ದೇವಾಡಿಗ ಸಂಘ ಮುಂಬಯಿ ಮಹಿಳಾ ವಿಭಾಗದಿಂದ ಆಟಿಡೊಂಜಿ ದಿನ

Team Udayavani, Jul 28, 2017, 4:14 PM IST

ಮುಂಬಯಿ: ದಾದರ್‌ ಪೂರ್ವದ ದೇವಾಡಿಗ ಸೆಂಟರ್‌ನಲ್ಲಿ ದೇವಾಡಿಗ ಸಂಘದ ಮಹಿಳಾ ವಿಭಾಗದ ವತಿಯಿದ ಆಟಿಡೊಂಜಿ ದಿನ  ಕಾರ್ಯಕ್ರಮವು ಜು.  22ರಂದು ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ಜರಗಿತು. 

ಸಂಘದ ಅಧ್ಯಕ್ಷ  ರವಿ ಎಸ್‌. ದೇವಾಡಿಗ ಮಾತನಾಡಿ, ಜಾತಿ ಬಾಂಧವರ ಸದಸ್ಯತನದ ಗಣತಿ ಮತ್ತು ವೈದ್ಯಕೀಯ ನಿಧಿ ಸಂಗ್ರಹದ ಬಗ್ಗೆ ಸಹಕಾರ ನೀಡುವಂತೆ ಸಂಘದ ಸದಸ್ಯರಲ್ಲಿ ವಿನಂತಿಸಿ, ಇಷ್ಟೊಂದು ಸಂಖ್ಯೆಯಲ್ಲಿ ಮಹಿಳೆ ಯರು ನೆರೆದಿದ್ದನ್ನು ಕಂಡು ಸಂತೋಷ ವಾಗುತ್ತಿದೆ ಎಂದರು. ಕಾರ್ಯಕ್ರಮವು  ಮಹಿಳಾ ವಿಭಾಗದ ಕಾರ್ಯದರ್ಶಿ ಪೂರ್ಣಿಮಾ ದೇವಾಡಿಗ   ಮತ್ತು ಜತೆ ಕಾರ್ಯದರ್ಶಿ ಪ್ರಮೀಳಾ ಶೇರಿಗಾರ್‌ ಅವರ ಪ್ರಾರ್ಥನೆಯೊಂದಿಗೆ ಪ್ರಾರಂಭಗೊಡಿತು.

ಮಹಿಳಾ ಕಾರ್ಯಾಧ್ಯಕ್ಷೆ  ಜಯಂತಿ  ರಘು ಮೊಲಿ ಅವರು ಕಾರ್ಯಕ್ರಮಕ್ಕೆ ಆಗಮಿಸಿದ ಕಾರ್ಯಕಾರಿ ಸಮಿತಿಯ ಸದಸ್ಯರು, ಉಪ ಸಮಿತಿಯ ಸದಸ್ಯರು, ಎಲ್ಲಾ ಸಮನ್ವಯ ಸಮಿತಿ ಪದಾಧಿಕಾರಿಗಳು, ಯುವ ವಿಭಾಗದವರು  ಹಾಗೂ ಮಹಿಳಾ ಸದಸ್ಯರನ್ನು ಸ್ವಾಗತಿಸಿ, ಸಂಘದ ಎಲ್ಲಾ ಕಾರ್ಯಗಳಲ್ಲಿ  ತಮ್ಮನ್ನು ತೊಡಗಿಸಿ ಕೊಳ್ಳುವಂತೆ ಸದಸ್ಯೆಯರಿಗೆ  ವಿನಂತಿಸಿ ದರು.

 ಊರಿನಲ್ಲಿ  ಆಟಿ ತಿಂಗಳಲ್ಲಿ ಜನರು ಕೆಲಸಕಾರ್ಯ, ಆಚರಿಸುವ ಹಬ್ಬ
ಗಳ, ಆಟಿ ಕಳಂಜ ಇತ್ಯಾದಿಗಳ ಮಾಹಿತಿ ಯನ್ನು ಮಹಿಳಾ ವಿಭಾಗದ ಉಪ ಕಾರ್ಯಾಧ್ಯಕ್ಷೆ  ರಂಜಿನಿ ಆರ್‌. ಮೊಲಿ ನೀಡಿದರು. ಮಹಿಳಾ ಮಾಜಿ ಕಾರ್ಯಾಧ್ಯಕ್ಷೆ  ಪ್ರಫುಲ್ಲಾ ವಾಸು ದೇವಾಡಿಗರು ಪ್ರತಿಭಾ ಸ್ಪರ್ಧೆ ಏರ್ಪಡಿಸಿದ್ದು, ಮಾತ್ರವಲ್ಲದೆ ಅದರ ಬಹುಮಾನಗಳ ಪ್ರಾಯೋಜಕತ್ವ ವಹಿಸಿದರು.

