ಪುಣೆ ಕುಲಾಲ ಸುಧಾರಕ ಸಂಘ: ಎಸ್‌ಎಸ್‌ಸಿ ಪ್ರತಿಭಾನ್ವಿತೆಗೆ ಅಭಿನಂದನೆ

Team Udayavani, Jun 12, 2018, 4:32 PM IST

ಪುಣೆ: ಪುಣೆಯ ಕನ್ನಡ ಸಂಘದ ಸಂಚಾಲಕತ್ವದ ಡಾ| ಶ್ಯಾಮ ರಾವ್‌ ಕಲ್ಮಾಡಿ  ಕನ್ನಡ ಮಾಧ್ಯಮ ಹೈಸ್ಕೂಲ್‌ನಲ್ಲಿ ವಿದ್ಯಾರ್ಥಿನಿ ಶ್ರಾವ್ಯಾ ಶ್ರೀಧರ್‌ ಕುಲಾಲ್‌  2017-2018 ನೇ

ಸಾಲಿನ ಶೈಕ್ಷಣಿಕ ವರ್ಷದ ಎಸ್‌ಎಸ್‌ಸಿ ಪರೀಕ್ಷೆಯಲ್ಲಿ   ಶೇ. 91.08  ಅಂಕಗಳನ್ನು ಪಡೆದು ಪುಣೆ ವಿಭಾಗದಲ್ಲಿ ಕನ್ನಡ ಮಾದ್ಯಮದಲ್ಲಿ ಪ್ರಥಮ ಸ್ಥಾನಿಯಾಗಿದ್ದು, ಅವರ ಸಾಧನೆಯನ್ನು ಗುರುತಿಸಿ ಪುಣೆ ಕುಲಾಲ ಸುಧಾರಕ ಸಂಘವು ಅಭಿನಂದನೆ ಸಲ್ಲಿಸಿತು.

ಪುಣೆ ಕುಲಾಲ ಸಂಘದ ಅಧ್ಯಕ್ಷರಾದ ಹರೀಶ್‌ ಕುಲಾಲ್‌ ಮುಂಡ್ಕೂರು ಅವರ ನೇತೃತ್ವದಲ್ಲಿ ಅವರನ್ನು ಪುಷ್ಪಗುತ್ಛ ಹಾಗೂ ಮುಂದಿನ ವಿದ್ಯಾಭ್ಯಾಸಕ್ಕೆ ಸಹಕಾರಿ ಯಾಗಲು ಆರ್ಥಿಕ ಸಹಾಯವನ್ನು ಚೆಕ್‌ ಮುಖಾಂತರ ನೀಡಿ ಗೌರವಿಸಿ ಅಭಿನಂದಿಸ ಲಾಯಿತು. ಈ ಸಂದರ್ಭದಲ್ಲಿ ಪುಣೆ ಕುಲಾಲ ಸಂಘದ ಕಾರ್ಯದರ್ಶಿ ನವೀನ್‌ ಬಂಟ್ವಾಳ್‌, ಕೋಶಾಧಿಕಾರಿ ಮನೋಜ್‌ ಸಾಲ್ಯಾನ್‌, ಮಹಿಳಾ ವಿಭಾಗದ ಕಾರ್ಯದರ್ಶಿ ಜಯಂತಿ ಮೂಲ್ಯ ಕೋಶಾಧಿಕಾರಿ ಸರಸ್ವತಿ ಮೂಲ್ಯ ಉಪಸ್ಥಿತರಿದ್ದರು. ಇವರು ಪುಣೆಯ ಗೋಖಲೆನಗರ ನಿವಾಸಿಗಳಾದ ಕಡಂದಲೆ ಶ್ರೀದರ್‌ ಕುಲಾಲ್‌ ಮತ್ತು ಎಲ್ಲೂರು ಕೆಮುಂಡೆಲು ಯಶೋದಾ ಎಸ್‌. ಕುಲಾಲ್‌ ದಂಪತಿಯ ಪುತ್ರಿ.