ಕುಲಾಲ ಸಂಘ ಮುಂಬೈಯಿಂದ  ವಿದ್ಯಾರ್ಥಿ ವೇತನ ವಿತರಣೆ

Team Udayavani, Jul 5, 2017, 2:31 PM IST

ಮುಂಬಯಿ: ಕುಲಾಲ ಸಂಘ ಮುಂಬಯಿ ಇದರ ಶಿಕ್ಷಣ ಮತ್ತು ಸಮಾಜ ಕಲ್ಯಾಣ  ಸಮಿತಿಯ ಆಶ್ರಯದಲ್ಲಿ ವಾರ್ಷಿಕ ಶೈಕ್ಷಣಿಕ ನೆರವು ವಿತರಣೆ ಕಾರ್ಯಕ್ರಮವು ಜೂ,. 25ರಂದು ಫೋರ್ಟ್‌ ಬಜಾರ್‌ಗೆàಟ್‌ನ  ಆರ್ಯ ಸಮಾಜ ಸಭಾಗೃಹದಲ್ಲಿ ನಡೆಯಿತು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕುಲಾಲ ಸಂಘ ಮುಂಬಯಿ ಅಧ್ಯಕ್ಷ ಗಿರೀಶ್‌ ಬಿ. ಸಾಲ್ಯಾನ್‌ ಅವರ ನೇತೃತ್ವದಲ್ಲಿ ಇದೇ ಸಂದರ್ಭದಲ್ಲಿ ಸಮಾಜದ ಆರ್ಥಿಕವಾಗಿ ಹಿಂದುಳಿದ ನೂರಾರು ಮಕ್ಕಳಿಗೆ ಆರ್ಥಿಕ ನೆರವು ವಿತರಿಸಲಾಯಿತು.  ವೇದಿಕೆಯಲ್ಲಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡ ಮೀರಾರೋಡ್‌ – ವಿರಾರ್‌ ಸ್ಥಳಿಯ ಸಮಿತಿಯ ಕಾರ್ಯಾಧ್ಯಕ್ಷ ಸುಂದರ್‌ ಕೆ. ಮೂಲ್ಯ, ವಿದೇಶಿ ಕಂಪೆನಿಯ ನಿರ್ವಾಹಕ ಕಾಂದಿವಲಿಯ  ಶ್ರೀಧರ್‌ ಡಿ. ಬಂಗೇರ, ಕುಲಾಲ ಸಂಘದ ಪದಾಧಿಕಾರಿಗಳಾದ ಉಮೇಶ್‌ ಬಂಗೇರ, ದೇವದಾಸ್‌ ಕುಲಾಲ್‌, ಡಿ. ಐ. ಮೂಲ್ಯ, ಜಯ ಎಸ್‌. ಅಂಚನ್‌, ಶಂಕರ್‌ ವೈ. ಮೂಲ್ಯ, ಪಿ. ಶೇಖರ್‌ ಮೂಲ್ಯ, ಪಿ. ಶೇಕರ್‌ ಮೂಲ್ಯ ಹಾಗೂ ಸಂಘದ ಇತರ ಪದಾಧಿಕಾರಿಗಳು, ಸ್ಥಳೀಯ ಸಮಿತಿಗಳ  ಪದಾಧಿಕಾರಿಗಳು  ಉಪಸ್ಥಿತರಿದ್ದರು.