ಹೊಟೇಲ್‌ ಓನರ್ ಅಸೋಸಿಯೇಶನ್‌: ಸಾಧಕರಿಗೆ ಸಮ್ಮಾನ

Team Udayavani, Dec 5, 2017, 4:44 PM IST

ನವಿಮುಂಬಯಿ: ನವಿಮುಂಬಯಿ ಹೊಟೇಲ್‌ ಓನರ್ ಅಸೋಸಿಯೇಶನ್‌ ಇದರ 30ನೇ ವಾರ್ಷಿಕ ಮಹಾಸಭೆಯು ನ. 29ರಂದು ನವಿಮುಂಬಯಿಯ ಮ್ಹಾಪೆಯ ಹೊಟೇಲ್‌ ರಮಡಾ ಸಭಾಗೃಹದಲ್ಲಿ ಜರಗಿತು.

ನವಿಮುಂಬಯಿ ಹೊಟೇಲ್‌ ಓನರ್ ಅಸೋಸಿಯೇಶನ್‌ ಅಧ್ಯಕ್ಷ ದಯಾನಂದ ಎಸ್‌. ಶೆಟ್ಟಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಮಹಾಸಭೆಯಲ್ಲಿ ಹಿರಿಯ ಹೊಟೇಲಿಗರಾದ ಹೊಟೇಲ್‌ ಮಲ್ಲಿಕಾದ ರವೀಂದ್ರ ಆರ್‌. ಶೆಟ್ಟಿ, ಬಾಬಾ ಪ್ಯಾಲೇಸ್‌ನ ಬ್ರಿಜ್‌ಮೋಹನ್‌ ಕೋಹ್ಲಿ ದಂಪತಿ, ಸಾಯಿಬಾಬಾ ಹೊಟೇಲ್‌ನ ಸಿ. ಎಂ. ಶೆಟ್ಟಿ ದಂಪತಿ, ಸಾಯಿನಿಧಿ ಹೊಟೇಲ್‌ನ ಶೇಖರ್‌ ಪಿ. ದೇವಾಡಿಗ ದಂಪತಿ, ಅಶ್ವಿ‌ತ್‌ ಹೊಟೇಲ್‌ನ ಸಂಜೀವ ಎ. ಶೆಟ್ಟಿ ದಂಪತಿ, ಮಮತಾ ಹೊಟೇಲ್‌ನ ಜಯಪ್ರಕಾಶ್‌ ಆರ್‌. ಶೆಟ್ಟಿ ಅವರನ್ನು ಸಂಸ್ಥೆಯ ವತಿಯಿಂದ ಪದಾಧಿಕಾರಿಗಳು ಶಾಲು ಹೊದೆಸಿ, ಫಲಪುಷ್ಪ, ಸ್ಮರಣಿಕೆಯನ್ನಿತ್ತು ಸಮ್ಮಾನಿಸಿದರು.

ಇದೇ ಸಂದರ್ಭದಲ್ಲಿ ಎಸ್‌ಎಸ್‌ಸಿಯಲ್ಲಿ ಅತೀ ಹೆಚ್ಚು ಅಂಕಗಳನ್ನು ಪಡೆದ ಸಾಯೀಶ್‌ ಜಯಪ್ರಕಾಶ್‌ ಶೆಟ್ಟಿ ಮತ್ತು ಎಂಟೆಕ್‌ನಲ್ಲಿ ಹೆಚ್ಚಿನ ಅಂಕಗಳನ್ನು ಪಡೆದ ಪ್ರಿಯ ವಿನೋದ್‌ ಜಿಯಾ ಅವರನ್ನು ಪ್ರತಿಭಾ ಪುರಸ್ಕಾರವನ್ನಿತ್ತು ಗೌರವಿಸಲಾಯಿತು. ಸಮಿತಿಯ ಸದಸ್ಯರನ್ನು ಸ್ಮರಣಿಕೆಯನ್ನಿತ್ತು ಅಭಿನಂದಿಸಲಾಯಿತು.

