ಕೋವಿಡ್ ಲಕ್ಷಣ ಇಲ್ಲದಿದ್ದರೆ ಪರೀಕ್ಷೆ ಅಗತ್ಯವಿಲ್ಲ: ಟೋಪೆ

Team Udayavani, Jun 14, 2020, 9:26 AM IST

ಮುಂಬಯಿ ಜೂ. 13: ಕೋವಿಡ್ ಸೋಂಕಿನ ಲಕ್ಷಣ ಕಾಣಿಸಿಕೊಳ್ಳದಿದ್ದರೆ ಅಂತವರು ರೋಗದ ಪರೀಕ್ಷೆ ನಡೆಸುವ ಅಗತ್ಯ ಇಲ್ಲ ಎಂದು ಅರೋಗ್ಯ ಸಚಿವ ರಾಜೇಶ್‌ ಟೋಪೆ ಹೇಳಿದ್ದಾರೆ.

ಕೋವಿಡ್ ಲಕ್ಷಣ ಇದ್ದರೆ ಮಾತ್ರ ತಪಾಸಣೆ ನಡೆಸ ಬೇಕು. ಭವಿಷ್ಯದಲ್ಲಿ ನಾವು ಕೋವಿಡ್ ಜತೆಗೆ ಜೀವನದ ಮುಂದುವರಿಸಬೇ ಕಾದ ಸಾಧ್ಯತೆಯಿದೆ. ನಾವು ನಮ್ಮ ಬಗ್ಗೆ ಕಾಳಜಿ ವಹಿಸುತ್ತಾ ಜೀವನ ಕಂಡುಕೊಳ್ಳಬೇ ಕಾಗಿದೆ. ಯಾರಿಗಾದರೂ ರೋಗ ಲಕ್ಷಣ ಕಂಡುಬಂದರೆ ಕೋವಿಡ್ ಪರೀಕ್ಷೆ ಮಾಡಿಕೊಳ್ಳುವುದು ಅತ್ಯವಶ್ಯಕವಾಗಿದೆ. ಯಾರಿಗೆ ರೋಗ ಲಕ್ಷಣವಿಲ್ಲ ಅವರು ಪರೀಕ್ಷೆ ಮಾಡುವ ಅಗತ್ಯವಿಲ್ಲ ಎಂದರು.

ಕ್ಯಾಬಿನೆಟ್‌ ಸಭೆ ಹಾಗೂ ಇತರ ಕಾರ್ಯಕ್ರಮಗಳಲ್ಲಿ ಸಾಮಾಜಿಕ ಅಂತರವನ್ನು ಗಮನದಲ್ಲಿಸಿ ಮಾಡಲಾಗುತ್ತಿದೆ. ಹಾಗೆಯೆ ಪ್ರತಿಯೊಂದು ದೂರುಗಳ ಬಗ್ಗೆ ಗಮನ ಹರಿಸಲಾಗುತ್ತದೆ ಎಂದು ರಾಜೇಶ್‌ ಟೋಪೆ ಹೇಳಿದ್ದಾರೆ. ಧನಂಜಯ ಮುಂಡೆ ಕುರಿತು ಮಾತನಾಡಿದ ಅವರು ಮುಂಡೆ ಅವರ ಚಿಕಿತ್ಸೆಯನ್ನು ಬ್ರಿಚ್‌ಕ್ಯಾಂಡಿ ಆಸ್ಪತ್ರೆಯಲ್ಲಿ ಪ್ರಾರಂಭಿಸಲಾಗಿದೆ. ಅವರು 10 ದಿನಗಳಲ್ಲಿ ಮತ್ತೆ ಸಕ್ರಿಯವಾಗಲಿದ್ದಾರೆ ಎಂದಿದ್ದಾರೆ.