಮದ ಸಂಕೇತವೂ ಆಗಿದೆ. ಹಣೆಯಲ್ಲಿ ಅರಸಿನ ಕುಂಕುಮ, ಕೊರಳಲ್ಲಿ ಕರಿಮಣಿ ಸರ ಮಹಿಳೆ ಯರ ಸೌಭಾಗ್ಯದ ಹಾಗೂ ಸೌಂದರ್ಯದ ಪ್ರತೀಕ ಎಂದು ದೇವಾಡಿಗ ಸಂಘ ಮುಂಬಯಿ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಜಯಂತಿ ರಘು ಮೊಯಿಲಿ ನುಡಿದರು.

 ಫೆ. 26ರಂದು ಮೀರಾರೋಡ್‌ ಪೂರ್ವದ ಶ್ರೀ ಅಯ್ಯಪ್ಪ ಮಂದಿರದ ಸಭಾಂಗಣದಲ್ಲಿ ದೇವಾಡಿಗ ಸಂಘದ ಮೀರಾರೋಡ್‌-ವಿರಾರ್‌ ಸ್ಥಳೀಯ ಸಮಿತಿಯ ಮಹಿಳಾ ವಿಭಾಗದಿಂದ ನಡೆದ ಅರಸಿನ ಕುಂಕುಮ ಕಾರ್ಯ ಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ  ಮಾತನಾಡಿದರು. ಗೌರವ ಅತಿಥಿಯಾಗಿ ಪಾಲ್ಗೊಂಡ ವನಿತಾ ಆರ್‌. ದೇವಾಡಿಗ, ಅರಸಿನ ಕುಂಕುಮ ಕಾರ್ಯಕ್ರಮವು
ಮರಾಠಿ ಮಣ್ಣಿನ ಸಂಸ್ಕೃತಿಯಾಗಿದ್ದರೂ ಇಂದು ಮಹಿಳಾ ಸಂಘಟನಾ ಶಕ್ತಿಗೆ ಪ್ರೇರಕ. ಮಹಿಳೆಯರು
ಇಂತಹ ಕಾರ್ಯಕ್ರಮಗಳಲ್ಲಿ ಭಾಗವಹಿಸಬೇಕು ಎಂದರು.

ವಿಶೇಷ ಆತಿಥಿಯಾಗಿ ಭಾಗವಹಿಸಿದ ಸಂಧ್ಯಾ ನಾಗರಾಜ್‌ ದೇವಾಡಿಗ ಮಾತನಾಡಿ, ಅರಸಿನ ಕುಂಕುಮಕ್ಕೆ ವೈಜ್ಞಾನಿಕವಾಗಿಯೂ ಮಹತ್ವವಿದೆ. ಅರಸಿನವು ರೋಗ ನಿರೋಧಕ ಶಕ್ತಿಯನ್ನು ಒಳಗೊಂಡರೆ, ಕುಂಕುಮವು ದೈವಿಕ ಶಕ್ತಿಯನ್ನು ಹೊಂದಿದೆ ಎಂದರು. ಲೀನಾ ರಾಮ ದೇವಾಡಿಗ, ಲಲಿತಾ ಗುಣಪಾಲ್‌ ಉಡುಪಿ ಅವರು ಮಾತನಾಡಿದರು. ಮುಂಬಯಿ ದೇವಾಡಿಗ ಸಂಘದ ಅಧ್ಯಕ್ಷ ರವಿ ದೇವಾಡಿಗ ಕಾರ್ಯಕ್ರಮವನ್ನುಅಚ್ಚುಕಟ್ಟಾಗಿ ನಡೆಸಿದ ಸ್ಥಳೀಯ ಸಮಿತಿಯ ಕಾರ್ಯಾಧ್ಯಕ್ಷ ನಾಗರಾಜ ದೇವಾಡಿಗ ಅವರನ್ನು ಅಭಿನಂದಿಸಿದರು.