ಆಯಾ ವಸ್ತುಗಳ ಬ್ರಾಂಡ್‌  ಹೆಸರಿಸುವ ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನ ಸುಜಾತಾ  ಆರ್‌. ಶೇರಿಗಾರ್‌, ದ್ವಿತೀಯ ಬಹುಮಾನ ಪ್ರಭಾ ಆರ್‌. ದೇವಾಡಿಗ ಹಾಗೂ ತೃತೀಯ ಬಹುಮಾನ ಸೀಮಾ ಆರ್‌. ದೇವಾಡಿಗ ಅವರು ಪಡೆದರೆ, ಟ್ಯಾಗ್‌ ದ ಲೈನ್‌ ಸ್ಪರ್ಧೆಯಲ್ಲಿ ಮೊದಲನೆಯದಾಗಿ ಕು| ಐಶ್ವರ್ಯ ಆರ್‌. ಮೊಲಿ, ದ್ವಿತೀಯ ಕು|  ಶ್ರುತಿ ದೇವಾಡಿಗ ಹಾಗೂ ತೃತೀಯ ಕು| ಅಪೇಕ್ಷಾ ದೇವಾಡಿಗ ಅವರು ಬಹುಮಾನ ಪಡೆದರು. ಸಂಘದ ಜತೆ ಕಾರ್ಯದರ್ಶಿ ಮಾಲತಿ ಜೆ.  ಮೊಲಿ ಅವರು ಸಹಕರಿಸಿದರು. ತುಳುನಾಡಿನ ಬಗ್ಗೆ ಪ್ರತಿಭಾ ಸ್ಪರ್ಧೆಯನ್ನು ಜಯಂತಿ ಆರ್‌. ಮೊಲಿ  ಪ್ರಾಯೋಜಿಸಿದರು. ಲಕ್ಷ್ಮೀ ಜಿ. ದೇವಾಡಿಗ, ಕು|  ಶೇಫಾಲೀ ದೇವಾಡಿಗ,  ಲೋಲಾಕ್ಷಿ ದೇವಾಡಿಗ ಮತ್ತು ಸರೋಜಿನಿ ದೇವಾಡಿಗ ತುಳು ಜಾನಪದ ಮತ್ತು ಭಾವಗೀತೆಗಳನ್ನು ಹಾಡಿದರು.

ಮಹಿಳಾ ಸದಸ್ಯೆಯರು  ಆಟಿ ತಿಂಗಳ ವ್ಯಂಜನಗಳನ್ನು ಪ್ರದರ್ಶಿಸಿ ತಮ್ಮ ಪಾಕ ವಿಶೇಷತೆಯನ್ನು ಮೆರೆದಿದ್ದು,  ಎಲ್ಲರ ಪ್ರಶಂಸೆಗೆ ಪಾತ್ರ ರಾದರು. ಸಾಮಾಜಿಕ ಜಾಲತಾಣದಲ್ಲಿ ಆಮಂತ್ರಣವನ್ನು ಸುಂದರವಾಗಿ ವಿನ್ಯಾಸ ಮಾಡಿದ ಯುವ ವಿಭಾಗದ ನೀತೇಶ್‌  ದೇವಾಡಿಗರನ್ನು ಅಭಿನಂದಿಸಲಾಯಿತು. ಮಾಜಿ ಅಧ್ಯಕ್ಷರಾದ ವಾಸು ದೇವಾಡಿಗ, ಸಂಘದ ಪ್ರಧಾನ ಕಾರ್ಯದರ್ಶಿ ವಿಶ್ವನಾಥ್‌  ದೇವಾಡಿಗ ಮತ್ತು ಯುವ ವಿಭಾಗದ ಮಾರ್ಗದರ್ಶಕ ಗಿರೀಶ್‌ ದೇವಾಡಿಗರು ಕಾರ್ಯಕ್ರಮ ಯಶಸ್ವಿಯಾಗಲು ಸಹಕರಿಸಿದರು.

ಸಂಘದ ಮಾಜಿ ಅಧ್ಯಕ್ಷರಾದ ಕೆ.ಕೆ. ಮೋಹನ್‌ದಾಸ್‌,  ಚ್‌. ಮೋಹನ್‌
ದಾಸ್‌, ಉಪಾಧ್ಯಕ್ಷ ಭಾಸ್ಕರ್‌  ರಾವ್‌, ಜತೆ ಕಾರ್ಯದರ್ಶಿ ಗಣೇಶ್‌ ಶೇರಿಗಾರ್‌, ಕೋಶಾಧಿಕಾರಿ ದಯಾನಂದ್‌ ದೇವಾಡಿಗ ಮತ್ತು ಸಂಘದ ವೈದ್ಯಕೀಯ ಘಟಕದ ಕಾರ್ಯಾಧ್ಯಕ್ಷ ಜನಾರ್ದನ ದೇವಾಡಿಗ,ಮಹಿಳಾ ವಿಭಾಗದ ನಿಕಟಪೂರ್ವ  ಕಾರ್ಯಾಧ್ಯಕ್ಷೆ  ಭಾರತಿ ನಿಟ್ಟೇಕರ್‌ ಉಪಸ್ಥಿತ
ರಿದ್ದರು. ಪ್ರಮಿಳಾ ವಿ. ಶೇರಿಗಾರ್‌ ಕಾರ್ಯ ಕ್ರಮ ನಿರೂಪಿಸಿದರು. ಪೂರ್ಣಿಮಾ ಡಿ. ದೇವಾಡಿಗ ವಂದಿಸಿದರು.