ಪುಣೆ: ಮ್ಯಾರಿಗೋಲ್ಡ್‌ ಬ್ಯಾಂಕ್ವೆಟ್ಸ್‌ ಹಾಲ್‌ ಸಮುಚ್ಚಯ ಆರಂಭ

Team Udayavani, May 5, 2019, 5:45 PM IST

ಪುಣೆ: ಪುಣೆ ಪೌಡ್‌ ರಸ್ತೆಯಲ್ಲಿ ಚಾಂದನಿ ಚೌಕ್‌ ಹತ್ತಿರದಲ್ಲಿ ಪುಣೆಯಲ್ಲಿಯೇ ಅತ್ಯುತ್ತಮವೆನಿಸುವ ಬ್ಯಾಂಕ್ವೆಟ್‌ ಹಾಲ್‌ ಸಮುಚ್ಚಯದ ಶುಭಾರಂಭವು ಎ. 28 ರಂದು ನಡೆಯಿತು.

ಇದರ ಮಾಲಕರಾದ ಶಂತನು ದೇಶ್‌ಪಾಂಡೆ ಅವರು ದೀಪ ಪ್ರಜ್ವಲಿಸಿ ಶುಭಾರಂಭಗೈದರು. ಈ ಸಂದರ್ಭ ಸಂಚಾಲಕರಾದ ರಾಕೇಶ್‌ ಡಿ. ಶೆಟ್ಟಿ ಮತ್ತಿತರ ಹಿತೈಷಿಗಳು ಉಪಸ್ಥಿತರಿದ್ದರು. ಪುಣೆಯಲ್ಲಿಯೇ ಉತ್ಕೃಷ್ಟ ದರ್ಜೆಯ ಸೂಪರ್‌ ಪಾರ್ಟಿ ಹಾಲ್‌ಗ‌ಳನ್ನು ನಿರ್ಮಿಸಲಾಗಿದ್ದು ಮದುವೆ, ಕಾರ್ಪೊರೇಟ್‌ ಈವೆಂಟ್ಸ್‌, ಸಾಮಾಜಿಕ ಕಾರ್ಯಕ್ರಮಗಳಿಗೆ, ಸಣ್ಣ ಕಾರ್ಯಕ್ರಮಗಳಿಂದ ಹಿಡಿದು ಬೃಹತ್‌ ಕಾರ್ಯಕ್ರಮಗಳನ್ನು ಏರ್ಪಡಿಸಲು ಅತ್ಯಾಧುನಿಕ ಸೌಕರ್ಯಗಳನ್ನೊಳಗೊಂಡ ಹಾಲ್‌ಗ‌ಳನ್ನೂ ನಿರ್ಮಿಸಲಾಗಿದೆ.

5 ಅತ್ಯಾಧುನಿಕ ಸುಸಜ್ಜಿತ ಹವಾನಿಯಂತ್ರಿತ ಹಾಲ್‌ಗ‌ಳು, ಪ್ರಕೃತಿ ಸೌಂದರ್ಯವನ್ನು ಆಸ್ವಾದಿಸುವಂತಹ ಎರಡು ದೊಡ್ಡದಾದ ಸುಂದರವಾದ ಲಾನ್‌ಗಳನ್ನು ನಿರ್ಮಿಸಲಾಗಿದೆ. ಅಲ್ಲದೆ 20 ಸುಸಜ್ಜಿತ ಕೊಠಡಿಗಳನ್ನೂ ನಿರ್ಮಿಸಲಾಗಿದೆ. 30 ಜನರಿಂದ ಹಿಡಿದು 6 ಸಾವಿರದವರೆಗೆ ಪಾರ್ಟಿಗಳನ್ನು ಇಲ್ಲಿ ಮಾಡಲು ಅನುಕೂಲ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಸಭಾಭವನಗಳಲ್ಲಿ ಸುಂದರವಾದ ಕಲಾಕೃತಿಗಳ ಸೌಂದರ್ಯದೊಂದಿಗೆ ಉತ್ತಮವಾದ ಸಂಗೀತವನ್ನು ಆಸ್ವಾದಿಸುವ ವ್ಯವಸ್ಥೆ, ಬೆಳಕಿನ ವ್ಯವಸ್ಥೆಗಳನ್ನು ಅಳವಡಿಸಲಾಗಿದೆ.

ಚಿತ್ರ -ವರದಿ: ಕಿರಣ್‌ ಬಿ. ರೈ ಕರ್ನೂರು.