ಬಿಜೆಪಿ ದ.ಭಾರತೀಯ  ಘಟಕ: ಕಾರ್ಯದರ್ಶಿಯಾಗಿ ಗಣೇಶ ಶೆಟ್ಟಿ 

Team Udayavani, Nov 21, 2017, 1:30 PM IST

ಮುಂಬಯಿ: ಭಾರತೀಯ ಜನತಾ ಪಕ್ಷ (ಬಿಜೆಪಿ) ಇದರ ದಕ್ಷಿಣ ಭಾರತೀಯ ಮುಂಬಯಿ ಘಟಕದ ಕಾರ್ಯದರ್ಶಿ ಆಗಿ ಗಣೇಶ ಎ. ಶೆಟ್ಟಿ ಆಯ್ಕೆ ಆಗಿದ್ದಾರೆ.

ಇತ್ತೀಚೆಗೆ ನಗರದ ಬಿಜೆಪಿ ಕಚೇರಿಯಲ್ಲಿ  ನಡೆಸಲಾದ ಬಿಜೆಪಿ ಸಮಿತಿಯ ಕಾರ್ಯಕ್ರಮದಲ್ಲಿ ರಾಜ್ಯಾಧ್ಯಕ್ಷ ರಾವ್‌ಸಾಹೇಬ್‌ ಪಾಟೇಲ್‌ ದನ್ವಿ, ಸಚಿವ ದಿಲೀಪ್‌ ಕಾಬ್ಳೆ ಉಪಸ್ಥಿತಿಯಲ್ಲಿ ಅಧಿಕಾರ ಸ್ವೀಕರಿಸಿದರು.  ಇದೇ ಸಂದರ್ಭದಲ್ಲಿ ಅವರನ್ನು ಪುಷ್ಪಗುಚ್ಚವನ್ನಿತ್ತು ಅಭಿನಂದಿಸಿ ಗೌರವಿಸಿ, ಶುಭ ಹಾರೈಸಲಾಯಿತು.

ಮೂಲತಃ ಮುಡೇìಶ್ವರದ ಅಂತಯ್ಯ ಶೆಟ್ಟಿ ಮತ್ತು ಸಾಧಮ್ಮ ಶೆಟ್ಟಿ ದಂಪತಿ ಪುತ್ರರಾದ ಗಣೇಶ್‌ ಶೆಟ್ಟಿ ಅವರು ತನ್ನ ಪ್ರಾಥಮಿಕ ಶಿಕ್ಷಣವನ್ನು ಮುಡೇìಶ್ವರದಲ್ಲಿ ಹಾಗೂ  ಕಾಲೇಜು ವಿದ್ಯಾಭ್ಯಾಸವನ್ನು ಧಾರವಾಡದಲ್ಲಿ ಪೂರೈಸಿದ್ದಾರೆ.  ಹಲವಾರು ವರ್ಷಗಳಿಂದ ಹಿಂದೂಪರ ಸಂಘಟನೆಗಳ ಮೂಲಕ ವಿವಿಧ ಹೋರಾಟಗಳಲ್ಲಿ ಭಾಗಿಯಾಗುತ್ತಿದ್ದ ಗಣೇಶ್‌ ಶೆಟ್ಟಿ ಅವರು  ಆರ್‌ಎಸ್‌ಎಸ್‌ ಇತ್ಯಾದಿ ಹಿಂದೂಪರ  ಸಂಘಟನೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡು ಸಮಾಜ ಸೇವೆಯಲ್ಲಿ ತೊಡಗಿದ್ದಾರೆ.