ಜಿಎಸ್‌ಬಿ ಬಾಲಾಜಿ ಸೇವಾ ಸಮಿತಿ: ಭಜನೆ

Team Udayavani, Sep 2, 2018, 4:33 PM IST

ಮುಂಬಯಿ: ವಸಾಯಿ ರೋಡ್‌ ಪಶ್ಚಿಮದ ಗೌಡ ಸಾರಸ್ವತ ಬ್ರಾಹ್ಮಣ ಜಿಎಸ್‌ಬಿ ಸಮಾಜದ ಬಾಲಾಜಿ ಸೇವಾ ಸಮಿತಿಯವರಿಂದ ಭಜನ ಕಾರ್ಯಕ್ರಮವು ಆ. 15 ರಂದು ನಾಯಾYಂವ್‌ ಪಶ್ಚಿಮದ ಕೋಳಿವಾಡಾದ ಶ್ರೀ ವಾಲಿ¾ಕೇಶ್ವರ ಮಂದಿರದಲ್ಲಿ ನಡೆಯಿತು.

ಶ್ರಾವಣ ಮಾಸದಲ್ಲಿ ಜರಗುವ 62 ನೇ ಅಖಂಡ ಹರಿನಾಮ ಸಪ್ತಾಹ ನಿಮಿತ್ತ ಅಪರಾಹ್ನ 3 ರಿಂದ ಸಂಜೆ 5ರ ವರೆಗೆ ಭಜನ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಸಮಿತಿಯ ಶ್ರೀ ವೆಂಕಟರಮಣ ಭಜನ ಮಂಡಳಿಯ ಸದಸ್ಯರು ಮರಾಠಿ ಭಜನೆಗಳನ್ನು ಹಾಡಿ ನೆರೆದ ನೂರಾರು ಸಭಿಕರ ಮನಗೆದ್ದರು.

ಹಾರ್ಮೋನಿಯಂನಲ್ಲಿ ಮಲ್ಪೆ ವಿಶ್ವನಾಥ ಪೈ ಮತ್ತು ನಿಡ್ಡೋಡಿ ಪ್ರಕಾಶ್‌ ಪ್ರಭು, ತಬಲಾದಲ್ಲಿ ಅಮೆಯ್‌ ಪೈ, ಸತೀಶ್‌ ಕಾಮತ್‌, ಅವನಿಕಾಂತ್‌ ಬೋರ್ಕರ್‌, ಪಖ್ವಾಜ್‌ನಲ್ಲಿ ಸ್ವಪ್ನಿಲ್‌ ಚವಾಣ್‌ ಅವರು ಸಹಕರಿಸಿದರು.

ಭಜನಾ ಮಂಡಳಿಯ ಎಲ್ಲಾ ಸದಸ್ಯರನ್ನು ವಾಲ್ಮೀಕೇಶ್ವರ ಮಂದಿರದ ಸಮಿತಿಯವರು ಪ್ರಸಾದ ವಿತರಿಸಿ ಗೌರವಿಸಿದರು. ಬಾಲಾಜಿ ಸೇವಾ ಸಮಿತಿಯ ಪದಾಧಿಕಾರಿಗಳು, ಸದಸ್ಯರು ಮತ್ತು ವಾಲಿ¾ಕೇಶ್ವರ ಮಂದಿರದ ಪದಾಧಿಕಾರಿಗಳು, ಸದಸ್ಯರು  ಉಪಸ್ಥಿತರಿದ್ದರು.