ದೇವಾಡಿಗ ಸಂಘ ಮುಂಬಯಿ ಜತೆ ಕಾರ್ಯದರ್ಶಿ ಗಣೇಶ್‌ ಶೇರಿಗಾರ್‌, ಮೆಡಿಕಲ್‌ ಫೌಂಡೇಷನ್‌ ಅಧ್ಯಕ್ಷ ಜನಾರ್ದನ ಉಪ್ಪುಂದ, ಅಸಲ್ಫಾ ಸಮಿತಿಯ ಕಾರ್ಯಾ ಧ್ಯಕ್ಷ ಅಶೋಕ್‌ ದೇವಾಡಿಗ ಮಾತನಾಡಿದರು.

ಸಭೆಯ ಅಧ್ಯಕ್ಷತೆಯನ್ನು ವಹಿಸಿದ್ದ ಸ್ಥಳೀಯ ಸಮಿತಿಯ ಕಾರ್ಯಾಧ್ಯಕ್ಷೆ ಶಕುಂತಳಾ ಎಸ್‌. ಶೇರಿಗಾರ್‌ ಮಾತನಾಡಿ, ಇಂತಹ ಸಂದರ್ಭಗಳಲ್ಲಿ ಮಕ್ಕಳನ್ನು ಕರೆತಂದು ನಮ್ಮ ಸಂಸ್ಕೃತಿ, ಸಂಸ್ಕಾರಗಳ ಬಗ್ಗೆ ಅರಿವು ಮಾಡಿಕೊಡಬೇಕು ಎಂದರಲ್ಲದೆ ದೇವಾಡಿಗ ಸಂಘದ ಆಡಳಿತ ಮಂಡಳಿ, ಸ್ಥಳೀಯ ಕಾರ್ಯಾಧ್ಯಕ್ಷರು ಹಾಗೂ ಸದಸ್ಯರಿಗೆ ಅಭಿನಂದನೆ ಸಲ್ಲಿಸಿದರು.ಸ್ಯಾಕೊÕಫೋನ್‌ ವಾದಕಿ ಕು| ಪೂಜಾ ದೇವಾಡಿಗ ಹಾಗೂ ಸಮಿತಿಯ ನಿಕಟಪೂರ್ವ ಕಾರ್ಯಾಧ್ಯಕ್ಷ ಸದಾಶಿವ ಶೇರಿಗಾರ್‌ ದಂಪತಿಯನ್ನು ಗೌರವಿಸ ಲಾಯಿತು. ಸಮಿತಿಯ ಅಧ್ಯಕ್ಷ  ನಾಗರಾಜ  ದೇವಾಡಿಗ ಹಾಗೂ ಸದಸ್ಯರು, ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ ಎಲ್ಲರನ್ನು ಸತ್ಕರಿಸಿದರು.

ಅಶ್ವಿ‌ತಾ ಕೆ. ದೇವಾಡಿಗ ಪ್ರಾರ್ಥನೆಗೈದರು. ವಿಜಯಲಕ್ಷ್ಮೀ ಎಲ್‌. ದೇವಾಡಿಗ ಸ್ವಾಗತಿಸಿ ರೂಪಕಲಾ ದೇವಾಡಿಗ ವಂದಿಸಿದರು. ಸುರೇಖಾ ದೇವಾಡಿಗ ಕಾರ್ಯ ಕ್ರಮ ನಿರೂಪಿಸಿದರು. ಪರಿಸರದ ವಿವಿಧ ಸಂಘ- ಸಂಸೆœಗಳ ಪದಾಧಿಕಾರಿಗಳು, ಸಮಾಜ ಬಾಂಧವರು ಅಪಾರ ಸಂಖ್ಯೆಯಲ್ಲಿ  ಪಾಲ್ಗೊಂಡಿದ್ದರು. ಸಾಂಸ್ಕೃತಿಕ ಕಾರ್ಯಕ್ರಮವಾಗಿ ಭಜನೆ, ನೃತ್ಯವೈವಿಧ್ಯ ನಡೆಯಿತು.  ಭೋಜನದ ವ್ಯವಸ್ಥೆಯನ್ನುಆಯೋಜಿಸಲಾಗಿತ್ತು.