ನವಿ ಮುಂಬಯಿ ಮನಪಾದಿಂದ ಟೆಂಡರ್‌ ವಿಸ್ತರಣೆ

Team Udayavani, May 30, 2021, 1:09 PM IST

ನವಿ ಮುಂಬಯಿ: ಕೊರೊನಾ ಲಸಿಕೆ ಲಭ್ಯವಿಲ್ಲದ ಕಾರಣ ಮುಂಬಯಿ ಮಹಾನಗರ ಪಾಲಿಕೆಯಂತೆ ಜಾಗತಿಕ ಟೆಂಡರ್‌ ವಿಸ್ತರಣೆ ಮಾಡಲು ನವಿಮುಂಬಯಿ ಮಹಾನಗರ ಪಾಲಿಕೆ ನಿರ್ಧರಿಸಿದೆ.

ಮುಂಬಯಿ ಮನಪಾಗೆ ಟೆಂಡರ್‌ ವಿಸ್ತರಣೆ ಬಳಿಕ ಕೆಲವು ಕಂಪೆನಿಗಳು ಸ್ಪಂದಿಸಿದ್ದು, ಆದ್ದರಿಂದ ನವಿಮುಂಬಯಿ ಮನಪಾವು ಎರಡನೇ ಬಾರಿ ಟೆಂಡರ್‌ ವಿಸ್ತರಣೆ ಮಾಡುವ ನಿರ್ಧಾರ ಕೈಗೊಂಡಿದೆ.ನವಿಮುಂಬಯಿ ಮಹಾನಗರ ಪಾಲಿಕೆ ನಗರದಲ್ಲಿ ಸಾಧ್ಯವಾದಷ್ಟು ನಾಗರಿಕರಿಗೆ ಲಸಿಕೆ ನೀಡಲು ನಿರ್ಧರಿಸಿದೆ.

ಇದಕ್ಕಾಗಿ ಹೆಚ್ಚಿನಸಂಖ್ಯೆಯ ವ್ಯಾಕ್ಸಿನೇಷನ್‌ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ. ಭವಿಷ್ಯದಲ್ಲಿ ಪ್ರತಿ ವಾರ್ಡ್‌ಗಳಲ್ಲಿ ವ್ಯಾಕ್ಸಿನೇ ಷನ್‌ ಕೇಂದ್ರಗಳನ್ನು ಸ್ಥಾಪಿಸಲಾಗುವುದು ಮತ್ತು ಪುರಸಭೆ ಶಾಲೆಗ ಳನ್ನು ಈ ಉದ್ದೇಶಕ್ಕಾಗಿ ಬಳಸಲಾ ಗುತ್ತದೆ. ಆದ್ದರಿಂದ ಪುರಸಭೆಯು ಸಿದ್ಧತೆಗಳನ್ನು ಮಾಡಿದ್ದು, ಆದರೆ ಲಸಿಕೆ ಕೊರತೆಯಿಂದ ಇದಕ್ಕೆ ಹಿನ್ನಡೆಯಾಗಿದೆ.

4 ಲಕ್ಷ ಲಸಿಕೆ ಖರೀದಿಪ್ರಸ್ತುತ ಆಡಳಿತವು ಕೇಂದ್ರ ಅಥವಾ ರಾಜ್ಯ ಸರಕಾರದಿಂದ ನೀಡಲಾಗುವ ಲಸಿಕೆಯನ್ನು ಅವಲಂಬಿತವಾಗಿದೆ. ಈ ಸಮಸ್ಯೆಯನ್ನು ಪರಿಹರಿಸಲು, ಪಾಲಿಕೆ 4 ಲಕ್ಷ ಲಸಿಕೆಗಳನ್ನು ಖರೀದಿಸಲು ನಿರ್ಧರಿಸಿದೆ. ಜಾಗತಿಕ ಟೆಂಡರ್‌ ಅನ್ನು ಮೇ 16ರಂದು ಪ್ರಕಟಿಸಲಾಗಿದ್ದು, ಗಡುವು ಮೇ 22 ಆಗಿತ್ತು, ಆದರೆ ಯಾವುದೇ ಕಂಪೆನಿ ಪ್ರತಿಕ್ರಿಯಿಸದ ಹಿನ್ನೆಲೆಯಲ್ಲಿ ಇದನ್ನು 8 ದಿನಗಳ ಕಾಲ ವಿಸ್ತರಣೆ ಮಾಡಲಾಗಿದೆ ಎಂದು ಮಹಾನಗರ ಪಾಲಿಕೆ ತಿಳಿಸಿದೆ.