ನವೀನ್‌ ಕೆ. ಇನ್ನಾರಿಗೆ ರಾಜೇಶ ಶಿಬಾಜೆ ಮಾಧ್ಯಮ ಪ್ರಶಸ್ತಿ ಪ್ರದಾನ

Team Udayavani, Mar 23, 2017, 4:39 PM IST

ಮುಂಬಯಿ: ನಗರದ ಪತ್ರಕರ್ತ, ಅಂಕಣಕಾರ ನವೀನ್‌ ಕೆ. ಇನ್ನಾ ಅವರಿಗೆ ಪ್ರತಿಷ್ಠಿತ ರಾಜೇಶ ಶಿಬಾಜೆ ಮಾಧ್ಯಮ ಪ್ರಶಸ್ತಿಯನ್ನು ಪ್ರದಾನಿಸಲಾಯಿತು. ಮಾ. 17ರಂದು ಉಡುಪಿಯ ಡಾ| ಜಿ. ಶಂಕರ್‌ ಸರಕಾರಿ ಮಹಿಳಾ ಕಾಲೇಜಿನ ಪತ್ರಿಕೋದ್ಯಮ ವಿಭಾಗ, ಐಕ್ಯೂಎಸಿ ಮತ್ತು ಪತ್ರಕರ್ತರ ವೇದಿಕೆ ಸಂಯುಕ್ತವಾಗಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಹರಿಕೃಷ್ಣ ಪುನರೂರು ಅವರು ನಗರದ ಪತ್ರಕರ್ತ, ಅಂಕಣಕಾರ ನವೀನ್‌ ಕೆ. ಇನ್ನಾ ಮತ್ತು ಉಡುಪಿಯ ಹಿರಿಯ ಪತ್ರಕರ್ತ ಸುಭಾಶ್ಚಂದ್ರ ಎಸ್‌. ವಾಗೆÛ ಅವರಿಗೆ ಪ್ರಶಸ್ತಿಯನ್ನು ಪ್ರದಾನಿಸಿ ಗೌರವಿಸಿ, ಶುಭ ಹಾರೈಸಿದರು.

ಇದೇ ಸಂದರ್ಭ ಸಂವಾದ ಕಾರ್ಯಕ್ರಮ ನಡೆಯಿತು. ಅಧ್ಯಕ್ಷತೆಯನ್ನು ಪತ್ರಕರ್ತರ ವೇದಿಕೆ ಉಡುಪಿ ಜಿಲ್ಲಾಧ್ಯಕ್ಷ ಶೇಖರ ಅಜೆಕಾರು, ಉಡುಪಿ ಜಿಲ್ಲಾ ವಾರ್ತಾಧಿಕಾರಿ ಕೆ. ರೋಹಿಣಿ, ಕಾಲೇಜಿನ ಪ್ರಾಂಶುಪಾಲ ಬಿ. ಜಗದೀಶ್‌ ರಾವ್‌, ಗಲ್ಫ್ ಕನ್ನಡಿಗ ಸ್ಥಾಪಕ ಸಂಪಾದಕ ಬಿ. ಜಿ. ಮೋಹನ್‌ದಾಸ್‌, ಉಪನ್ಯಾಸಕ ರಾದ ಗುರುರಾಜ ಪ್ರಭು, ಜಯಲಕ, ರಾಜೇಶ ಶಿಬಾಜೆ ಸಹೋದರ ಸಂಬಂಧಿ ವಿಶ್ವನಾಥ ಶಿಬಾಜೆ ಅತಿಥಿಗಳಾಗಿ ಪಾಲ್ಗೊಂಡಿದ್ದರು.

ಪತ್ರಿಕೋದ್ಯಮ ಉಪನ್ಯಾಸಕ ಡಾ| ಶ್ರೀನಿವಾಸ,  ಡೊಂಬಯ್ಯ ಇಡಿRದು, ಸುಜಿತ್‌ ಕೋಟ್ಯಾನ್‌, ಸಚ್ಚೇಂದ್ರ ಪಣಿಯೂರು, ಅವರಿಗೆ ಮಾಧ್ಯಮ ಶಿಕ್ಷಣ ಸಮ್ಮಾನ್‌ ಮತ್ತು ಯುವ ಪತ್ರಕರ್ತ ಅರ್ಚನಾ ಗುಂಡ್ಮಿ, ಗಣೇಶ್‌ ಸಾಯಿಬರಕಟ್ಟೆ, ಪರೀಕ್ಷಿತ್‌ ಶೇಟ್‌, ಪಲ್ಲವಿ ಸಂತೋಷ್‌ ಮಂಜುನಾಥ, ವಿದ್ಯಾಶ್ರೀ ಆಚಾರ್ಯ, ತೃಪ್ಪಿ ಉಪ್ಪಿನಕೋಟೆ ಹಾಗೂ ಚೈತ್ರಾ ಕುಂದಾಪುರ ಅವರಿಗೆ ಯುವ ಮಾಧ್ಯಮ ರತ್ನ ಗೌರವ ನೀಡಲಾಯಿತು. ಕಾರ್ಯಕ್ರಮ ಸಂಯೋಜಕ ಮಂಜಪ್ಪ ದ್ಯಾ. ಗೋಣಿ ಸ್ವಾಗತಿಸಿ ಪ್ರಾಸ್ತಾವಿಕವಾಗಿ ಮಾತನಾಡಿದರು.