ದಿ| ವಿಶ್ವನಾಥ್‌ ಅಂಚನ್‌ ಸ್ಮಾರಕ ಹಿರಿಯರ ಫುಟ್ಬಾಲ್‌

Team Udayavani, Mar 23, 2017, 11:46 AM IST

ಮುಂಬಯಿ: ಕರ್ನಾಟಕ ನ್ಪೋರ್ಟಿಂಗ್‌ ಅಸೋಸಿಯೇಶನ್‌ ಚರ್ಚ್‌ಗೇಟ್‌ನ ಕ್ರೀಡಾಂಗಣದಲ್ಲಿ 7 ವರ್ಷದ ಬಳಿಕ ಆಯೋಜಿಸಿದ ಹಿರಿಯರ ಫುಟ್ಬಾಲ್‌ ಪಂದ್ಯಾಟವು  ಈ ವರ್ಷ ಕರ್ನಾಟಕ ನ್ಪೋರ್ಟಿಂಗ್‌ ಅಸೋಸಿಯೇಶನ್‌ನ ಮಾಜಿ ಆಟಗಾರ ದಿ| ವಿಶ್ವನಾಥ್‌ ಅಂಚನ್‌ ಅವರ  ಸ್ಮಾರಣಾರ್ಥ  ಪಂದ್ಯವಾಗಿ ನಡೆಯಲಿದ್ದು, ಇದರ ಉದ್ಘಾಟನೆಯು ಇತ್ತೀಚೆಗೆ ನಡೆಯಿತು.

ಪಂದ್ಯಾಟವನ್ನು ಮಹಾರಾಷ್ಟ್ರ ಸರಕಾರದ ಕ್ರೀಡಾ ಹಾಗೂ ಯುವ ವಿಭಾಗದ ಉಪ ಸಂಚಾಲಕ ಎನ್‌. ಬಿ. ಮೋಟೇ, ಸೆಂಟ್ರಲ್‌ ಬ್ಯಾಂಕ್‌ ಅಧಿಕಾರಿ ಗಿರೀಶ್‌ ನಾಯರ್‌, ಛತ್ರಪತಿ ಪುರಸ್ಕಾರ ವಿಜೇತೆ ಛಾಯಾ ಜಯ ಶೆಟ್ಟಿ ಹಾಗೂ ಪಂದ್ಯಾಟದ ಪ್ರಮುಖ ಪ್ರಾಯೋಜಕರಾದ ಕರ್ನಾಟಕ ನ್ಪೋರ್ಟಿಂಗ್‌ ಕಾರ್ಯಕಾರಿ ಸಮಿತಿ ಸದಸ್ಯರಾದ ರವಿ ಅಂಚನ್‌ ಅವರು ಉದ್ಘಾಟಿಸಿದರು.

ಸಮಾರಂಭದಲ್ಲಿ ಪದಾಧಿ ಕಾರಿಗಳಾದ ಜಯ ಎ. ಶೆಟ್ಟಿ, ಎಂ. ಪಿ. ಶೆಟ್ಟಿ,  ಕೃಷ್ಣ ಶೆಟ್ಟಿ, ಸದಸ್ಯರಾದ ಕರುಣಾಕರ್‌ ಶೆಟ್ಟಿ, ಗೋವಿಂದ್‌ ಪುತ್ರನ್‌, ಸಾಲ್‌Ìಡೋರ್‌ ಡಿಸೋಜಾ, ಹರೀಶ್‌ ಪೂಜಾರಿ, ಪ್ರೇಮನಾಥ ಕೋಟ್ಯಾನ್‌, ಜಯಂತ್‌ ಕುಂದರ್‌, ಸುಕುಮಾರ್‌ ಹತ್ತಂಗಡಿ, ನಾಗರಾಜ್‌ ಶೆಟ್ಟಿ, ಜಯ ಪೂಜಾರಿ ಅವರು ಉಪಸ್ಥಿತರಿದ್ದರು.

ಪಂದ್ಯಾಟದ ಪ್ರಥಮ ಪಂದ್ಯದಲ್ಲಿ ಕೆಎಸ್‌ಎ ತಂಡ ಸಿಎಸ್‌ಎಲ್‌ ಕೊಲಾಬಾ ತಂಡವನ್ನು 2-1 ಗೋಲುಗಳ ಅಂತರದಿಂದ ಸೋಲಿಸಿ ಮುನ್ನಡೆ ಸಾಧಿಸಿತು.  ವಿಜಯಿ ತಂಡದ ಪರವಾಗಿ ರಸೇಲ್‌ ರೋಜಾರಿಯೋ 2 ಗೋಲು 
ಬಾರಿಸಿದರು. ಪರಾಜಿತ ತಂಡದ ಪರವಾಗಿ ನಾಗೇಶ್‌ ಸ್ವಾಮಿ ಅವರು ಗೋಲು ಹೊಡೆದರು.

ಎರಡನೇ ಪಂದ್ಯದಲ್ಲಿ ಸ್ಟೇಟ್‌ ಬ್ಯಾಂಕ್‌ ತಂಡ ತರುಣ ನ್ಪೋರ್ಟ್ಸ್ ಕ್ಲಬ್‌ ತಂಡವನ್ನು 1-0 ಗೋಲುಗಳ ಅಂತರದಿಂದ ಸೋಲಿಸಿತು. ಸ್ಟೇಟ್‌  ಬ್ಯಾಂಕ್‌ ತಂಡದ ಪರವಾಗಿ ತೌಸಿಫ್‌ ಜಮಾಲ್‌ ಅವರು ಗೋಲು ಬಾರಿಸಿದರು. ಮೂರನೇ ಪಂದ್ಯವು 0-0 ಗೋಲಿನೊಂದಿಗೆ ಡ್ರಾ ಆಯಿತು. ಸೆಂಟ್ರಲ್‌ ರೈಲ್ವೇ ತಂಡದ ವಿರುದ್ಧ ಗೋಲ್ಡನ್‌ ಗನ್ನರ್ಸ್‌ ತಂಡದಲ್ಲಿನ ರಾಷ್ಟ್ರೀಯ ಮಟ್ಟದ ಆಟಗಾರರು ಸಮಬಲ ಪ್ರದರ್ಶಿಸಿದರು. ಈ ಪಂದ್ಯಾಟಗಳು ಮಂಗಳವಾರ, ಬುಧವಾರ, ಗುರುವಾರ ಕ್ರಮವಾಗಿ ಲೀಗ್‌ ನಿಯಮಕ್ಕೆ ಅನುಗುಣವಾಗಿ ನಡೆಯಲಿವೆ. ಶುಕ್ರವಾರ ಸೆಮಿಫೈನಲ್‌ ಮತ್ತು ಶನಿವಾರ ಫೈನಲ್‌ ಪಂದ್ಯ ನಡೆಯಲಿದೆ. ಈ ಪಂದ್ಯಗಳು ಅಪರಾಹ್ನ 2.30ರಿಂದ ಸಂಜೆ 6ರ ವರೆಗೆ ನಡೆಯಲಿವೆ.