ಆಮ್ಲಜನಕದಲ್ಲಿ ರಾಜ್ಯ ಸ್ವಾವಲಂಬನೆ ಯತ್ನ: ಟೋಪೆ

Team Udayavani, May 14, 2021, 10:59 AM IST

ಮುಂಬಯಿ: ಆಮ್ಲಜನಕದಲ್ಲಿ ಮಹಾರಾಷ್ಟ್ರವನ್ನು ಸ್ವಾವಲಂಬಿಯನ್ನಾಗಿ ಮಾಡಲು ಪ್ರಯತ್ನಿಸಲಾಗುತ್ತಿದ್ದು, ಸಭೆ ಯಲ್ಲಿ ಮಿಷನ್‌ ಆಕ್ಸಿಜನ್‌ ಮಹತ್ವದ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂದು ಆರೋಗ್ಯ ಸಚಿವ ರಾಜೇಶ್‌ ಟೋಪೆ ಹೇಳಿದ್ದಾರೆ.

ಮಿಷನ್‌ ಆಕ್ಸಿಜನ್‌ ಅಡಿಯಲ್ಲಿ ಸಾಮಾನ್ಯವಾಗಿ ಪ್ರತಿ ಜಿÇÉೆಗೆ ಸಾಕಷ್ಟು ಆಮ್ಲಜನಕವನ್ನು ಉತ್ಪಾದಿಸಲು ಕೈಗಾರಿಕಾ ಇಲಾಖೆ ಕೆಲಸ ಮಾಡಬೇಕು. ಅದು ಪಿಎಸ್‌ಎ ಪ್ಲಾಟ್‌ಫಾರ್ಮ್ ಆಗಿರಲಿ ಅಥವಾ ಎಎಸ್‌ಯು (ಏರ್‌ ಸೆಪರೇಶನ್‌ ಯುನಿಟ್‌) ತಂತ್ರಜ್ಞಾನವಾಗಲಿ ಆಮ್ಲಜನಕವನ್ನು ಉತ್ಪಾದಿಸುವ ಉತ್ಪಾದಕರು ಅಥವಾ ಕಂಪೆನಿಗಳನ್ನು ಪ್ರೋತ್ಸಾಹಿಸಲು ಬಯಸುತ್ತೇವೆ. ಈ ಪ್ರೋತ್ಸಾಹಕ್ಕಾಗಿ ಪಟ್ಟಿ ಮಾಡಲಾಗಿದೆ. ಈ ಪಟ್ಟಿಯಲ್ಲಿ ನೋಂದಣಿ ಮನ್ನಾ, ವಿದ್ಯುತ್‌ ಸುಂಕ ಕಡಿತ, ಸುಂಕ ಕಡಿತ, ಸ್ಟಾ éಂಪ್‌ ಡ್ನೂಟಿ ಮನ್ನಾ ಮೊದಲಾದವುಗಳು ಸೇರಿವೆ ಎಂದು ಅವರು ತಿಳಿಸಿದ್ದಾರೆ.

ಮರಾಠವಾಡ ಮತ್ತು ವಿದರ್ಭಕ್ಕೆ ಶೇ. 15 ಮತ್ತು ಇತರ ಪ್ರದೇಶಗಳಿಗೆ ಶೇ. 10ರಷ್ಟು ಜಿಎಸ್‌ಟಿಯಲ್ಲಿ ವಿನಾಯಿತಿ ನೀಡಲಾಗಿದೆ. ಅಂತಹ ರಿಯಾಯಿತಿಗಳ ಸುದೀರ್ಘ‌ ಪಟ್ಟಿ ಇದೆ. ಇದರಿಂದ ಮಹಾರಾಷ್ಟ್ರ ಆಮ್ಲಜನಕದಲ್ಲಿ ಸ್ವಾವ ಲಂಬಿಯಾಗಬಹುದು. ಇದನ್ನು ಗಮನದಲ್ಲಿಟ್ಟುಕೊಂಡು ವೈದ್ಯಕೀಯ ಆಮ್ಲಜನಕದ ಉದ್ಯಮಿಗಳನ್ನು ಉತ್ತೇ ಜಿಸಲು ಇಂತಹ ರಿಯಾಯಿತಿಗಳನ್ನು ನೀಡಲಾಗಿದೆ. ಸಂಪುಟದಿಂದ ಅನೇಕ ಉತ್ತಮ ಸಲಹೆಗಳನ್ನು ನೀಡಲಾಗಿದೆ. ಆ ಸೂಚನೆಗಳೊಂದಿಗೆ ಇದನ್ನು ಅನುಮೋದಿಸಲಾಗುತ್ತದೆ ಎಂದು ಟೋಪೆ ತಿಳಿಸಿದ್ದಾರೆ.