ಎಸ್‌ಬಿಐ ಫುಟ್ಬಾಲ್‌ ಆಟಗಾರ ಹರೀಶ್‌ ಪೂಜಾರಿ ನಿವೃತ್ತಿ

Team Udayavani, Sep 6, 2017, 11:50 AM IST

ಮುಂಬಯಿ: ದಕ್ಷಿಣ ಮುಂಬಯಿಯ ಹಾರ್ನಿಮನ್‌ ಸರ್ಕಲ್‌ ಸಮೀಪದ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ(ಎಸ್‌ಬಿಐ)ದ ಫುಟ್ಬಾಲ್‌ ಆಟಗಾರನಾಗಿ 35 ವರ್ಷಗಳ ಹಿಂದೆ ಭರ್ತಿಗೊಂಡ ಮಲಾಡ್‌ ಪೂರ್ವದ ಹರೀಶ್‌ ಪೂಜಾರಿ ಅವರು ಆ. 31ರಂದು ಸ್ವಯಂನಿವೃತ್ತಿ ಹೊಂದಿದರು.

ಮೂಲತಃ ಉಡುಪಿಯ ಕಟಪಾಡಿ ನಿವಾಸಿಯಾದ ಇವರು 1982ರಲ್ಲಿ ಎಸ್‌ಬಿಐನ ಫುಟ್ಬಾಲ್‌ ಆಟಗಾರನಾಗಿ ಭರ್ತಿಗೊಂಡು ಸುಮಾರು 35 ವರ್ಷಗಳ ಕಾಲ ಬ್ಯಾಂಕಿನ ಪರವಾಗಿ ಆಡಿ ಬ್ಯಾಂಕ್‌ಗೆ ಹಲವಾರು ಪ್ರಶಸ್ತಿ ಗಳಿಸಿಕೊಟ್ಟವರಲ್ಲಿ ಪ್ರಮುಖರಾಗಿರುತ್ತಾರೆ.

ಸಂತೋಷ್‌ ಟ್ರೋಫಿಯಲ್ಲಿ ಮಹಾರಾಷ್ಟ್ರ ತಂಡದಲ್ಲಿ ಆಡಿದಲ್ಲದೆ, ಅಂತರ್‌ ಬ್ಯಾಂಕ್‌ ಟೂರಿ°ಯಲ್ಲಿ ಆಡಿ ಭಾರತ ಫುಟ್ಬಾಲ್‌ ತಂಡದ ದಿಗ್ಗಜರಾದ ಸುರ್ಜಿತ್‌ ಸೇನ್‌ ಗುಪ್ತಾ, ಭಾಸ್ಕರ ಗಂಗೂಲಿ,ಪ್ರಸುನ್‌ ಬ್ಯಾನರ್ಜಿ, ಪ್ರಶಾಂತೊ ಬ್ಯಾನರ್ಜಿ, ಸ್ಯಾಮುಲ್‌ ಬ್ಯಾನರ್ಜಿ, ಸುಭ್ರತೊ ಭಟ್ಟಾಚಾರ್ಯ ಅವರಂತಹ ಹಲವಾರು ಅನುಭವಿ ಆಟಗಾರರೊಂದಿಗೆ ಆಡಿದ ಹರೀಶ್‌ ಅವರನ್ನು ಬ್ಯಾಂಕಿನ ಸಿಬಂದಿಗಳು ಹಾಗೂ ಬ್ಯಾಂಕಿನ ಮಹಾ ಪ್ರಬಂಧಕ ಪತಿತ ಪಾವನನಂದ ಹಾಗೂ ದಯಾಳ್‌ ಮತ್ತು ವಿಶಾಖಾ ಭಟ್‌ ಅವರು ಶಾಲು ಹೊದಿಸಿ, ಪ್ರಮಾಣ ಪತ್ರ ನೆನಪಿನ ಕಾಣಿಕೆ ನೀಡಿ ಬೀಳ್ಕೊಟ್ಟರು. ಮುಂಬರುವ ದಿನಗಳಲ್ಲಿ ಇವರು ಕರ್ನಾಟಕ ನ್ಪೋರ್ಟ್ಸ್ ಅಸೋಸಿಯೇಶನ್‌ನಲ್ಲಿ ಫುಟ್ಬಾಲ್‌ ಕೋಚ್‌ ಆಗಿ ಕಾರ್ಯನಿರ್ವಹಿಸಲಿದ್ದಾರೆ.