ವೇದಿಕೆಯಲ್ಲಿ ಮುಖ್ಯ ಅತಿಥಿಯಾಗಿ ಆಹಾರ್‌ನ ಅಧ್ಯಕ್ಷ ಆದರ್ಶ್‌ ಶೆಟ್ಟಿ, ನವಿಮುಂಬಯಿ ಹೊಟೇಲ್‌ ಓನರ್ ಅಸೋಸಿಯೇಶನ್‌ ಉಪಾಧ್ಯಕ್ಷ ಮಾರುತಿ ಎನ್‌. ಬೋಹಿರ್‌, ಗೌರವ ಪ್ರಧಾನ ಕಾರ್ಯದರ್ಶಿ ಮಹೇಶ್‌ ಎಸ್‌. ಶೆಟ್ಟಿ, ಜತೆ ಕಾರ್ಯದರ್ಶಿ ರವೀಂದ್ರ ಎಂ. ಶೆಟ್ಟಿ, ಗೌರವ  ಕೋಶಾಧಿಕಾರಿ ಮೋಹನ್‌ ಕುಮಾರ್‌ ಜೆ. ಗೌಡ, ಜತೆ ಕೋಶಾಧಿಕಾರಿ ವಿನೋದ್‌ ಬಿ. ಮಾತ್ರೆ, ಸ್ಥಳೀಯ ವಲಯಗಳ ಉಪಾಧ್ಯಕ್ಷರಾದ ಭಾಸ್ಕರ ವೈ. ಶೆಟ್ಟಿ ಪನ್ವೇಲ್‌, ಜಯಪ್ರಕಾಶ್‌ ಆರ್‌. ಶೆಟ್ಟಿ ಐರೋಲಿ, ಶಂಕರ್‌ ಎಂ. ಶೆಟ್ಟಿ ಎಪಿಎಂಸಿ, ಶಾಂತಾರಾಮ್‌ ಜಿ. ಪಾಟೀಲ್‌ ಸಾನಾ³ಡಾ ಮೊದಲಾದವರು ಉಪಸ್ಥಿತರಿದ್ದರು.

ಕಿಶನ್‌ ಎಂ. ಪೂಜಾರಿ ಹಾಗೂ ಕಾರ್ಯಕಾರಿ ಸಮಿತಿಯ ಸದಸ್ಯರು, ಸಂಸ್ಥೆಯ ಹಿರಿಯ ಸದಸ್ಯರು ಹಾಗೂ ಸಲಹೆಗಾರ ಸದಾಶಿವ ಎಸ್‌. ಶೆಟ್ಟಿ, ಮಾಜಿ ಅಧ್ಯಕ್ಷರಾದ  ಗೋಪಾಲ್‌ ವೈ. ಶೆಟ್ಟಿ ಮತ್ತು ಕೇಶವ್‌ ಎಂ. ಶೆಟ್ಟಿ, ಆಹಾರ್‌ನ ಅಧ್ಯಕ್ಷ ಆದರ್ಶ್‌ ಶೆಟ್ಟಿ ಶಾಂತಾರಾಮ್‌ ಜಿ. ಪಾಟೀಲ್‌, ಜಯಪ್ರಕಾಶ್‌ ಆರ್‌. ಶೆಟ್ಟಿ, ಹಿರಿಯಣ್ಣ ಸಿ. ಶೆಟ್ಟಿ, ಸಿಬಿಡಿ ಭಾಸ್ಕರ್‌ ಶೆಟ್ಟಿ, ಖಾಂದೇಶ್‌ ಭಾಸ್ಕರ್‌ ವೈ. ಶೆಟ್ಟಿ, ಸದಾನಂದ ಶೆಟ್ಟಿ, ಗೋಪಾಲ್‌ ವೈ. ಶೆಟ್ಟಿ, ಕಿಶೋರ್‌ ಎಂ. ಶೆಟ್ಟಿ, ದಿನೇಶ್‌ ಜೋಶಿ ಮತ್ತು ಕೃಷ್ಣ ಎಂ. ಪೂಜಾರಿ, ಗೌರವ ಪ್ರಧಾನ ಕಾರ್ಯದರ್ಶಿ ಮಹೇಶ್‌ ಎಸ್‌. ಶೆಟ್ಟಿ ಉಪಸ್ಥಿತರಿದ್ದರು. 

 ಚಿತ್ರ-ವರದಿ: ಸುಭಾಷ್‌ ಶಿರಿಯಾ