ಸಿರಿನಾಡ ವೆಲ್ಫೇರ್ ಅಸೋಸಿಯೇಶನ್‌: ವಿಶೇಷ ಭಜನ ಕಾರ್ಯಕ್ರಮ

Team Udayavani, Sep 28, 2017, 3:58 PM IST

ಡೊಂಬಿವಲಿ: ಸಿರಿನಾಡ ವೆಲ್ಫೇರ್ ಅಸೋಸಿಯೇಶನ್‌ ವತಿಯಿಂದ ವಿಶೇಷ ಭಜನ ಕಾರ್ಯಕ್ರಮವು ಸೆ. 24ರಂದು ಡೊಂಬಿ ವಲಿ ಪಶ್ಚಿಮದ ಗಾಂವ್ದೇವಿಯ  ಗಿರಿಜಾ ಮಾತಾ ಮಂದಿರದಲ್ಲಿ ನಡೆಯಿತು.

ಸಿರಿನಾಡ ವೆಲ್ಫೇರ್  ಅಸೋಸಿಯೇಶನ್‌ ಡೊಂಬಿವಲಿ ಇದರ ಉಪಾಧ್ಯಕ್ಷ ಅಜೆಕಾರು ಜಯ ಶೆಟ್ಟಿ ಅವರ ನೇತೃತ್ವ ದಲ್ಲಿ ನವರಾತ್ರಿಯ ನಿಮಿತ್ತವಾಗಿ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಅನಂತರ ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ವಿತರಣೆ ಜರಗಿತು.

ಸಿರಿನಾಡ ವೆಲ್ಫೆàರ್‌ ಅಸೋಸಿಯೇಶನ್‌ ಅಧ್ಯಕ್ಷ ಆರ್‌. ಕೆ. ಸುವರ್ಣ ಅವರನ್ನು ಗಾಂವೆªàವಿ ಗಿರಿಜಾ ಮಾತಾ ಮಂದಿರದ  ಮಂದಿರದ ಕಾರ್ಯಕಾರಿ ಸಮಿತಿಯ ಪಂಡಿತ್‌ ಠಾಕೂರ್‌ ಅವರು ಪ್ರಸಾದವನ್ನಿತ್ತು ಗೌರವಿಸಿದರು. ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ  ಸಿರಿನಾಡ ವೆಲ್ಫೆàರ್‌ ಅಸೋಸಿಯೇಶನ್‌ ಇದರ ಪದಾಧಿಕಾರಿಗಳು, ಮಹಿಳಾ ವಿಭಾಗದ ಪದಾಧಿಕಾರಿಗಳು, ಯುವ ವಿಭಾಗದ ಪದಾಧಿಕಾರಿಗಳು, ಕಾರ್ಯಕಾರಿ ಸಮಿತಿಯ ಸದಸ್ಯರು, ಸದಸ್ಯೆಯರು, ಭಕ್ತಾದಿಗಳು ಉಪಸ್ಥಿತರಿದ್ದು ಪ್ರಸಾದ ಸ್ವೀಕರಿಸಿದರು.

ಡೊಂಬಿವಲಿ ಪಶ್ಚಿಪದ ಓಲ್ಡ್‌ ಡೊಂಬಿವಲಿ ಠಾಕೂರ್‌ವಾಡಿಯ ಪರಿಸರದಲ್ಲಿರುವ ಗ್ರಾಮದೇವತೆ ಗಾಂವ್ದೇವಿ  ಗಿರಿಜಾ ಮಾತೆ ಮಂದಿರದಲ್ಲಿ ನವರಾತ್ರಿ ಉತ್ಸವವು ಸೆ. 21 ರಂದು ಪ್ರಾರಂಭಗೊಂಡಿದ್ದು, ಸೆ. 30 ರವರೆಗೆ ಅದ್ದೂರಿಯಾಗಿ ನಡೆಯಲಿದೆ. ಪ್ರತೀ ನವರಾತ್ರಿ ಸಂದರ್ಭದಲ್ಲಿ ಸಿರಿನಾಡ ವೆಲ್ಫೆàರ್‌ ಅಸೋಸಿಯೇಶನ್‌ ಸಂಸ್ಥೆಯು ಸೇರಿದಂತೆ ತುಳು-ಕನ್ನಡಪರ ಹಾಗೂ ಜಾತೀಯ ಸಂಘಟನೆಗಳು ಇಲ್ಲಿ ಭಜನ ಸೇವೆಯನ್ನು ನಡೆಸುತ್ತಿವೆ.